اوّل یوحنا 4:8 - Gilaki New Testament

⁸ امّا او کسی کی محبت نوکونه، خودایَ نشنأسه چونکی خودا محبته.

کتاب مقدس به زبان گیلکی - گویش شرقی

⁸ اونی که محبت نوکوئنه، خدا نشناخته، چونکه خدا محبت ایسّه.

کتاب مقدس به زبان گیلکی - گویش رشت و غرب گیلان

⁸ اونكی محبت نُكونه، خُدایَ نشناخته، چونكی خُدا محبتِ.

اوّل یوحنا 4:8 ပူးပေါင်းရင်းမြစ်များ

دوم قرنتیان 13:11

آخری نوکته کی میل دأرم بینیویسٚم اَن ایسه: خوشأل بیبید. روشد بوکونید و پیلّه بید. کس‌کسٚ تِشویق بوکونید. صولح و صفأ میأن زٚندیگی بوکونید. خودا کی محبت و آرأمٚش جٚه اون سٚر گیره، شیمی اَمرأ بٚبه.

افسسیان 2:4

امّا خودا کی اونی لوطف و رحمت ویشتر جٚه اَمی فیکرٚ قودرت ایسه، اَمٚرَه اَنقد دوس دأشتی

عبرأنیأن 12:29

چونکی اَمی خودا ایتأ آتش ایسٚه کی سوجأنه.

اوّل یوحنا 1:5

اَن او پیغأمی ایسه کی اونی جَا بشتأوستیم کی شٚمٚره وأگویا بوکونیم: «خودا، نوره و در اون هیذره سیأهی وجود نأرِه.»

اوّل یوحنا 2:4

اونی کی خودایَ شنأسه امّا خودا حوکمأنَ حیفظ نوکونه و اونٚ خأستَ بجأ نأوٚره، دورُغ گه و حِئقتٚ جَا دورٚه.

اوّل یوحنا 2:9

اونی کی گه: «من نورٚ دورونی زٚندیگی کونم»، ولی خو همنویَ دوس نأرِه، هنو تأریکی دورونی ایسأ.

اوّل یوحنا 3:10

پس اَطویی شأ گفتن کی خودا زأکه و کی ایبلیس زأی. هر کی جوری زٚندیگی بوکونه کی خودا قوبیل ندأره و خو همنویَ محبت نوکونه، خودا زأی نییٚه.

اوّل یوحنا 3:6

پس اگه همیشٚک مسیحٚ اَمرأ نیزدیکٚ رأبطه بٚدأریم، گونأ دورون زٚندیگی نوکونیم. اگه اینفر گونأ دورون زٚندیگی کونِه، عیلّت اَنه کی هیوخت اونی اَمرأ رأبطه نأشتی و اونَ نشنأخته.

اوّل یوحنا 4:16

اَمأن دأنیم کی خودا چنقذر اَمٚرَه دوس دأره چونکی اونی محبتَ وأچیشتیم. اَمأن اونی محبتَ بأوٚر بوکودیم. خودا محبته! و هرکی محبتٚ اَمرأ زٚندیگی بوکونه، خودا اَمرأ زٚندیگی کونِه و خودا در اون ایسأ.

اوّل یوحنا 4:7

اَی می جأنٚ دیلأن، بأیید کس‌کسَ محبت بوکونیم، چونکی محبت جٚه خودایه و هرکی محبت کونه خودا جَا بودونیأ بأمؤ و خودایَ رأس‌رأسِی شنأسه.