Zefanaiya 3:6 - EBƆRƐ BE KAWƆL

⁶ Le nɛ Enyɛnpe Ebɔrɛ kaŋɛ: “M mur efuli damtaana nseŋ bure amo be ndegboŋana be egbalana nɛ ebulempo jeŋgreŋana kikɛ. Esa kama maŋ naa wɔ ndegboŋ na to. Basa malɛ gba maŋ naa nite amo be abɔrbi so nɛ kakpa kikɛ wora shruum.

Zefanaiya 3:6 ပူးပေါင်းရင်းမြစ်များ

Aizaaya 14:26

Ŋkre nɛ ŋ kɔ n sa durnya to ebi nna na. Ma alɛ kraa shin nɛ ŋ gberge efuliana na kusoe nna.”

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Zefanaiya 2:5

Asheŋ maaŋ nyalɛ n sa menyi Filistiebi nɛ men chena teku ase na. Enyɛnpe Ebɔrɛ na tiŋ n ji menyi demu nseŋ ji m bri menyi. E beeŋ mur menyi nɛ menyi to be ekoŋwule gba maaŋ ka.

Zakareya 7:14

N daŋ pesaŋ bumo to nna n ya lɛ efuli pɔtɛana so fanɛ kananɛ afugboŋ bee pesaŋ asɔ to n ya kaa lɛ na, nɛ bumo be kasawule lela na dese fuloŋ nɛ esa kikɛ daa maŋ naa wɔ kumo so.

Matiu 23:38

To, naniere bre, Ebɔrɛ lara mbe enɔ ashi menyi be asheŋ to nseŋ yige menyi n to.

1 Kɔrintebi 10:11

Asheŋ ere kikɛ daŋ wora bumo nna nɛ an pin kusɔ nɛ k wɔtɔ. B sibɛ amo n nase malɛ nna nɛ a baa fiɛ anyi so, ŋkpal manɛ so, jemanɛ mo nɛ an wɔtɔ ere bee fo durnya be ekar nna na.

1 Kɔrintebi 10:6

To, le be asheŋ ere kikɛ la asɔ nɛ a bee ŋini anyi asɔ ko nna a fiɛ anyi so nɛ an sa maŋ kaa ta anyi be ŋgbene a deŋi alubi so fanɛ kananɛ b daŋ wora na.

Joshuwa 23:4

Men baa nyiŋi kananɛ n ta basa nɛ b ka na be nsawule nɛ efuli nɛ ŋ kɔ m pɔɔ so nɛ k yili Jɔɔdan be lɔr na ashi epeŋilarkpa n ya fo teku nɛ baa tre Mɛditerenia na ashi epeŋitɔrkpa na be nsawule n sa menyi be yiri yiri to ebi fanɛ bumo be kapetɛ.