اوّل قرنتیان 12:27 - Gilaki New Testament

²⁷ می منظور جٚه اَ گبأن اَن ایسه کی شومأ همٚتأن کس‌کسٚ اَمرأ مسیح جأن ایسید، ولی هرتأن تنأیی ایتأ مستقل و لأزیمٚ عُصم و اعضأ اَ جأنٚ دورون ایسیدی.

کتاب مقدس به زبان گیلکی - گویش شرقی

²⁷ ایطوری، شمه مسیح تن ایسین و تک به تک اون اعضاین.

کتاب مقدس به زبان گیلکی - گویش رشت و غرب گیلان

²⁷ اَطویی، شُمان مسیحِ تن ایسید و تک به تک اونِ اعضا ایسید.

اوّل قرنتیان 12:27 ပူးပေါင်းရင်းမြစ်များ

رومیأن 12:5

مسیحٚ جأن، ینی کیلیسأیٚم جوروأجورٚ عُصم و اعضأ دأره و اَمأن کی خٚیلی ایسیم اونی جأنٚ عُصم و اعضأییم و کس‌کسٚ شینیم.

اوّل قرنتیان 1:2

اَ دسخطَ شٚمٚره قرنتس میأن خودا کیلیسا رِه نیویسٚم کی خودا شٚمٚره دعوت بوکوده کی اونی موقدس قوم بیبید. اون شومأن و هطویم تومأمٚ مسیحیأنَ کی هر تأ دِه جیگأ میأن اَمی خوداوند عیسا مسیحٚ نأمَ دؤخأنده، کی اَمی خوداوند و اَشأنٚ خوداوند ایسه، مسیح عیسا توسط تقدیس بوکوده.

اوّل قرنتیان 10:17

اَمی آدم نفرأن هرچیٚم کم بٚبه، همٚتأن جٚه هو نأن خوریمی و نیشأن دیهیمی کی همه ایتأ جأنٚ عُصم و اعضأ ایسیم، ینی مسیحٚ جأن.

اوّل قرنتیان 12:12

جأن ایتأ ایسه ولی عُصم و اعضأ خٚیلی دأره. وختی تومأمٚ اَ عُصم و اعضأ کس‌کسٚ ورجأ مأنِه، جأن چأکوده به. مسیحٚ جأنٚم هطویی ایسه.

اوّل قرنتیان 12:26

اَطو ایسه کی، اگه ایتأ عضو جٚه جأن ایتأ دردَ دوچأر بٚبه، تومأمٚ جأنٚ عُصم و اعضأ اونی اَمرأ همدردی کونٚده؛ و اگه ایتأ عُصم و اعضأ رِه گولأز بٚبه، تومأمٚ عُصم و اعضأ اونی اَمرأ خوشألی کونٚده.

اوّل قرنتیان 6:15

مگه نأنیدی کی شیمی جأنأن، رأس‌رأسِی مسیح جأنٚ عُصم و اعضأ ایسه؟ پس، مگه دوروست ایسه کی شیمی جأنَ کی اَ پیله مأنی‌یَ دأره، فأگیرٚم و ایتأ بدکأرٚ زنأک جأنٚ اَمرأ پینیک بٚزٚنم؟ هیوخت!

افسسیان 1:23

هو کیلیسا کی اونی بٚدٚن ایسه، هونی پوری و کمأل کی همه‌چی‌یَ جٚه هر شیکل پورَ کونِه.

افسسیان 4:12

اَ آدمأنٚ وظیفه اَنه کی خودا قومَ اونی کأرٚ وأسی آمأدَه کونٚد و کیلیسایَ چأکوند کی مسیح بٚدٚن ایسه.

افسسیان 5:23

چونکی مردأی، زنأکٚ سرپرسته، هوطو کی مسیح کیلیسا سرپرسته. هنٚ وأسی بو کی اون خو جأنَ فٚدأ بوکوده و کیلیسا رِه نیجأت بٚدأ کس بوبوسته.

افسسیان 5:30

چونکی اَمأن اونی بدنٚ عُصم و اعضأییم.

کولسیان 1:18

اون جأنٚ رِه سٚر ایسه کی هو کیلیسا بٚبه. اون اوّلی سٚرگیفتنه و اوشأنی رِه کی جٚه مورده‌یأنٚ قیأمتٚ جَا فأرٚسِده پیله زأکه کی اَطویی اون همه چی دورون پیش قدم بٚبه.

کولسیان 1:24

اَسه کی شیمی وأسی او رنجَ تحمول کونم، مِرِه دیلخوشیه و من می جأنٚ دورون، او رنجأنَ کی مسیحٚ خیدمت کودنٚ رِه لأزیم ایسه، اونٚ جأنٚ وأسی ینی کیلیسا رِه کأمیلَ کونم.

کولسیان 2:19

چٚره کی مسیح اَمرأ ایرتبأط دأشتنٚ کی اَمی همٚتأنٚ "سٚر" ایسه، کلن جٚه دٚس بٚدأ. اَسه اَمأن کی "بٚدٚنیم" بخأییم اوطو کی خودا بٚنأ، پیلّه بیم وأستی رگ و پی اَمرأ، اَمٚرَه سٚرٚ رو وصل بٚدأریم.