اوّل قرنتیان 12:26 - Gilaki New Testament

²⁶ اَطو ایسه کی، اگه ایتأ عضو جٚه جأن ایتأ دردَ دوچأر بٚبه، تومأمٚ جأنٚ عُصم و اعضأ اونی اَمرأ همدردی کونٚده؛ و اگه ایتأ عُصم و اعضأ رِه گولأز بٚبه، تومأمٚ عُصم و اعضأ اونی اَمرأ خوشألی کونٚده.

کتاب مقدس به زبان گیلکی - گویش شرقی

²⁶ و اگه یکته عضو عذاب بکشی، همته عضوؤن اونه أمره عذاب بکشن؛ و اگه یکته عضو حرمت بداری، همته همدیگر همره ذوق بکونن.

کتاب مقدس به زبان گیلکی - گویش رشت و غرب گیلان

²⁶ و اَگه ایتا عضو عذاب بکشه، تمان اعضا اونَ امرا عذاب بکشید؛ و اَگه ایتا عضو حُرمت بدَره، همتان، همدیگر امرا ذوق بُکونید.

اوّل قرنتیان 12:26 ပူးပေါင်းရင်းမြစ်များ

متّی 3:15

ولی عیسا بوگفت: «اَ کأر لأزیم ایسه کی انجأم بٚبه، چون وأستی هرچی کی خودا ایرأدٚیه انجأم بٚدیم.» بأزین یوحنا قوبیل بوکود کی اونَ تعمید بٚده.

متّی 5:29

پس اگه تی رأستٚ چوم بأعیث بِه لغزش بوخوری، اونَ بٚکن و فیشأن، چون بِیتره تی جأنٚ ایتأ قیسمتَ، جٚه دٚس بدی، تأ اَنکی تومأمٚ تی وجود جهندمٚ میأن تأودأ بٚبه.

رومیأن 12:15

اگه اینفر خوشأل بٚبه، اونی اَمرأ خوشألی بوکونید و اگه اینفر غورصه بٚدأره، اونی غورصه میأن سأم بٚدأرید.

اوّل قرنتیان 12:25

کی اَطویی جأنٚ عُصم و اعضأ میأن تنأسُب بمأنه و هرتأ عضو هوندٚر کی خؤرَه علأقه و توجه دأره، البأقی عُصم و اعضأیأنم دوس بٚدأره.

اوّل قرنتیان 12:27

می منظور جٚه اَ گبأن اَن ایسه کی شومأ همٚتأن کس‌کسٚ اَمرأ مسیح جأن ایسید، ولی هرتأن تنأیی ایتأ مستقل و لأزیمٚ عُصم و اعضأ اَ جأنٚ دورون ایسیدی.

غلاطیأن 6:2

زٚندیگی موشکلأن و مسئله‌یأنَ تحمول کودنٚ میأن کس‌کسَ یاور بیبید، اَطویی به کی "مسیح شریعتَ" انجأم دیهیدی.

عبرأنیأن 13:3

اوشأنی کی زندأن ایسأده‌یَ جٚه‌ خأطرٚ ندید؛ اَشأنٚ اَمرأ ایجور کردکأر بوکونید کی عَینٚ خیأله خودتأنم زندأنٚ میأن ایسأیید. ستم بیدِکأنٚ غم و درد میأن شیریک بیبید، چونکی خودتأن دأنیدی کی اَشأن چی کٚشئندٚرٚده و چی حألی دأرٚده.

۱پطرس 3:8

هطویم شومأن همٚتأن وأستی هم دیل، و دردأنٚ میأن کس‌کسٚ اَمرأ شیریک بیبید و کس‌کسَ ایتأ برأر خأخورٚ مأنستَن دوس بٚدأرید. کس‌کسٚ اَمرأ مهرٚوأن و فروتن بیبید.