اوّل قرنتیان 7:17 - Gilaki New Testament

¹⁷ هر جور بٚبه، هرتأ جٚه شومأن اوجور زٚندیگی بوکونید کی یقین بٚدأرید اوطو کی خودا خأیه کردکأر کودأندرید. او جأ مکأن کی خودا شٚمٚره اونی دورون بٚنأیَ، قوبیل بوکونید. اَن می حوکم ایسه تومأمٚ کیلیسایأنٚ رِه.

کتاب مقدس به زبان گیلکی - گویش شرقی

¹⁷ فقط هرکس هوطو زندگی بکونی که خداوند اون ئبه معین بوده و اوجور که خدا اونه دخونده. ایی حکمی ایسه که مو همه کلیساهان میئن گونم .

کتاب مقدس به زبان گیلکی - گویش رشت و غرب گیلان

¹⁷ فقط، هرکس هُطو زیندگی بُکونه کی خُداوند اونِ ره مُعین بُکوده و اوجور کی خُدا اونَ دوخواده. اَن حُکمی ایسه کی من تمانِ کلیسائانِ درون گَم.

اوّل قرنتیان 7:17 ပူးပေါင်းရင်းမြစ်များ

متّی 19:12

بعضیتأن مأر بأوٚرده نقصٚ وأسی نٚتأنٚده عروسی بوکونٚد؛ بعضیتأنٚم مردوم، نأقیصَ کودٚد و نٚتأنٚد عروسی بوکونٚد؛ و بعضی‌یٚم آسمأنٚ ملکوتٚ وأسی عروسی نوکونٚده. هر کی اَ وصلتٚ اصلٚ انجأم دئنٚ رِه قودرتٚ دأره، وئألید اونَ قوبیل بوکونٚه.»

اوّل قرنتیان 10:32

پس بٚپأیید کی هیکسٚ رِه لغزستنٚ سنگ نیبید، نه یوهودیأنٚ رِه، نه اوشأنی کی یوهودی نییٚد رِه، نه مسیحیأنٚ رِه.

اوّل قرنتیان 11:16

ولی اگه اینفر خأیه دروأره‌یٚ اَ موضو بوگو موگو بوکونه، فقد ایچی تأنٚم اونَ بٚگم کی اَن ایسه، اَمأن همیشٚک اَ آموجَ بٚدأییم کی زنأی دوعأ یا نوبوّتٚ وخت، وأستی خو سٚرَ دٚوٚده. تومأمٚ کیلیسایأنٚم اَ موضو‌یَ قوبیل دأرٚده.

اوّل قرنتیان 11:34

اگه اینفر خٚیلی ویشتأ ایسه، خو خأنه دورون بوخوره کی وختی البأقیأنٚ اَمرأ جمَ بِه، خو محکوم بوستن و موجأزأتٚ بأعیث نٚبه. وختی بأمؤم، البأقی موشکلأنم فأرٚس فوروس کونم.

اوّل قرنتیان 14:33

خودا هرکی هرکی‌یَ دوس نأرِه، بلکی دیچین وأچین و سأزشَ. هوطو کی تومأمٚ کیلیسایأنٚ دورون بیدِه به،

اوّل قرنتیان 16:1

ولی دروأره‌یٚ او پیشکشأن کی شیمی دیل خأیه اورشلیمٚ مسیحیأنٚ رِه اوسه کونید، تأنیدی اَطو بوکونید (هه رأیَ غلاطیه شهرأنٚ کیلیسایأنٚ پأ ورجأیٚم بنأم):

اوّل قرنتیان 4:17

هنٚ وأسی تیموتائوسَ اوسه کونم کی اَ کأرٚ دورون شٚمٚره کومک بوکونه. اون جٚه اوشأنی ایسه کی می گبأنٚ اَمرأ مسیح عیسایَ ایمأن بأوٚرده و مِرِه ایتأ زأکٚ مأنستَن عزیز و اَمین ایسه. اون او آموجه‌یأنَ کی همٚتأ جیگأ کیلیسایأن دورون فأدٚم شیمی خأطر اَوٚره.

اوّل قرنتیان 7:18

مٚثٚل بأوٚرٚم، ایتأ مردأی پیشتر جٚه اَنکی مسیحی بٚبه، یوهودٚ رسم موطأبٚق ختنه بوبوسته ایسه، جٚه اَ موضو نوأستی غورصه بٚدأره؛ و اگه ختنه نوبوسته ایسه، هسأ نوأستی ختنه بٚبه.

اوّل قرنتیان 7:24

هنٚ وأسی، اَی جأن و دیلٚ برأرأن و خأخورأن، هرتأن جٚه شومأن او وخت کی دؤخأده بوبوستید هرجور کی بید، هو حأل و هوا دورون خودا حوضورٚ دورون بئیسید.

اوّل قرنتیان 7:7

کأشکی همه کس بتأنسته بود می مأنستَن عزٚب بئیسٚد. ولی هرتأن جٚه خودا ور ایتأ بوخصوص عطأ دأره. اینفر اَ عطأیَ دأره و اینفر دِه اویتأ عطأیَ.

دوم قرنتیان 11:28

تومأمٚ اَشأنٚ رو اَنٚم بٚگم کی، ایتأ بأر دأرم کی شبندروج می کؤلٚ سٚر سنگینی کونِه و اون او مسئولیتٚ ایحسأس ایسه کی تومأمٚ کیلیسایأن رِه دأرم.

دوم قرنتیان 8:18

تیتوسٚ اَمرأ، ایتأ دِه برأرم اوسه کونم کی اونی خیدمتأنٚ وأسی اینجیلٚ رِه، همٚتأ کیلیسایأن اونَ شنأسٚده و اونٚ رِه ایحترأم نٚهٚده.

غلاطیأن 1:22

امّا هنو یوهودیه اوستأنٚ مسیحیأن مٚرَه نیده بود؛

اوّل تسالونیکیان 2:14

و بأزون، هو رنج و مرأرتی کی یوهودیه کیلیسایأن رِه کی در مسیحٚ عیسا ایسأد بأمؤ، شٚمٚره‌یٚم فوتورکست، چونکی شومأن جٚه خودتأنٚ همشهریأنٚ جَا هو اَذِت آزأر و ستمی‌یَ بیدِیید کی اَشأن جٚه خوشأنٚ یوهودی همشهریأن بیدِده.

دوم تسالونیکیان 1:4

هر کیلیسایی کی شیم، اَشأنٚ رِه گیم کی چوطو تومأمٚ آزأر و اَذِتأنٚ اَمرأ و سختیأنی کی آدمٚ جأنَ فأگیره، صبرٚ اَمرأ تومأمٚ شیمی ایمأنَ خودا رِه بدأشتیدی، شیمی وجودٚ وأسی ایفتخأر کونیم.