اوّل قرنتیان 9:25 - Gilaki New Testament

²⁵ ورزشکأر اَنٚ وأسی کی موسأبقه رِه آمأده بٚبه، خٚیلی سختٚ تمرینأن انجأم دِهه کی ایتأ، جٚه بین شؤئؤنی تأج بٚدٚس بأوٚره، ولی اَمأن اَمٚرَه ایتأ سختٚ اینضبأط دورون نیهیم کی ایتأ اَبدی تأج بٚدٚس بأوریم.

کتاب مقدس به زبان گیلکی - گویش شرقی

²⁵ هرکس مسابقه به شنه، همه چی میئن خو جلوئه گینه. اوشون ای کاره کوئنن تا او تاجِ که از بین شنه بدست بأرَن؛ ولی أمه ای کارونه کوئنیم تا او تاجِ که از بین نشنه بدست بأریم.

کتاب مقدس به زبان گیلکی - گویش رشت و غرب گیلان

²⁵ هرکس مسابقه ره شه، همه چیِ درون خو جُلُوی گیره. اوشان اَ کارَ کونیدی تا اُ تاجیَ کی از بین شه بدس باورید ولی امان اَ کارانَ کونیم تا اُ تاجَ کی از بین نیشه بدس باوریم.

اوّل قرنتیان 9:25 ပူးပေါင်းရင်းမြစ်များ

اوّل قرنتیان 15:54

او وخت کی خرأبَ بوستنی جأن او جأن کی خرأبٚ نیبه‌یَ دوکود، و جٚه بین شؤئؤنی جأن او جٚه بین نوشؤنی جأنَ، او وخت او کلام کی بینیویشته بوبوسته، انجأم بِه کی فٚرمأیه: «مٚردن پیروزَ بوستنٚ دورون فٚوٚرسته بوبوسته.

غلاطیأن 5:23

هیتأ جٚه اَ خوروم صٚفٚتأن، دینی حوکمأن و شریعت یوهودٚ اَمرأ موخألفتی نأرِه.

اوّل تیموتائوس 6:12

ایمأنٚ خورومٚ جنگٚ دورون بٚخُبی جنگ بوکون و او همیشٚکی زٚندیگی‌یَ بٚدٚس بأوٚر کی خودا تٚرَه اونٚ رِه دؤخأده، هو زمأت کی ایتأ عألمٚ شأهیدأنٚ ورجأ خورومٚ ایعترأف بوکودی.

دوم تیموتائوس 2:5

هوطویم ایتأ بأزیکن کی خأیه موسأبقه‌یَ ببره، وأستی تومأمٚ موسأبقه قأنونأنَ ایحترأم بٚنه.

تیتوس 1:8

و هطویم وأستی میهمأن بدأشته آدم بٚبه و خورومٚ کأرأنَ خوش بٚدأره. اون وأستی دوروست، مونصیف، پأک و خوددار بٚبه.

تیتوس 2:2

پیرٚمردأکأنَ بأموج کی سنگین و جأ دکفته و پرهیزکأر بٚبٚد، دوروست ایمأن بٚدأرٚد و همه کأرَ جٚه سٚرٚ محبت و صبر دأشتٚن انجأم بٚدٚد.

عبرأنیأن 12:28

پس اَسه کی ایتأ قأیمٚ ملکوت اَمی شین بِه، بأیید خودایَ جٚه اَمی دیلٚ جولفٚ جیگأ شوکر بیگیم و اونَ اوطو کی وأستی بٚبه، ترس و حورمتٚ اَمرأ خیدمت بوکونیم.

عبرأنیأن 12:4

جٚه اَن بوگذریم، شومأن تأ اَسه گونأ جولو ایسأنٚ رِه شیمی جأنَ ننأییدی.

یعقوب 1:12

خوشبحألٚ اونی کی زٚندیگی سختٚ ایمتحأنأنَ تحمول بوکونه، چون وختی کی اَ ایمتحأنأنٚ جَا خو سٚرٚ رأستَ گیره، خوداوند همیشٚکی زٚندیگی تأجٚ اونَ فأدَه، هو تأج کی تومأمٚ او کسأنی کی اونَ دوس دأرده‌یٚ وعده بٚدأ.

۱پطرس 1:4

خودایٚم ایتأ ارثی کی هیذره خرأب، کثیف و بأطیلٚ نیبه، آسمأنٚ میأنی شِمِره بدأشته ینی هو اَبدی زٚندیگی‌یَ

۱پطرس 5:4

تأ او روج کی «پیله شبأن» اَیِه، شٚمٚره ایتأ پأدأش فأدٚه و خو تومأنٚ نوبوستٚنی جلال و عظمتٚ میأن شیریک بوکونه.

دوم پطرس 1:6

و شنأختٚ رِه، صبرَ و صبرٚ رِه، ایستقأمتَ و ایستقأمتٚ رِه، دیندأری و خودا جَا حیسأب بردنَ

موکأشفه 2:10

سختیأن و زحمتأنٚ جَا کی تٚرَه پیش دٚرٚه، نوأترسئن! پور دِه بأقی نییٚه شیطان بعضیتأ جٚه شٚمٚره تأوٚده زندأن کی شٚمٚره ایمتحأن بوکونه. شومأن ده روج زمأت اَذِت و آزأر و عذأب دینیدی، ولی تأ مٚردنٚ سٚر وفأ بوکونید کی اَبدی زٚندیگی تأجَ بنم شیمی سٚر.

موکأشفه 3:11

پور زمأت نیبه کی من اَیٚم. پس اونچی کی دأری قأیم بٚدأر کی هیکس نتأنه تی تأج و تی پیله پأدأشَ بودوزدأنه.

موکأشفه 4:10

او بیست و چأرتأ پیرٚ آدم اونی ورجأ سوجده بوکودٚد، اونَ کی همیشٚک زٚنده ایسه، پرستٚش کونٚده، و خوشأنی تأجأنَ تأودٚده اونی تخت جولو،

موکأشفه 4:4

او تختٚ دؤر، بیست و چأرتأ دِه تخت نٚهأ بو؛ اوشأنٚ رو بیست و چأرتأ پیرٚ آدم نیشته بود کی همٚتأن سیفیدٚ رخت دوکوده و ایتأ تأج کی طلأ جَا بو خوشأنی سٚرٚ رو دأشتیدی.