اوّل قرنتیان 12:18 - Gilaki New Testament

¹⁸ ولی هوطو کی بیدِه بِه، خودا هرتأ عُصم و اعضأیٚ دوروست اوطو کی خأستی، جأنٚ میأن بٚنأ.

کتاب مقدس به زبان گیلکی - گویش شرقی

¹⁸ ولی ایتویی خدا تن عضوونه هوطو کی خودش خواست، یکته یکته تن میئن بنه،

کتاب مقدس به زبان گیلکی - گویش رشت و غرب گیلان

¹⁸ ولی اَطویی، خُدا تنِ اعضایَ اوجور کی خودش خواستی، ایتا ایتا تن درون بَنه.

اوّل قرنتیان 12:18 ပူးပေါင်းရင်းမြစ်များ

لوقا 10:21

بأزون، عیسا دیل، خودا روحٚ خوشألی جَا پورٚ بوسته و بٚفرمأسته: «اَی پئر، آسمأن و زیمینٚ صائاب، تٚرَه شوکر کونم کی اَ مأجرأیأنَ جٚه اوشأنی کی خوشأنَ دأنٚستٚن کس و زرنگ دأنده، لأپوشأن بوکودی و اوشأنی‌یَ نیشأن بٚدأیی کی کوجه‌دأنه زأکأنٚ مأنستَنٚده. اَطویه اَی پئر، تی خوشألی اَن بو کی اَطو انجأم بٚدی.»

لوقا 12:32

«پس اَی می کوجه‌دأنه گلّه، نوأترسِئنید! چونکی شیمی خودا خأسته اَنٚ کی پأدیشأیی‌یَ شٚمٚره بٚبخشه.

رومیأن 12:3

شومأن کی خودا روسولیدی، شٚمٚره جٚه اونی ور نصیحت کونم کی پیله‌تر جٚه اونی کی ایسید شٚمٚره بٚحیسأب نأوٚرید، بلکی دروأره‌یٚ شومأن دوروست قیضأوت بوکونید و شٚمٚره هوندٚر ایمأنٚ اَمرأ کی خودا شٚمٚره فأدأ عیأر بٚزنید.

رومیأن 12:6

خودا، خو فیضٚ وأسی، هر کودأم جٚه اَمٚرَه ایتأ بوخصوص عطأ بٚبخشه کی خأصٚ وظیفه‌یأن انجأم بٚدیم. اگه خودا شٚمٚره نوبوّت کودنٚ عطأیَ فأدأ، شیمی ایمأنٚ اَندر نوبوّت بوکونید.

اوّل قرنتیان 12:11

ولی تومأمٚ اَ عطأیأن جٚه ایتأ روح ور، ینی هو روح‌القدس ایسه، و اون ایسه کی تصمیم گیره هرتأنٚ کویتأ عطأیَ بٚبخشه.

اوّل قرنتیان 12:17

اگه تومأمٚ جأن چوم بو! اَطو بوبوسته‌بی چوطو تأنستیدی بشتأوید؟ یا تومأمٚ جأن گوش بو! چوطو تأنستید ایچی‌یَ بو بوکونید؟

اوّل قرنتیان 12:19

اگه همٚتأ عُصم و اعضأ ایتأ بوبوسته بید، دِه جأن ننأبو!

اوّل قرنتیان 12:24

اَطویی ایسه کی اَمی جأنٚ قشنگٚ عُصم و اعضأ، اَجور توجه‌یَ ایحتیأج نأرٚد. هنٚ وأسی، خودا جأنٚ عُصم و اعضأیَ ایجور کس‌کسٚ ورجأ بٚنأ کی او عُصم و اعضأیَ کی کم‌ارزش بٚچوم اَیٚده، ویشتر ایحترأم و توجه بٚبه؛

اوّل قرنتیان 12:28

بعضی جٚه عضوأن کی خودا کیلیسا میأن، ینی مسیح جأنٚ دورون، قرأر بٚدأ، اَشأن ایسٚد: اوّل: روسولأن، ینی مسیح اوسه کوده‌یأن. دویُم: پیغمبرأن، ینی اوشأنی کی خودا ایلهأمٚ اَمرأ، پیغأم اَوٚرٚده. سیوم: معلمأن، ینی اوشأنی کی خودا کلامَ البأقیأنَ آموجٚده. بأزون اوشأنی کی موجیزه کونٚده. اوشأنی کی شفأ عطأیَ دأرٚد. اوشأنی کی البأقیأنٚ کومک کودنٚ عطأیَ دأرٚده. اوشأنی کی رهبری و مودیریتٚ عطأیَ دأرٚد. آدمأنی کی گب زِئن جوروأجورٚ زوأنأنٚ عطأیَ دأرٚد، او زوأنأن کی پیشتر نأمؤخته بود.

اوّل قرنتیان 15:38

ولی خودا او دأنه‌یَ، ایتأ تأزه و قشنگٚ جأن فأدَه، هو جأن کی ایرأده بوکوده. جٚه هر جور دأنه ایتأ بوخصوص گیأ بیرون اَیِه.

اوّل قرنتیان 3:5

من کیسٚم، و یا اَپلس کیسه کی اَمی وأسی بوگو موگو و دعوأ کونیدی؟ شیمی اَ کأرٚ جَا حیرأن ایسٚم. چونکی اَمأن فقد خودا خیدمتگوزأرأنیم و هرتأ جٚه اَمأن ایتأ بوخصوص عطأ و خیدمت دأریم، و شومأن اَمی کومکٚ اَمرأ مسیحَ ایمأن بأوٚردید.

افسسیان 1:5

اون اَمٚرَه پیشتر اینتخأب بوکوده، کی عیسا مسیحٚ وأسی اونی بدأشته زأکأن بیبیم. اَ کأر تومأم و کمأل عَینٚ اونی ایرأده بو کی اونی خوشألی‌یَ بأعیث بوستی.

افسسیان 1:9

خودا اَسه، خو نقشه‌یَ کی پیشتر جٚه اَن نمأیأنَ نوبوسته بو، اَمِرِه نمأیأنَ کوده. اون، اَ کأرَ خو خوروم نیّتٚ موطأبٚق و مسیح وأسی انجأم بٚدأ.

موکأشفه 4:11

اَ سورودَ خأنٚده: «اَی خوداوند، جلال و حورمت و قودرت، تٚرَه شأیسته ایسه؛ چونکی تو تومأمٚ دونیأ موجودأنَ خلق بوکودی و همه چی تی ایرأده اَمرأ چأکوده بوبوسته.»