اوّل قرنتیان 11:25 - Gilaki New Testament

²⁵ هطویم شأمٚ پٚسی، پیأله‌یَ اوسأده و بوگفت: «اَ پیأله، خودا و اونی قومٚ میأن ایتأ تأزه عهدٚ نیشأن ایسه، ایتأ عهدٚ کی می خونٚ اَمرأ اونَ مُهر کونم. هر وأر کی جٚه اون وأخوریدی، مٚرَه خأطر بأوٚرید.»

کتاب مقدس به زبان گیلکی - گویش شرقی

²⁵ هیطوری ام ،بعد از شؤم، جؤم ویته بفرماسه :ای جؤم، جدید عهد ایسه می خون مئن. هر بار که اونه جی وودوشنین، می یاد واسی ایتو بکونین .

کتاب مقدس به زبان گیلکی - گویش رشت و غرب گیلان

²⁵ هَطویَم، بعد شام، جامَ اوساد و بُگفت: «اَ جام، جدیدِ عهدِ می خون میان. هر بار کی اونِ جا خوریدی، می یادِ واسی اَطو بُکونید.»

اوّل قرنتیان 11:25 ပူးပေါင်းရင်းမြစ်များ

لوقا 22:20

هطویی بو کی شأمٚ پٚسی ایتأ جأمَ اوسأده و بوگفته: «اَ جأم، خودا و اونی قوم رِه ایتأ نیشأنه جٚه اونی جدیدٚ عهد ایسه، ایتأ عهدی کی اونَ می خونٚ اَمرأ مُهر بوکودم. می خون شِمِره فیوِه.

اوّل قرنتیان 10:16

او پیأله کی خوداوندٚ شأمٚ وخت جٚه اون وأخوریم و اونی رِه برکتٚ دوعأ کونیمی، مگه اَ مأنی‌یَ نٚده اینفر کی جٚه اون وأخوره، مسیحٚ خونٚ برکتأن دورون شیریک بِه؟ و او نأن کی سأم بوکودیم کس‌کسٚ اَمرأ خوریم، مگه نیشأن نٚده کی اَمأن کس‌کسٚ اَمرأ مسیحٚ جأنٚ برکتأنٚ میأن شیریکیم؟

اوّل قرنتیان 11:24

و شوکر کودنٚ پٚسی، اونَ وأچرده و خو شأگردأنَ فأدأ و بوگفت: «اَن می جأن ایسه کی شیمی رأ دورون فٚدأ کونم. اَنَ بجأ بأوٚرید.»

دوم قرنتیان 3:14

ولی فقد موسا دیم دٚوٚسته نوبو، بلکی اونی مردومٚ فأمم روبندٚ جیر نٚهأ بو؛ و حتّا ایمرویٚم کی یوهودیأن تورأتٚ کیتأبَ خأنٚده، اینگأر کی اوشأنٚ دیل و فیکرٚ سٚر ایتأ روبند نٚهأ، و هنٚ وأسی نٚتأنٚده تورأتٚ رأس‌رأسِی مأنی‌یَ بفأمٚد. اَ روبند فقد مسیحٚ ایمأن اَوٚردٚنٚ اَمرأ اوسأده بِه.

دوم قرنتیان 3:6

اون ایسه کی اَمٚرَه لیأقت فأدأ کی اونی تأزه قول و قرأرَ خیدمتگوزأر بیبیم. اَ عهد، حوکمأن و قرأر و مدأرٚ رو بینیویشته نوبوسته، بلکی ایتأ عهد ایسه کی روح‌القدسٚ کأرٚ رو بٚنأ بوبوسته. او قدیمی قول و قرأر ایتأ بینیویشته ویشتر نییٚه و مٚردنٚ ختم بِه؛ ولی اَ تأزه قول و قرأر دورون، روح‌القدس حیأت بٚخشه.

عبرأنیأن 13:20

و هسأ دوعأ کونم او خودا حوضورٚ میأن کی آرأمٚش اونی جَا شورو بِه، او خودا حوضور میأن کی اَمی خوداوند عیسایَ کی گوسوٚندأنٚ پیله شبأن ایسه مٚردنٚ پٚسی زٚنده کوده و اونی خونٚ اَمرأ، اَبدی قول و قرأرَ قوبیل بوکود؛