اوّل قرنتیان 16:18 - Gilaki New Testament

¹⁸ اوشأن می شأدی و دیلگرمی بأعیث بوبوستٚده و من یقین دأرم کی شِمِره‌یٚم هطو بود. اومید دأرم کی اَجور آدمأنٚ زحمتأنٚ قدرٚ بدأنید.

کتاب مقدس به زبان گیلکی - گویش شرقی

¹⁸ چونکه اوشون می روح و شیمه روحِ تازه واگودن. ایجور کسون حرمته بدارین.

کتاب مقدس به زبان گیلکی - گویش رشت و غرب گیلان

¹⁸ چونکی اوشان می روح و شیمی روحَ تازه بُکودید. اَجور کسانِ حُرمتَ بدَرید.

اوّل قرنتیان 16:18 ပူးပေါင်းရင်းမြစ်များ

رومیأن 15:32

بأزون، تأنٚم خودا خأست اَمرأ، ایتأ خوشألٚ دیلٚ اَمرأ بأیٚم شیمی ورجأ کی کس‌کسَ قوّت بٚدیم.

دوم قرنتیان 7:13

ولی ایضأفه بر دیل‌تسلأیی و او دیلٚ قوّت کی شیمی محبت جَا بیأفتیم، جٚه تیتوسٚ خوشألی‌یٚم خٚیلی دیلگرمَ بوستیم. اون جٚه اَنکی اونَ مهرٚوأنی بوکودید خوشأل بوبوسته، و اونی فیکر جٚه شیمی ور رأحتَ بوسته.

کولسیان 4:8

اونَ فقد هنٚ وأسی شیمی ورجأ اوسه کونم کی اَمی چند و چوندٚ حألٚ جَا وأخٚوٚرٚ بید و اونٚ گبأنٚ ایشتأوٚستٚنٚ اَمرأ دیلگرم و تِشویق بیبید.

اوّل تسالونیکیان 5:12

جأنٚ دیلٚ ایمأندأرأن، اوشأنی‌یَ کی خوداوندٚ کأرٚ میأن شیمی رهبرأن ایسٚد، موحترم بٚدأرید. اوشأن شیمی میأن خٚیلی حقٚ سعی زنٚده و شٚمٚره اَندرز کونٚده.

فیلیمون 1:20

اَطویی، می جأنٚ برأر، اَ محبتَ می حق دورون بوکون کی می دیل کی خسته‌‌ ایسه خوشألَ به و مسیحَ شوکر بوکونم.

فیلیمون 1:7

منم تی محبتٚ جَا اَی برأر، خوشی و دیل‌آرامی بیأفتم، چون تی مهرٚوأنی، ایمأندأرأنَ دیلأنٚ تأزه کوده.

عبرأنیأن 13:7

شیمی رهبرأنَ کی خودا کلامَ شٚمٚره بأمؤختٚده، بٚخأطر بٚدأرید. اوشأنی زٚندیگی خورومٚ نتیجه‌یأنَ فیکر بوکونید، و اوشأنی ایمأنٚ رأ روشَ اوسأنید.

سوم یوحنا 1:4

مِرِه هیچی ویشتر جٚه اَن خوشألَ نوکونه کی بشتأوم کی می زأکأن اَطویی حِئقتأنٚ جَا ایطأعت کونٚده.