اوّل قرنتیان 14:25 - Gilaki New Testament

²⁵ او وخت جٚه اونی جیگأ بٚدأ فیکرأن چپر اوسأده بِه، خو زانو سٚر کفه و خودایَ پرستٚش کونه، گه: «رأس‌رأسِی کی خودا شیمی میأن ایسأ.»

کتاب مقدس به زبان گیلکی - گویش شرقی

²⁵ او ادم دیل رازون برملا بنه .هو وقت خوشه دیم امره زمین سر کئنه و خدا پرستش کونه و اعلوم کونه : «حقیقتا خدا شیمه میئن ایسا »

کتاب مقدس به زبان گیلکی - گویش رشت و غرب گیلان

²⁵ اُ آدم دیلِ رازان بَرملا خوائه بوستن، هو موقع خو دیمِ مرا زمینِ سر کَفه و خُدایَ پرستش خوائه کودن و اعلام کونه کی، «حقيقتن خُدا شیمی میان ايسا.»

اوّل قرنتیان 14:25 ပူးပေါင်းရင်းမြစ်များ

لوقا 17:16

اونی پأ جیر زیمینَ رو بٚکفته و او لوطفی رِه کی اونَ بوکوده، اونی جَا قدردأنی بوکوده. اون ایتأ سأمری بو.

لوقا 5:8

وختی شمعونٚ پطرس وأخبدأر بوبوسته و بٚفأمٚسته کی چی موجیزه‌یی ایتفأق دکفته، عیسا جولو چأر زانو بٚزِه و بوگفته: «اَی می سٚروٚر، می جَا دورٚ بو، چونکی من خٚیلی گونأکأرٚم و نتأنٚم تی ورجأ بئیسٚم.»

لوقا 8:28

وختی کی عیسایَ بیدِه، ایتأ ایجگره بٚزِه و اونی پأ جیر بٚکفته و ایجگره اَمرأ، بوگفته: «ای عیسا، خودایٚ موتعألٚ پٚسر، می اَمرأ چیکأر دأری؟ تی جَا ایلتیمأس کونم مٚرَه عذأب ندی!»

یوحنا 4:19

او زنأی کی قأقَ بوسته بو، بوگفته: «آقأ، دینٚم کی شومأن پیغمبری!»

اعمالٚ رسولأن 4:13

وختی شورأ آدمأن پطرس و یوحنا یأرستنَ بیدِده، بوخصوص کی دِئیید معمولی آدمأنٚد و مذهبی درسأنَ نٚخأندٚد، قأق بئیسأده. هطویم بفأمٚستٚده کی اَشأن جٚه عیسا شأگردأن بود.

موکأشفه 19:4

او وخت، او بیست و چأرتأ پیرٚ آدم و چأرتأ زٚنده جأنور سوجده بوکودٚد، خودایَ کی تخت رو نیشته بو پرستٚش بوکودٚده و بوگفتد: «آمین، هللویاه، شوکر خودا رِه!»

موکأشفه 5:8

وختی طومأرَ فأگیفته، او بیست و چأرتأ پیرٚ آدم اونی جولو سوجده بوکودٚد. هر تأ جٚه اوشأن ایتأ چنگ و کأسه‌یأنی کی طلأ جَا بو و پور جٚه بوخور بو دأشتیدی کی ایمأندأرأنٚ دوعأیأن ایسه.