۱پطرس 4:14 - Gilaki New Testament

¹⁴ خوشأل بیبید، اگه جٚه اَ خأطر کی مسیحی ایسید شٚمٚره فأش بٚدٚد و نیفرین بوکونٚد، چونکی خودا پورجلالٚ روحٚ گرمأیَ حس کونیدی کی تومأمٚ شیمی جأنٚ پورَ کونِه.

کیتاب مقدّس به گیلکی (رشتی)

¹⁴ خوش به حالٚ شومأن اگه مسیحٚ نامٚ وأسی شمرَ فحش و فلاکت دیهیدی، چره کی روحٚ جلال کی خودا روح ایسه، بر شومأن قرار گیره.

کتاب مقدس به زبان گیلکی - گویش شرقی

¹⁴ أگه مسیح نؤم وأسی شمره فحش بدأن، خوش به حال شمه، چونکی جلال روح کی خدای روح ایسه شیمئه سر قرار گینه.

کتاب مقدس به زبان گیلکی - گویش رشت و غرب گیلان

¹⁴ اگه مسیحِ نامِ واسی شمرأ فاش بدَئید، خوشابحال شُمان، چونکی جلالِ روحِ و خُدا روح شیمی سر قرار گیره.

۱پطرس 4:14 ပူးပေါင်းရင်းမြစ်များ

متّی 5:11

«خوشأ بحألٚ شومأن، وختی کی مردوم می خأطرٚ وأسی شٚمٚره رخشنَ گیرده و شٚمٚره جفا کونٚد و در موردٚ شومأن دورُغ بٚگد و هر جور نأجورٚ گب در موردٚ شومأن، خوشأنٚ زٚوأنٚ رو بأوٚرٚد.

متّی 5:16

اَطویی، وئألید شیمی خورومٚ کردکأرأن نورٚ مأنستَن مردومٚ رو دتأوٚه، کی اوشأن اَ کردکأرأنٚ بیدینٚد و شیمی آسمأنی پئرَ ستأیٚش بوکونٚد.

لوقا 6:22

«خوشبحألٚ شومأن، وختی مردوم اینسأنٚ پٚسرٚ وأسی، شیمی جَا بیزأرَ بد و شٚمٚره، خوشأنٚ جمَ میأن رأ نٚدٚده و شٚمٚره فأش دٚهٚده و بُهتأن زنٚده!»

یوحنا 15:21

دونیأ مردوم شٚمٚره آزأر دٚهٚده، جٚه اَ خأطر کی شومأن میشینیدی و هطویی‌یٚم اَنٚ وأسی کی اوشأن خودایَ نشنأسٚده، هو خودایی کی مٚرَه اوسه کوده.

یوحنا 8:48

قومٚ پیله کسأن ایجگره بٚزِده و بوگفتٚده: «اَی سأمریٚ اَجنبی، اَمأن جٚه او اوّل دوروست گفتیم کی تو دیوأنه‌یی.»

یوحنا 9:28

فریسیأن اونَ فأش و فلاکت بٚدأده و بوگفتٚده: «تویٚم اونی شأگردی. اَمأن موسا شأگردیم.

یوحنا 9:34

اَشأن ایجگره بٚزِ‌ده: «تو سٚر تأ پأ گونأ جَا بودونیأ بأمؤیی، هسأ خأیی اَمٚرَه بأموجی؟» پس اونَ بیرونَ کودٚد.

اعمالٚ رسولأن 13:45

ولی وختی یوهود پیله‌ کسأن بیدِده کی مردوم روسولأنٚ پیغأمٚ جَا ایستقبأل کونٚده، جٚه حیسأدت اوشأنی جَا بد گفتیدی و هرچی پولس گفتی، اونَ ضد گفتیدی.

اعمالٚ رسولأن 18:6

ولی وختی یوهودیأن اونی اَمرأ موخألفت بوکودٚد و فأش بٚدأده، پولس او شهرٚ گرد و خأکَ خو لیوأس جَا بتکأنه و بوگفته: «شیمی خون شیمی گردن بٚبه! شیمی خون می گردن ننأ. جٚه اَنٚ پٚسی خودا پیغأمَ اوشأنی‌یَ کی یوهودی نییٚده فأرسأنم.»

اعمالٚ رسولأن 28:22

ولی خأییمی تی جَا بشتأویم کی چی ایمأنی دأری، چونکی تنأ اونچی‌یَ کی مسیحیأنٚ جَا دأنیمی اَنٚ کی هرتأ جیگأ جٚه اوشأنٚ بد گده.»

