اوّل قرنتیان 9:17 - Gilaki New Testament

¹⁷ اگه من می میلٚ اَمرأ بٚخأسته بیم کی خودایَ خیدمت بوکونم، اوطویی موزد و موأجبٚم خأستیم. ولی اَطو نییٚه، چونکی خودا خودش، مٚرَه اینتخأب بوکوده و اَ موقدسٚ خیدمتَ مٚرَه بیسپأرده و من جٚه خودم هیذره ایختیأر نأرٚم.

کتاب مقدس به زبان گیلکی - گویش شرقی

¹⁷ چونکه اگه می اختیار همأ ای کاره انجام بدم، پاداشی هگینم؛ ولی اگه می اختیار اجی نبی فقط می وظیفه انجام دادرم.

کتاب مقدس به زبان گیلکی - گویش رشت و غرب گیلان

¹⁷ چونکی اَگه می ایختیارِ اَمرا اَ کارَ انجام بدَم پاداشی فیگیرم ولی اَگه می ایختیار اَمرا نَبه، فقط می وظیفه یَ انجام دَئن دَرم.

اوّل قرنتیان 9:17 ပူးပေါင်းရင်းမြစ်များ

متّی 10:41

«هر کی ایتأ پیغمبرٚ، اوسِه کوده جٚه، خودا ور، قوبیل بوکونٚه، خودش هم ایتأ پیغمبرٚ پأدأشٚ فأگیره، و هر کی ایتأ دوروستکأرٚ آدمٚ اونی دورستکأری وأسی قوبیل بوکونٚه، ایتأ پأدأش اونی پأدأشٚ مأنستَن یأفه.

متّی 24:25

بیدینید، من اَشأنَ جٚه پیش شٚمٚره بوگفتم.

لوقا 12:42

عیسایٚ خوداوند اونی جوأب دئنٚ وأسی بٚفرمأسته: «وفأ کونه و عأقیلٚ خیدمتکأر اونی ایسه کی اونی اربأب بتأنه اونَ البأقی خأنه خیدمتکأرأنَ مٚسؤل چأکونه کی وختٚ سٚر اوشأنٚ خوردنی فأده.

یوحنا 4:36

اوشأنی کی وأوینٚده، خوروم دٚسموزد فأگیرٚده کی اَ مأصولأنَ آسمأنٚ انبأرأنٚ میأن ذخیره بوکونٚد. چی پیله برکتی فأرٚسِه اوشأنی‌یَ کی کأرٚده و وأوینٚده!

اوّل قرنتیان 3:14

او میعمأر پأدأش فأگیره کی او پأکأرٚ سٚر ایتأ عیمأرت، خورومٚ مصألح اَمرأ بسأخته‌ بی و اونی کأرأنٚ آخرپٚسی سأق و سألیم آزمأیشٚ جَا بیرون بأیٚه.

اوّل قرنتیان 3:8

اَپلس و می میأن فرق ننأ و هرتأن او زحمتٚ رِه کی بٚکشِییم، پأدأش فأگیریم.

اوّل قرنتیان 4:1

پس شومأن وأستی اَپلس و مٚرَه مسیح خیدمتگوزأرأن بدأنید، کی خودا رأزأنٚ آشیکأر کودنٚ اَمرأ، جٚه ایلاهی برکتأن شٚمٚره بهره فأدیم.

اوّل قرنتیان 9:16

چونکی اَ خیدمتٚ انجأم دٚئن، خؤرَه خؤرَه مِرِه ایتأ خُبی بٚحیسأب نأیِه، چونکی من وظیفه دأرم کی اَ خیدمتَ انجأم بدم، و اگه اونی انجأم دئنٚ میأن سوستی بوکونم، اَی وای بر من!

اوّل قرنتیان 9:18

اَجور وضع میأن، می موأجب چیسه؟ می موأجب، هو خوشألی ایسه کی جٚه اینجیلٚ خورومٚ خٚوٚرٚ وأگویا کودنٚ اَمرأ بٚدٚس اَوٚرم، اونم بودونٚ اَنکی جٚه هیکس مألی کومک فأگیرٚم و یا می حقَ بخأیٚم.

دوم قرنتیان 8:12

کومک چندر بٚبه موهیم نییٚه، بلکی خودا رِه اَ موضو سٚر شیمی دوس دأشتٚن و توجه موهیم ایسه. اَنٚم بٚگم کی، اون رأفأ نئیسأ کی شومأن ویشتر جٚه شیمی توأن پیشکش فأدید، بلکی اَندر کی تأنیدی.

غلاطیأن 2:7

بأزین وختی یعقوب و پطرس و یوحنا کی کیلیسا سوتونأن معروف ایسٚد، بیدِده چوطو خودا می جَا ایستفأده کودأندٚره تأ اوشأنی کی یوهودی نییٚد اونی ور اوسه کونم، برنابا و می اَمرأ دٚسٚ ریفأقت بدأد و اَمٚرَه تِشویق بوکودٚده کی اَمی بشأرت کأر اوشأنی کی یوهودی نییٚد ایدأمه بٚدیم و اوشأنم یوهودیأن میأن خوشأنی خیدمتَ ایدأمه بٚدٚد. در اصل هو خودایی کی مٚرَه اوشأنی کی یوهودی نییٚده هیدأیتٚ وأسی ایستفأده بوکوده، پطرسٚم یوهودیأنٚ هیدأیتٚ کودن وأسی اینتخأب بوکوده، چونکی خودا هر کودأم جٚه اَمٚرَه ایتأ نوبوّتٚ بوخصوص بٚبخشه.

کولسیان 1:25

هطویم، من خودا ور مأموریت بیأفتم کی اونٚ کیلیسایَ خیدمت بوکونم و اونٚ گبٚ تومأم و کمأل شِمِره وأگویا بوکونم،

اوّل تسالونیکیان 2:4

رأس‌رأسِی، خودا اَمٚرَه ایعتمأد بوکوده کی هچین ایتأ جٚه اونٚ روسولأنٚ مأنستَن، اینجیلٚ حِئقتأنَ وأگویا بوکونیم. جٚه اَ خأطر هیذره‌یٚم خودا پیغأمَ عوضَ نوکونیم، حتّا اگه مردومٚ مذأقٚ رِه خوش نأیٚه؛ چونکی اَمأن هو خودا خیدمتکأریم کی تومأمٚ اَمی دیلٚ نیّتأنٚ جَا وأخٚوٚره.

فیلیمون 1:14

ولی نخأستیم بی‌اَنکی تو رأضی بیبی اَ کأرَ انجأم بدم کی تی خورومٚ کأر مجبوری سٚر نٚبه، بلکی تی میل و ایختیأرٚ جَا بٚبه.