۱پطرس 2:7 - Gilaki New Testament

⁷ اَ «سنگ» شِمِره کی ایمأندأر ایسید، خٚیلی بأ اَرزشه، امّا بی‌ایمأنأنٚ رِه هو سنگی‌یَ مأنِه کی دروأره اون بوگفته بوبوسته: «اوسنگی‌یَ کی بنّایأن فیشأدٚده، هو بینأ اصلی سنگ بوبوسته.»

کیتاب مقدّس به گیلکی (رشتی)

⁷ اَ سنگ شِمرِه کی ایمأن بأوردیدی ارزش دأره ولی اوشأنٚ رِه کی ایمأن نأریدی: «هو سنگی کی معمارأن قوبیل نوکودیدی، ساختمأنٚ رِه سنگٚ زاویه بوبوسته،»

کتاب مقدس به زبان گیلکی - گویش شرقی

⁷ پس ای، شیمئبه کی ایمؤن بأردین حرمت ایسه؛ ولی اوشؤن ئبه کی ایمؤن نأردن، «او سنگه کی معمارؤن ردأگودن بنا مهمترین سنگ بوبؤ،»

کتاب مقدس به زبان گیلکی - گویش رشت و غرب گیلان

⁷ پس اَن، شمان کی ایمان باوَردیدِ ره، حرمت ایسه، ولی اوشانِ ره کی ایمان ناوردید، «اُ سنگی ایسه کی معماران ردَّ کودید بنا مهمترین سنگ بُبوسته،»

۱پطرس 2:7 ပူးပေါင်းရင်းမြစ်များ

متّی 21:42

بأزون عیسا اَشأنٚ جَا وأوٚرسِه: «ینی تأ اَسه موقدسٚ کیتأبأنٚ دورون نٚخأندیدی کی: "او سنگی کی معمأرأن فیشأدٚد، سأختمأنٚ اصلی سنگ بوبوسته. اَن خوداوندٚ کأره، و اَمِرِه عجیب بٚنظر اَیِه " ؟

لوقا 2:32

اون ایتأ نورٚ مأنستَن البأقی اومتأنَ دتأوٚه و تی قوم، ایسرأییلٚ نتأجٚ سٚربولندٚ کونه!»

لوقا 2:34

امّا شمعون اوشأنی رِه دوعأی خیر بوکوده. بأزین، او زأکٚ مأر، مریمَ بوگفته: «اَ زأی اینتخأب بوبوسته کی خٚیلی جٚه ایسرأییلٚ نتأجٚ کفتن و ویریشتنَ بأعیث بٚبه، و ایتأ نیشأنه بٚبه کی اونی ضد گب بٚزٚنٚد.

لوقا 20:17

عیسا اوشأنَ فأندرسته و بوگفت: «پس خودا کلامٚ منظور چیسه کی گه: "هو سنگی کی بنّایأن فیشأدٚد، بٚنأ اصلی سنگ بوبوسته؟"

یوحنا 4:42

او وخت او زنأکَ بوگفتٚده: «اَمأن دِه فقد تی گبأنَ وأسی اونَ ایمأن نأوریم، بلکی خودمأن اونی گبأنَ بشتأوستیم و ایمأن دأریم کی اون دونیأ، نیجأت بٚدأ کس ایسه.»

اعمالٚ رسولأن 26:19

«هنٚ وأسی، اَی پأدیشأ اگریپاس، من جٚه او آسمأنی رویأ می رویَ وأنگردأنِم.

رومیأن 10:21

ولی دروأره‌یٚ ایسرأییلٚ قوم بٚفرمأسته: «تومأمٚ روج می دٚسأنَ اَشأنٚ ور درأزَ کودم، ایتأ نأفرمأن و لجبأزٚ قومٚ ور.»

