اوّل قرنتیان 14:37 - Gilaki New Testament

³⁷ اگه ایدعأ کونیدی کی نوبوّت عطأ و یا البأقی روح‌القدسٚ عطأیأنَ دأریدی، پس وأستی شومأن پیشتر جٚه همه کس بفأمید کی هرچی گفتأندرم، خوداوندٚ حوکمأن ایسه.

کتاب مقدس به زبان گیلکی - گویش شرقی

³⁷ اگه یه نفر گمون کونه که یکته پیغمبر یا آدمی ایسه که خدا روحه دانه، او خا تصدیق بکونی اونی که شیمه به نیویسنم یکته حکم، خداوند اجی ایسه.

کتاب مقدس به زبان گیلکی - گویش رشت و غرب گیلان

³⁷ اَگه اینفر گُمان کونه کی ایتا پیغمبرِ یا آدمی ایسه کی خُدا روحَ دَره، اون بایستی تصدق بُکونه اونچیَ کی شمرأ نیویسَم ایتا حُکم، خُداوند جا ایسه.

اوّل قرنتیان 14:37 ပူးပေါင်းရင်းမြစ်များ

لوقا 10:16

بأزین، خو شأگردأنَ بوگفته: «هرکی شیمی پیغأمَ قوبیل بوکوده، ینی مٚرَه قوبیل بوکوده و هرکی شٚمٚره پس بٚزِه، اَنٚ مأنه کی مٚرَه پس بٚزِه و هرکی مٚرَه پس بٚزٚنه، اونی کی مٚرَه اوسه کوده‌یَ پس بٚزِه.»

رومیأن 12:3

شومأن کی خودا روسولیدی، شٚمٚره جٚه اونی ور نصیحت کونم کی پیله‌تر جٚه اونی کی ایسید شٚمٚره بٚحیسأب نأوٚرید، بلکی دروأره‌یٚ شومأن دوروست قیضأوت بوکونید و شٚمٚره هوندٚر ایمأنٚ اَمرأ کی خودا شٚمٚره فأدأ عیأر بٚزنید.

اوّل قرنتیان 14:29

اگه ایتأ عیده ایسأده کی جٚه خودا ور ایتأ نوبوّت دأرٚده، بِیتر ایسه پوشت بٚپوشت دو یا سه نفر جٚه اَشأن خودا پیغأمَ وأگویا بوکوند و البأقیأن اونَ بد و خُبَ بفأمٚد.

اوّل قرنتیان 14:36

مگه خودا کلام جٚه شومأن سٚر بیگیفته، یا بلکی فیکر کونیدی کی فقد شومأن خودا ایرأده‌یَ شنأسید و وٚست؟ اَطو بٚبه خٚیلی ایشتیوأ کودأندرید.

اوّل قرنتیان 14:38

ولی اگه اینفر وأزم موخألفت دأره، وئأل خو نأدأن‌گیری دورون بئیسه.

اوّل قرنتیان 2:15

اونی کی روحأنی‌یٚ هرچی‌یَ تشخیص دِهه و فأمه و هه کأر دونیأ مردومٚ غورصه و قأقَ بوستنَ بأعیث به، اوشأنی کی هیوخت اونَ نٚتأنٚد بفأمٚد.

اوّل قرنتیان 3:1

جأن و دیلٚ برأرأن و خأخورأن، تأ هسأ من نتأنستٚم شیمی اَمرأ روحأنی آدمأنٚ مأنستَن گب بٚزٚنم، چونکی شومأن جیسمٚ شین ایسید و هنو در مسیح پیلّه نوبوستید.

اوّل قرنتیان 7:25

وأوٚرسِه بید او کؤرأن کی هنو عروسی نوکودٚد، چی بوکوند؟ ایجأزه دأرٚد کی عروسی بوکوند؟ من اوشأنٚ رِه بوخصوص حوکم جٚه خوداوند ور نأرٚم. ولی چونکی خوداوند جٚه لوطفٚ سٚر، مٚرَه ایتأ قأبیلٚ ایعتمأدٚ حیکمت عطأ بوکوده، می فیکرَ اَ موضو رِه وأگویا کونم:

اوّل قرنتیان 7:40

ولی می نظر اَنه کی عروسی نوکونه بِیتر ایسه. و فیکر کونم کی اونچی کی گم، جٚه خودا روح ور ایسه.

