Zefanaiya 3:9 - EBƆRƐ BE KAWƆL

⁹ Kumo be kaman nɛ n chɛrga basa nɛ b wɔ efuliana na so be ŋgbene nɛ b naa bunyaŋ ma, Enyɛnpe Ebɔrɛ na nawule.

Zefanaiya 3:9 ပူးပေါင်းရင်းမြစ်များ

Jɛnesis 11:1

To, sososo na, durnya to be basa kikɛ daa kɔ ŋgbar koŋwule nna nsaa malga kamalga koŋwule.

Jɛnesis 4:26

Sɛt malɛ ka daŋ nɛ e ta eche ŋ kurge ebinyɛn nseŋ nase mo ketre Inɔsh. Kumo be jemanɛ so nɛ basa fara a shuŋ Enyɛnpe Ebɔrɛ na nsaa bunyaŋ mo.

Nshɛ 113:3

Baŋ yili karechɛ kikɛ be kachipurso n ya fo kaaseso, ekama e baa kpaŋ Enyɛnpe Ebɔrɛ na be ketre!

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Aizaaya 19:18

Loŋ be jemanɛ na kaŋ fo basa beeŋ baa gbar Hibruw be ŋgbar ashi Ijipt be efuli so be ndegboŋ anu to. Basa na beeŋ baa bɔ ntaŋ ashi Enyɛnpetale Ebɔrɛ na be ketre to. Ndegboŋ na be kuko be ketre e naŋ baa la Epeŋi be Kadegboŋ.

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Aizaaya 6:7

beta ma kɔnɔpurbi nseŋ kaŋɛ le: “Kede beta fo kɔnɔpurbi nna na. Fo nya alubi be ketampaŋ nsaa maŋ naa la esa nɛ e wora n jija nna na.”

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Ezikɛl 37:17

Kede be kaman, nɛ fo ta ndibi anyɔ na be nnɔso n chɔga abar so ŋ keta enɔ to nɛ k wora fanɛ a ka la kedibi koŋwule na.

Habakuk 2:14

Ama kananɛ teku baŋ bɔlɔ nchu n sɔ kaplɛkama a dese na, aloŋ nɛ basa be kebaanyi Enyɛnpe Ebɔrɛ na be kemaŋkura be asheŋ beeŋ ba sɔ kasawule ere kikɛ so.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Zakareya 14:9

Loŋ be jemanɛ na, Enyɛnpe Ebɔrɛ na e naaŋ baa ji durnya kikɛ so kuwura. Mo nawule be ketre nɛ ekama beeŋ baa nyi nsaa bunyaŋ mo nawule fanɛ Ebɔrɛ.

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Matiu 12:35

Esa lela bee kaa shin nɛ asɔ lela damta nɛ a wɔ mo to na nna bee shi mo to a lar nɛ esa lubi malɛ bee kaa shin nɛ asɔ lubi damta nɛ a wɔ mo to na bee kaa shi mo to a lar.

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”