Zefanaiya 3:7 - EBƆRƐ BE KAWƆL

⁷ N daa nyi fanɛ kumo be loŋ beeŋ shin nɛ ma basa e ta bunyaŋ n sa ma nseŋ sɔ kasogberge nɛ n sa bumo na nna, ama k maŋ chɛr ko nɛ b naŋ bɛta a wora alubi nɛ a chɔ amo nɛ b daa wora dra na gba.

Zefanaiya 3:7 ပူးပေါင်းရင်းမြစ်များ

Jɛnesis 6:12

Ndoŋ nna nɛ Ebɔrɛ wu fanɛ durnya jija, ŋkpal manɛ so, basa be asheŋ lubi sɔ durnya to kikɛ nyam nna nɛ dimɛdi be asheŋ woraso kikɛ ki kulubi.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Nshɛ 32:8

Fo yɛ feeŋ ŋini ma ekpa nɛ meeŋ bɔla so. Feeŋ ji ma asoeto nseŋ keni ma so.

Aŋasa 19:20

Esa nɛ e bee nu kasotoji nɛ keŋini, bee ki enyiashempo nna.

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Jɛremaya 17:23

Bumo nananyɛnana bre daŋ maŋ nu m bɛ kusɔ nɛ ŋ kaŋɛ na so. Ama b daŋ wora bumo be ŋgbene kpakpa nseŋ kini kewora ma kasonu ŋko kekoya asheŋ ashi ŋ kutɔ nna.

Jɛremaya 25:5

B kaŋɛ menyi fanɛ men lar menyi be kebaawɔtɔ lubi nɛ asheŋ lubi na to nseŋ nya n chena kasawule nɛ Enyɛnpe Ebɔrɛ na ta n sa menyi nɛ men nananyɛnana fanɛ k baa la menyi be kapetɛsawule mbaanaayɔ na so.

Jɛremaya 36:3

Ashere nɛ Juda be basa nu kemur nɛ ŋ kre fanɛ meeŋ bar bumo so ere be asheŋ baaŋ chɛrga bumo be nfɛra nseŋ lar bumo be asheŋ lubi to. Saŋɛ na so meeŋ ta bumo be alubi m paŋ bumo.”

Jɛremaya 38:17

Ndoŋ nna nɛ ŋ kaŋɛ ewura Zɛdikaya kusɔ nɛ Enyɛnpetale, Israɛl be Ebɔrɛ na kaŋɛ. E yɛ: “Nɛ fanɛ fo shuli n ta fo kumu n ya bɔɔ Babilɔn be ewura be benimuana na enɔ, feeŋ ji ŋkpa nɛ b maaŋ naŋ chɔɔ kadegboŋ ere n lɛ. Fo nɛ fo kanaŋ kikɛ beeŋ nya menyi be amu.

Jɛremaya 6:8

Jerusalɛm to be basa, men shin nɛ etɔrɔ ere e baa la kasokpele n sa menyi. Nɛ mannɛ aloŋ, meeŋ kplaŋ menyi so nseŋ shin nɛ menyi be kadegboŋ na e ki fanɛ keshishɛrsawule nɛ ekama maŋ wɔ kumo so.”

Jɛremaya 7:7

Nɛ men chɛrga menyi be kebaawɔtɔ nɛ kesheŋ wora, ma alɛ beeŋ shin nɛ men chena kasawule nɛ n ta n sa men nananyɛnana na so mbaanaayɔ.

Jɛremaya 8:6

Ŋ kaŋ kusoe nɛ n nu men kutɔ, ama men maŋ ji ma kashenteŋ. Menyi to be ekoŋwule gba be kagbene maŋ jija mo nɛ e tuba; ŋkpal manɛ so men be amu du kpakpa nna. Ekoŋwule gba maŋ tiŋ m bishi le: ‘Manɛ nɛ n wora nɛ k maŋ nyalɛ?’ Menyi be ekama bɔla ekpa nɛ e bee sha so nna a wora asheŋ fanɛ egbaŋɛ nɛ e bee yɔ kena to nna.

Hoziya 9:9

Men wora alubi alegaiso nsaa puni fanɛ basa nɛ b daa wɔ Gibia na. Ebɔrɛ yɛ e beeŋ nyiŋi bumo be alubi nseŋ gberge bumo kusoe.”

Zefanaiya 3:2

Jerusalɛmebi maa nu a sa Enyɛnpe Ebɔrɛ ŋko a sɔ mbe keŋini. Bumo alɛ maa ta bumo be yirda a deŋi Enyɛnpe Ebɔrɛ so ŋko a fin kechɛto mo kutɔ.

Ditɛronɔmi 4:16

nɛ menyi maaŋ ya luri kagbirshuŋ be kulubi to. Men sa maŋ kaŋ lɔŋɛ agbir nɛ a duli enyɛn ŋko eche,

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.