اوّل قرنتیان 14:20 - Gilaki New Testament

²⁰ جأن و دیلٚ برأرأن، اَ موضو فأمٚ رِه زأکأنٚ مأنستَن نیبید. روحأنی موضویأنٚ درک و فأمٚ میأن، عأقیل و دأنأ مردأکأنٚ مأنستَن بیبید، ولی بدی کودنٚ میأن زأکأنٚ مأنستَن!

کتاب مقدس به زبان گیلکی - گویش شرقی

²⁰ ای برارون، فیکر گودن میئن زأکون جور نبین، بلکه بدی گودن میئن زاکون موسون ببین. ولی فیکر گودن مئن پیله آدم ببین.

کتاب مقدس به زبان گیلکی - گویش رشت و غرب گیلان

²⁰ ای براران، فیکر کودن درون زاکانِ مانستن نیبید، بلکی بَدی کودن درون زاکانِ مانستن بیبید. ولی فیکر کودن درون پیله آدم بیبید.

اوّل قرنتیان 14:20 ပူးပေါင်းရင်းမြစ်များ

متّی 11:25

بأزین، عیسا دوعأ بوکود و بٚفرمأست: «ای پئر، آسمأن و زیمینٚ صأب، تی جَا ممنون کی اَ کأرأنَ کسأنی جَا کی خوشأنٚ عألیم و زٚبر و زرنگ دأنٚده، قأیمَ کودی و اَشأنَ او کسأنی رِه وأشکأفأنه‌یی کی زأکأنَ مأنٚده.

متّی 18:3

و بوگفته: «تأ شٚمٚره عوضٚ نوکونید و زأکأنٚ مأنستَن نیبید، هیوخت نتأنید آسمأنٚ ملکوتٚ بودورون بیشید.

متّی 19:14

عیسا بٚفرمأسته: «وئألید زأکأن بأیٚد می ورجأ و اَشأنی جولویَ نیگیرید. چون آسمأن ملکوت اوشأنی شینه کی، اَ زأکأنٚ مأنستَنٚده.»

متّی 19:4

عیسا جوأب بٚدأ: «مگه موقدسٚ کیتأبأنٚ دورون نٚخأندیدی کی دونیأ سٚرَ گیفتنٚ موقع، دونیأ خألیق "اَشأنَ مردأک و زنأی بٚوجود بأوٚرده"

مَرقُس 10:15

رأس‌رأسِی شٚمٚره گم کی اونی کی خودا ملکوتَ ایتأ زأکٚ مأنستَن قوبیل نوکونه، هیوخت نتأنه بشه اونی دورون.»

لوقا 18:17

رأس‌رأسِی شٚمٚره گم کی اگه هر کی خودا پأدیشأیی‌یَ ایتأ کوجه‌دأنه زأکٚ مأنستَن قوبیل نوکونه، هیوخت اونَ بودورون نیشه.»

رومیأن 1:13

ولی جأنٚ دیلٚ برأرأن، خأیم بدأنید کی چن‌وأر بخأستٚم بأیٚم شیمی ورجأ، ولی هروأر ایتأ موشکیل پیش بأمؤ. می نیّت اَمؤنٚ جَا اَن بو کی شیمی میأن خیدمت بوکونم و ایتأ عیدّه‌یَ هیدأیت بوکونم مسیح ور، هوطویی کی البأقی جیگأیأن میأنم بوکودم.

رومیأن 16:19

ولی همه دأنده کی شومأن اینجیلٚ رِه وفادأر و قأیم ایسأییدی و اَ موضو وأسی خٚیلی خوشألم. ولی می آروزو اَنه کی همیشٚک دروأره‌یٚ دوروستی وأخب و آگأه بیبید و دروأره‌یٚ بدی و نأدوروستی، سأده‌ دیل و بی‌تجروبه.

اوّل قرنتیان 13:11

تأنٚم اَ مثألَ بأوٚرٚم کی او زمأت کی جأغأله بوم، ایتأ زأکٚ مأنستَن گب زِئیم و ایتأ زأکٚ مأنستَن فیکر کودیم و دلیل اَوٚردیم. ولی او وخت کی پیلّه بوستم، می فیکر روشد بوکوده و زأکأنٚ کردکأرأنَ کنأر بنأم.

اوّل قرنتیان 14:19

ولی کیلیسا جلسه میأن می دیل خأیه کی پنج‌تأ کلمه او زوأنٚ اَمرأ گب بٚزٚنم کی همٚتأن بفأمٚد و ایستفأده بوکوند، تأ اَنکی هیزأرتأ کلمه غریبٚ زوأنأنٚ اَمرأ بٚگم کی هیکس نفأمِه.

اوّل قرنتیان 2:6

البت، وختی او مسیحیأنٚ میأن ایسأم کی ویشتر تجروبه دأرٚده، می گبأن دورون جٚه حیکمت و فلسفه ایستفأده کونم، ولی نه جٚه او حیکمت و فلسفه کی دونیأ و اونی حأکیمأنَ خوش اَیِه، او حأکیمأن کی جٚه بین شؤئؤنَ محکوم ایسٚد.

افسسیان 4:13

اَ کأر ایدأمه یأفه تأ او وخت کی اَمأن همٚتأن خودا پٚسرٚ شنأخت و اونٚ ایمأن دأشتٚن دورون ایتأ نظر فأرٚسیم و بألغَ بیم و اَمی روحأنی قد و قوأره، مسیح کأمیلٚ قد و قوأره اندأزه فأرٚسِه.

فیلیپیان 1:9

هنٚ وأسی، دوعأ کونم کی شیمی محبت جٚه رأیٚ شنأخت و فأم و جولف فیکر، هر روج ویشترَ بٚه.

فیلیپیان 3:15

اومید دأرم کی شومأن همٚتأن کی بألغٚ مسیحی ایسید، اَ کأرٚ دورون می اَمرأ همنظر بیبید. اگه‌چی البأقی کأرأنٚ میأن اَمی فیکر ایتأ نییٚه، ایطمینأن دأرم کی خودا همه چی‌یَ شِمِره وأشکأفِه.

۱پطرس 2:2

-

دوم پطرس 3:18

بلکی خوداوند و اَمی نیجأت دهنده عیسای مسیحٚ شنأخت و فیضٚ میأن پیشرفت بوکونید کی هرچی جلال و بوزورگی و سٚربولندیه تأ اَبد اونی شین ایسه. آمین.