اوّل قرنتیان 9:19 - Gilaki New Testament

¹⁹ چونکی هرچن آزأد ایسٚم و هیکسٚ غولأم نییٚم، ولی مٚرَه همه کسٚ غولأم چأکودم کی بٚتأنم ویشتر آدم نفر مسیح رِه بٚدٚس بأوٚرٚم.

کتاب مقدس به زبان گیلکی - گویش شرقی

¹⁹ چونکه هرچن که همه چی جی آزاد ایسّم، خودمه همکس غولوم چاگودم تا خیلی أنِ مسیح ئبه بدس بارم.

کتاب مقدس به زبان گیلکی - گویش رشت و غرب گیلان

¹⁹ چون هرچن کی جه همه چی آزادم، خودمَ همتانِ غُلام چاکودم تا خَیلیانَ مسیحِ ره بدس باورم.

اوّل قرنتیان 9:19 ပူးပေါင်းရင်းမြစ်များ

متّی 18:15

«اگه تی برأر، تی حق بٚدی بوکونٚه، بوشو و خلوتی اونی اَمرأ گب بٚزٚن و اونَ خو ایشتیوأ جَا وأخٚوٚرَ کون. اگه تی گبَ بشتأوست و بٚگٚردٚن بیگیفت، تی برأرَ دووأره بیأفتی.

رومیأن 1:14

چونکی مٚرَه مدیون دأنٚم کی اَ خورومٚ خٚوٚرَ همٚتأنَ فأرسأنم، چی موتمدنٚ آدمأنَ چی بی‌تمدونٚ آدمأن، چی سوأد دأرأنَ چی بی‌سوأدأنَ.

رومیأن 11:14

اَ اومیدٚ اَمرأ کی اوشأنَ وأدأرم هو برکتَ بخأیٚد کی شومأن کی یوهودی نیئیدی دأریدی و هنٚ وأسی بعضی جٚه اَشأنی نیجأتَ بأعیث ببم.

رومیأن 15:2

هرتأ جٚه اَمأن وأستی البأقی آدمأنَ کومک بوکونیم کی اونچی‌یَ کی دوروسته انجأم بٚدٚد. اَشأنَ وأستی در خوداوند بٚنأ بوکونیم.

اوّل قرنتیان 10:29

اَ جریأن میأن اونی ویجدأن موهیم ایسه، نه شیمی ویجدأن. ولی ایمکأن دأره شومأن وأوٚرسید: «چٚره من وأستی البأقیأنٚ ویجدأنٚ وأسی، می دٚس و پأ دٚوٚسته بٚبه؟

اوّل قرنتیان 10:33

منم هه رأ روشَ اَمرأ پیش شٚم و حقٚ سعی زنٚم کی هرتأ کأرٚ میأن همٚتأنَ خوشألَ کونم. پس اونچی‌یَ کی دوس دأرم و یا می نفع ایسه‌یَ، انجأم نٚدم، بلکی او کأرَ کونم کی البأقیأنٚ نفع اونٚ میأن نٚهأ کی اَشأن نیجأت بیأفٚد.

اوّل قرنتیان 7:16

دویُم اَنکی، شومأن ایمأندأرٚ زنأکأن نتأنید ایطمینأن بٚدأرید کی اگه شیمی مردأکأن شیمی اَمرأ بئیسٚد، نیجأت یأفده. هطویم شومأن ایمأندأر مردأکأنٚم نتأنید جٚه شیمی زنأکأن اَطوچی ایطمینأن بٚدأرید.

اوّل قرنتیان 9:1

مگه البأقی آدمأنٚ مأنستَن، آزأد نییٚم؟ مگه روسول نییٚم؟ مگه اَمی خوداوند، عیسایَ نیدِم؟ مگه شومأن می کأرٚ مأصول در خوداوند نیئید؟

دوم قرنتیان 12:14

هسأ سیومی وأر رِه قصد دأرم شیمی ورجأ بأیٚم؛ اَی دفأیٚم شیمی سٚربأر نٚبم، چونکی شیمی مألَ نخأیٚم بلکی شٚمٚره خأیم! جٚه خأطرَ ندید کی شومأن می زأکأن ایسید؛ زأکأنٚ وظیفه نییٚه کی خوشأنٚ پئر و مأرٚ زٚندیگی‌یَ فأرٚس فوروس بوکونٚد، بلکی پئر و مأر وأستی خوشأنٚ زأکأنٚ ایحتیأجأنَ فأرٚس فوروس بوکونٚد.

دوم قرنتیان 4:15

پس تومأمٚ اَ زحمتأنٚ کی تحمول کونیمی همه شٚمٚره بٚصرف ایسه. و هر چی اَمی عیده آدمأن کی اَمی خیدمت و تلاش اَمرأ، مسیحَ ایمأن اَوٚریدی، ویشتر بٚبه؛ آدمأنٚ ویشترییٚم خودایَ اونٚ لوطف و مهرٚوأنی وأسی، شوکر کونیدی و خوداوند جلالٚ ویشتٚری یأفه.

دوم قرنتیان 4:5

اَمی پیغأم و موعیظه‌یٚم هیوخت اَمی گولأز کودنٚ رِه نوبو بلکی اَمی موعیظه‌یأنٚ دورون فقد عیسا مسیحَ ایشأره بوکودیم و اونَ خوداوند معرّفی بوکودیم. فقد ایچی کی دروأره‌یٚ خودمأن گیمی اَن ایسه، اَمأن او فدأکأری وأسی کی مسیح صلیبٚ سٚر بوکوده، شیمی خیدمتگوزأرأن ایسیم.

غلاطیأن 5:1

پس اَسه کی مسیح شٚمٚره آزأدَ کوده، حقٚ سعی بٚزنید کی آزأد بئیسید و ایوأردِه شریعتٚ قید و بندٚ اسیر نیبید.

غلاطیأن 5:13

جأنٚ دیلٚ برأرأن، خودا شٚمٚره آزأدی بٚبخشه، امّا نه آزأدی شیمی نفسٚ خأسته‌یأنَ ایطأعت کودنٚ وأسی، بلکی محبت کودن و کس‌کسٚ دوس دأشتنٚ وأسی.

اوّل تیموتائوس 4:16

دیقتٚ اَمرأ تی طرزٚ زٚندیگی و آموجه‌یأنم بٚپّأ. اَ کأرأنٚ دورون قأیم بئیس، چونکی اگه اَطو بوکونی، خودا تی رأ و روشأنٚ جَا، هم تٚرَه نیجأت دِهه و هم اوشأنی کی تی گبَ ایشتأوده.

دوم تیموتائوس 2:10

ولی من حأضیرٚم ویشتر جٚه اَن خودا اینتخأب بوبوسته‌یأنٚ رأ میأن زحمت بیدینٚم کی اوشأنم نیجأت و اَبدی جلالَ جٚه عیسایٚ مسیح بیأفٚد.

۱پطرس 3:1

هطویم، شومأن اَی زنأکأن شیمی شوهرأنٚ جَا ایطأعت بوکونید. بأزون حتّا اگه ای عیده جٚه اَشأن خودا کلامٚ جَا ایطأعت نوکونٚد شیمی کردکأرٚ دِئنٚ وأسی بودونٚ اَنکی حتّا ایتأ گب شیمی زوأن رو بأوٚرید، ایمأن بأوٚرٚد؛