اعمالٚ رسولأن 5:41

روسولأن جٚه اویَه بیرون بأمؤده و خوشأل بود کی خودا اَشأنَ لأیٚق بدأنسته کی اونی نأمٚ وأسی رنج بٚکشد و بی‌حورمتی بیدینٚد.

دوم قرنتیان 12:10

هه دلیلٚ رِه، مسیح خأطرٚ وأسی سوستیأن، بی‌حورمتیأن، سختیأن، اَذِت آزأرأن و موشکلأنٚ دورون خوشألم. چونکی او وخت کی سوستم، او وخت پورقوّتم.

دوم قرنتیان 4:10

جٚه درد و رنجٚ رأ، اَمی جأن ای‌رٚوٚند عیسا مٚردنٚ دورون شیریک بِه، کی عیسا حیأتم اَمی جأنٚ دورون بیدِه بٚبه.

دوم قرنتیان 4:16

هنٚ وأسی ایسه کی اَمأن هیوخت جٚه خودا خیدمت دیلسرد نیبیمی. هرچن اَمی جأنٚ قوّت یوأش یوأش جٚه بین شؤئؤندره، ولی اَمی بأطینٚ قوّت هر روج در خوداوند ایضأفه بِه.

غلاطیأن 1:24

و اَ عوضَ بوستنٚ وأسی کی می دورونی ایتفأق دکفته بأعيث بوبوسته خودایَ شوکر و سپاس بوکونٚد.

عبرأنیأن 11:26

اونی فیکرٚ میأن مسیح وأسی ننگ و زحمتَ تحمول کودن، تومأمٚ مصرٚ خزأنه‌یأن و گنجأنٚ جَا ویشتر اَرزَستی. چونکی اون او پیله جأیزه‌ رأفأ ایسأبو کی خودا وعده بٚدأ بو.

یعقوب 1:12

خوشبحألٚ اونی کی زٚندیگی سختٚ ایمتحأنأنَ تحمول بوکونه، چون وختی کی اَ ایمتحأنأنٚ جَا خو سٚرٚ رأستَ گیره، خوداوند همیشٚکی زٚندیگی تأجٚ اونَ فأدَه، هو تأج کی تومأمٚ او کسأنی کی اونَ دوس دأرده‌یٚ وعده بٚدأ.

یعقوب 5:11

همه‌یٚ اوشأنی کی زٚندیگی دورون صبر و تحمول بدأشتده، خوشبختٚ بوستد. "ایوب" ایتأ مثأل جٚه اوشأنی ایسه کی تومأم موشکلأن و خٚیلی سختیأنٚ اَمرأ خو صبر و ایمأنٚ جٚه دٚس نٚدأ و خوداوندٚم آخرپٚسی اونَ عأقبت بٚخیر بوکوده، چون خوداوند خٚیلی رحیم و مهروأنه.

۱پطرس 2:12

شیمی دؤرٚور بی‌ایمأنأنٚ ورجأ مورأقبٚ شیمی کردکأر بیبید؛ حتّا اگه اَشأن شٚمٚره بدکأری وأسی موتهم بوکوند، امّا وختی کی مسیح وأگرده، خودایَ شیمی خوروم کأرأنٚ وأسی ستأیٚش کونٚده.

۱پطرس 3:14

امّا خوشبحألٚ شومأن، حتّا اگه شٚمٚره ظولم و ستم کونیدی، چونکی خوداوند شٚمٚره خوروم چی فأدِه. پس نترسید و دیل نیگرأن نیبید،

۱پطرس 3:16

ویجدأنٚ پأکٚ اَمرأ، اونچی‌یَ کی دوروست و رأست ایسه انجأم بدید؛ چونکی وختی مسیحَ ایمأنٚ دورون شیمی دوروستکأری‌یَ بفأمٚد، خوشأنٚ کأرٚ جَا شرمنده بٚده.

۱پطرس 4:16

امّا اگه جٚه اَ خأطر کی مسیحی ایسید اَذِت آزأر بوبوستید خجألت نٚکشید، بلکی ایفتخأر بوکونید کی مسیح ایسم شیمی رو نٚهأ و خودایَ جٚه اَ خأطر شوکر بوکونید!

دوم پطرس 2:2

ایتأ عألمه جٚه اَشأنٚ آموجه‌یأن کی ضرر دأره و اخلأقیأتٚ اَمرأ موخألف ایسه ایطأعت کونٚده و هه آدمأنٚ وأسی او حِئقتٚ رأیأن توهین و رخشن بیگیفته بٚده.