اوّل قرنتیان 12:25 - Gilaki New Testament

²⁵ کی اَطویی جأنٚ عُصم و اعضأ میأن تنأسُب بمأنه و هرتأ عضو هوندٚر کی خؤرَه علأقه و توجه دأره، البأقی عُصم و اعضأیأنم دوس بٚدأره.

کتاب مقدس به زبان گیلکی - گویش شرقی

²⁵ تا سیوایی تن میئن ننابی، بلکه اونه عضوؤن یه قد، به فکر همدیگه بوبوئن.

کتاب مقدس به زبان گیلکی - گویش رشت و غرب گیلان

²⁵ تا تن درون جُدایی نبه، بلکی تنِ اعضا به ایتا اندازه همدیگر فیکر بیبید.

اوّل قرنتیان 12:25 ပူးပေါင်းရင်းမြစ်များ

اوّل قرنتیان 12:24

اَطویی ایسه کی اَمی جأنٚ قشنگٚ عُصم و اعضأ، اَجور توجه‌یَ ایحتیأج نأرٚد. هنٚ وأسی، خودا جأنٚ عُصم و اعضأیَ ایجور کس‌کسٚ ورجأ بٚنأ کی او عُصم و اعضأیَ کی کم‌ارزش بٚچوم اَیٚده، ویشتر ایحترأم و توجه بٚبه؛

اوّل قرنتیان 12:26

اَطو ایسه کی، اگه ایتأ عضو جٚه جأن ایتأ دردَ دوچأر بٚبه، تومأمٚ جأنٚ عُصم و اعضأ اونی اَمرأ همدردی کونٚده؛ و اگه ایتأ عُصم و اعضأ رِه گولأز بٚبه، تومأمٚ عُصم و اعضأ اونی اَمرأ خوشألی کونٚده.

اوّل قرنتیان 3:3

چونکی هنو جٚه شیمی ذأت کی گونأ اَمرأ ایتأ بوبوسته ایطأعت کونیدی. شومأن کس‌کسٚ اَمرأ حسودی کونیدی و شیمی میأن دودستگی و دوشمنی نٚهأ. هن نیشأن نٚده کی هنو زأی ایسید و آدمأنی کی دونیأ شینٚده مأنستَن کردکأر کونیدی؟

دوم قرنتیان 13:11

آخری نوکته کی میل دأرم بینیویسٚم اَن ایسه: خوشأل بیبید. روشد بوکونید و پیلّه بید. کس‌کسٚ تِشویق بوکونید. صولح و صفأ میأن زٚندیگی بوکونید. خودا کی محبت و آرأمٚش جٚه اون سٚر گیره، شیمی اَمرأ بٚبه.

دوم قرنتیان 7:12

او وخت کی او دسخطَ بینیویشتم، می نیّت اَن نوبو کی دروأره‌یٚ او خطأ کی او آدم اینفرٚ اَمرأ بوکوده، می فیکرَ وأگویا بوکوده بیم بلکی خأستیم خودا حوضورٚ میأن شٚمٚره آشیکأر بٚبه کی چندر اَمٚرَه علأقه و محبت دأرید.

دوم قرنتیان 8:16

خودایَ شوکر کی اون تیتوسٚ دیلٚ دورون هو دوس دأشتٚنَ بوجود بأوٚرده کی اَمأن شٚمٚره دأریم.