رومیأن 15:31

دوعأ بوکونید کی اورشلیمٚ دورون او یوهودیأنٚ جَا کی مسیحَ ایمأن نأرٚده، در اَمأن ببم. هطویم دوعأ بوکونید کی می خیدمت، اویَه مسیحیأنٚ رِه قأبیلٚ قوبیل بٚبه.

دوم قرنتیان 2:16

اوشأنی رِه کی گونأ رأ دورون قدم اوسأنٚده و هلأکٚ بوستنٚ ور شٚده، اَمأن محکوم بوستنٚ وأشتنأکٚ بویَ دیهیم، ولی اوشأنی رِه کی نیجأتٚ رأ دورون قدم اوسأنٚده، ایتأ عطر ایسیم کی همه چی‌یَ تأزٚگی و تأزه زٚندیگی بٚخشه. ولی کیسه کی بتأنه و قأبیل بٚبه کی اَطویی اینجیلَ موعیظه بوکونه؟

کولسیان 2:10

بأزون، وختی مسیحَ دأرید همه چی دأرید و شیمی جأن لبألب خودا حوضورٚ جَا پور ایسه. مسیح رأس‌رأسِی تومأمٚ رئیسأن و قودرتأنٚ سٚر حأکیمه.

تیتوس 3:3

اَمأنٚم ای زمأت جأهیل و یاغی و اَویر و شهوتأن و کثیفٚ لیذتأنٚ میأن اسیر بیم. اَمی زٚندیگی بوخل و کینه جَا پور بو؛ همٚتأن اَمی جَا نیفرت دأشتید، اَمأنٚم همٚتأنٚ جَا متنفیر بیم.

عبرأنیأن 11:31

ولی اوشأنی میأن راحاب کی خرأب دأشتی، اَریحا مردومٚ اَمرأ بوکوشته نوبوسته، چونکی خودا و اونی قودرتَ ایمأن دأشتی و اوشأنی‌ کی خودا قومٚ جَا بود و اونی ورجأ اوسه کوده بوبوستٚده خُب پذیرأیی بوکوده؛ ولی البأقیأن حأضیر نوبوستٚد کی خودایَ ایطأعت بوکونٚد.

عبرأنیأن 4:11

پس اَمأنٚم تومأمٚ اَمی حقٚ سعی‌یَ بٚزنیم کی خودا او آسأیش دورون بیشیم، نوکونه کی بنی‌ایسرأییلٚ مأنستَن، فرمأن نبردنٚ وأسی جٚه اونی بودورون شؤئؤن، محرومٚ بیم.

۱پطرس 1:8

بأ اَنکی تأ اَسه مسیحَ نیدِیید، امّا اونَ دوس دأرید. اَسأیٚم بأ اَنکی اونَ نیدینیدی، امّا اونَ ایمأن دأرید و اَ ایمأن شیمی دیلٚ دورونی ایتأ پیله خوشألی و پور جٚه جلالی بٚنه کی هیذره نشأ اونی جَا تعریف کودن.

۱پطرس 2:4

دأنیدی کی مسیح، او زٚنده سنگی ایسه کی خودا تصمیم بیگیفته خو روحأنی بینأیَ اونی رو چأکونه. اگه چی اینسأنأن اونَ رٚدَ کودٚد، امّا اون خودا ورجأ بأ ارزش و اینتخأب بوبوسته ایسه. پس اونی ورجأ وأگردید،

۱پطرس 2:8

هطویم، موقدسٚ کیتأبأنٚ میأنی بأمؤ دأره: «اون سنگی ایسه کی بأعیثٚ لغزش به و صخره‌ایی ایسه کی بأعیثٚ سقوط به.» اوشأنٚ سقوط و کفتن جٚه اَ خأطر ایسه کی خودا کلامٚ جَا ایطأعت نوکونٚده، پس اونچی‌یَ کی اوشأنٚ سرنوشتٚ وأسی تصمیم بیگیفته بوبوسته اوشأن سٚر اَیِه.