اوّل قرنتیان 8:2

اینفر کی گومأن کونه همه چی‌یَ دأنه، رأس‌رأسِی هنو خٚیلی چیأنَ نأنِه.

دوم قرنتیان 10:12

اَمأن نیأریم کی اَمٚرَه اوشأنی اَمرأ کی خوشأنَ اَلکی گولأز کونٚده، ایتأ رده میأن بٚنیم. اَمٚرَه‌یٚم اوشأنٚ اَمرأ موقأیسه نوکونیم. اَشأنٚ کأر عأقیلأنه نییٚه کی خوشأنَ کس‌کسٚ اَمرأ قیأس کونٚده، و خوشأنَ او معیأرأنٚ اَمرأ سنجیدی کی خودشأن بٚنأده!

دوم قرنتیان 10:7

شیمی عأیب اَن ایسه کی می ظأهیرَ دینیدی، هنٚ وأسی فقد سوستی و درمأندگی دینیدی، ولی بأطینٚ موضویأنَ دیقت نأریدی. اَطویی، اگه اینفر جٚه شومأن ایدعأ کونه کی جٚه مسیح ور ایتأ قودرت و ایختیأرَ صأب ایسه، رأس‌رأسِی منم تأنٚم اَجور ایدعأ بوکونم.

دوم قرنتیان 11:4

می ترس اَنٚ وأسی ایسه کی شومأن خٚیلی سأده و زودبأور ایسید و هرکی هرچی بٚگه دفأتن بأوٚر کونیدی. حتّا اگه ایتأ دِه عیسایَ معرّفی بوکونٚد، جغرز اونی کی اَمأن شٚمٚره بشنأسأنِییم، یا دروأره‌یٚ ایتأ روحٚ دِه گب بٚزٚنٚد، جغرز او روح‌القدس کی خودا شٚمٚره بٚبخشه، و یا ایتأ دِه رأ، نیجأتٚ رِه شیمی پأ ورجأ بٚنٚد، شومأن همٚتأیَ بأوٚر کونیدی.

غلاطیأن 6:8

هر کی خو گونأکأرٚ طبعٚ خأسته‌یأنٚ رِه دأنه بکأره جٚه اَ گونأکأرٚ طبع، بٚمٚرده روح و جٚه بین شؤئؤنَ، بوجؤر اَوٚره. امّا هرکی روح‌القدسٚ خوشألَ کودنٚ وأسی ایتأ دأنه بکأره، اَبدی زٚندیگی‌یَ جٚه هو روح بوجؤر اَوٚره.

دوم پطرس 3:2

خأیم بٚخأطر بأوٚرید او چیزأنی کی جٚه موقدسٚ پیغمبرأن و اَمأن کی مسیحٚ روسولأنیم بأمؤختیدی، چونکی اَمأن خوداوند و اَمی نیجأت دهنده گبأنَ شیمی گوشَ فأرٚسأنِییم.

اوّل یوحنا 4:6

ولی اَمأن خودا زأکأنیم و فقد اوشأنی اَمی گبأنَ دیقت کونٚده کی خودایَ شنأسٚده و اونٚ اَمرأ ایتأ نیزدیکٚ رأبطه دأرٚده. امّا البأقی اَمی گبأنَ محل نٚنده. اَنٚم ایتأ دِه رأیه کی بفأمیم ایتأ پیغأم خودا جَا ایسه یا نه چونکی اگه خودا جَا بٚبه دونیأپرستٚ مردوم اونَ نشتأوٚده.

یهودا 1:17

اَی جأن و دیلأن، اَمی خوداوند عیسا مسیحٚ روسولأنٚ پیشگویی‌یَ بٚخأطر بأوٚرید.