اوّل قرنتیان 14:27 - Gilaki New Testament

²⁷ اگه ای عیده خأیده غریبٚ زوأنأنٚ اَمرأ گب بٚزٚنٚد، اوشأنی آدم نفرأن نوأستی ویشتر جٚه دو یا سه نفر بٚبه، اونم دأل بدأل. اینفرم وأستی اَ زوأنأنَ ترجومه بوکونه.

کتاب مقدس به زبان گیلکی - گویش شرقی

²⁷ اگه ینفر یکته ده زبون همره گب بزنی، بوگذارین هچی دو یا نهایت سه نفر، اونم به نوبت گب بزنن و ینفرم ترجمه بکونی.

کتاب مقدس به زبان گیلکی - گویش رشت و غرب گیلان

²⁷ اَگه ایکس ایتا دیگر زوان مرا گب بزنه، وَئالید فقط دو یا نهایت سه نفر، اونَم بِنُوبه گب بزنید و اینفرم ترجمه بُکونه.

اوّل قرنتیان 14:27 ပူးပေါင်းရင်းမြစ်များ

اوّل قرنتیان 12:10

اینفرَ موجیزه‌یأنٚ انجأم دئنٚ قودرتَ فأدِه، اویتأیَ نوبوّت کودنٚ عطأیَ. اینفرَ روحأنٚ میأن تشخیص دئنٚ عطأیَ بخشه. وأزم اینفرَ اَ عطأیَ بخشه کی بتأنه دوعأ وخت او زوأنأن اَمرأ کی نأمؤخته گب بٚزٚنه، و اویتأیَ اَ زوأنأنٚ ترجومه عطأیَ فأدِه.

اوّل قرنتیان 14:13

هر کی بٚزوأنأن گب زِئنٚ عطأیَ دأره، وأستی دوعأ بوکونه کی خودا اونَ عطأیٚ ترجومه‌یٚ اَ زوأنأنٚم فأدَه.

اوّل قرنتیان 14:2

چونکی اینفر کی نأمؤخته زوأنأنٚ اَمرأ گب زٚنِه، آدمأنٚ اَمرأ گب نٚزنه بلکی خودا اَمرأ ایسه، چونکی البأقیأن نٚتأنٚده اونی گبأنَ بفأمٚد. اون روح‌القدسٚ اَمرأ، رأزأنَ وأگویا کونه.

اوّل قرنتیان 14:26

پس، جأن و دیلٚ ایمأندأرأن، می نیّتَ خولاصه وأگویا کونم. وختی عیبأدتٚ رِه کیلیسا دورون جمَ بیدی، اینفر جٚه شومأن سورود بٚخأنه، اویتأ، خودا کلامَ البأقیأنَ بأموجه، اینفر دِه او موکأشفه‌یَ کی جٚه خودا فأگیفته وأگویا بوکونه، اینفرم غریبٚ زوأنأنٚ اَمرأ گب بٚزٚنه و اویتأ اونَ ترجومه بوکونه. ولی هرچی انجأم بِه، وأستی همٚتأ ایمأندأرأنٚ رِه فأیده بٚدأره و اَشأنٚ قوّت و روحأنی روشدٚ بأعیث بٚبه.

اوّل قرنتیان 14:28

ولی اگه هیکس نٚبه کی ترجومه بوکونه، اَشأن وأستی تأم بٚزٚنٚد و خوشأنٚ اَمرأ و خودا اَمرأ غریبٚ زوأنأنَ گب بٚزٚنٚد، همٚتأنٚ ورجأ و بولندٚ صدا اَمرأ نٚبه.

اوّل قرنتیان 14:5

می آروزو اَن ایسه کی شومأن همٚتأن بٚزوأنأن گب بٚزنید، ولی ویشتر خأیم کی نوبوّت بوکونید، چونکی نوبوّت کودن جٚه زوأنأنٚ اَمرأ گب زِئن بِیتر ایسه، مگه اَنکی اینفر بتأنه اونچی کی شومأن غریبٚ زوأنأنٚ اَمرأ گیدی، البأقیأنٚ رِه ترجومه بوکونه کی اَشأنٚم جٚه اون بهره ببرد.