Zefanaiya 3:20 - EBƆRƐ BE KAWƆL

²⁰ Loŋ be jemanɛ na, meeŋ gama menyi be basa abar so m bar bumo epe. Ma alɛ beeŋ shin nɛ menyi be ketre e dii durnya kikɛ to, nseŋ shin nɛ men naŋ dii dama.’ ” Ma, Enyɛnpe Ebɔrɛ e kaŋɛ na!

Zefanaiya 3:20 ပူးပေါင်းရင်းမြစ်များ

Nshɛ 35:6

Shin nɛ bumo be ekpa to e ki tentembiri nsaa fɛrge, saŋɛ so nɛ Enyɛnpe be malaika ju a bɛ bumo so na.

Aizaaya 56:5

kumo ere baaŋ baa nyiŋi fo ketre ma bɔrɛlambu to nɛ ma basa to n chɛr a chɔ fo ka beeŋ baa kɔ mbia gba. Basa maaŋ teŋ fo so kikɛ.”

Aizaaya 56:8

Enyɛnpetale Ebɔrɛ nɛ e keta mbe basa Israɛlebi n shi kenyaya to ashi efuli pɔtɛ wɔfɔ so m ba na e nase kɔnɔ fanɛ e beeŋ bar basa pɔtɛ m ba ti bumo so.

Aizaaya 60:15

Menyi be kadegboŋ na maaŋ naa la kade nɛ ekama beeŋ kini n lɛ nseŋ kishi kumo be asheŋ a maa sha kumo to be keba gba na. Ama meeŋ shin nɛ k nyalɛ kebita nɛ kumo be ketre e dii. K beeŋ ki kagbenewushi be kakpa n sa bekama nɛ baaŋ chena kumo to nɛ bekama nɛ baaŋ shir kaman m ba na kikɛ.

Aizaaya 61:9

Bumo be ketre beeŋ dii a chɔ efuli pɔtɛana peya. Ekama nɛ e wu bumo beeŋ pin fanɛ b la basa nɛ Enyɛnpe Ebɔrɛ nɛfa nna.

Aizaaya 62:12

Kumo be kaman nɛ b baa tre menyi, “Ebɔrɛ be Basa Cheembi.” Ŋko Basa nɛ Enyɛnpe Ebɔrɛ na mɔlga. Baaŋ baa tre Jerusalɛm “Kadegboŋ nɛ Ebɔrɛ mɔlga.” Ŋko “Kadegboŋ nɛ basa bɔlɔ kumo to.”

Aizaaya 62:7

B sa maŋ sa Enyɛnpe Ebɔrɛ na ewushi kikɛ, ama e bɛta Jerusalɛm nna n yili kumo be eyilikpa, nseŋ shin nɛ k ki kadegboŋ nɛ durnya to be basa kikɛ bee kpaŋ kumo na nna.

Aizaaya 66:22

Ade be kaman nɛ Enyɛnpe Ebɔrɛ na naaŋ kaŋɛ le: “Kananɛ ebɔrɛso popɔr nɛ kasawule popɔr nɛ meeŋ to na beeŋ bɔla ma eleŋgboŋ so a wɔtɔ mbaanaayɔ na, nɛ menyi alɛ gba be ketre nɛ kaman to ebi beeŋ baa wɔtɔ mbaanaayɔ.

Jɛremaya 23:3

Meeŋ naŋ gama ma basa nɛ b daŋ pesaŋ to n yɔ efuli pɔtɛana so na abar so nseŋ bɛta bumo m ba bumo gbagba be kasawule so. Baaŋ ba kurge mbia damta n wora keshi n ti so.

Jɛremaya 29:14

Kashenteŋ nɛ mee kaŋɛ na fanɛ menyeeŋ fin ma nseŋ wu ma nɛ ma alɛ e bɛta menyi m ba menyi be kasawule so. Meeŋ chala menyi abar so ashi efuli kama nɛ kaplɛkama nɛ men pesaŋ to n yɔ na, nseŋ bɛta menyi m ba kasawule nɛ n daŋ shin nɛ b pɛ menyi anya kumo so n yɔ efuli pɔtɛ so na so. Ma, Enyɛnpe Ebɔrɛ e kaŋɛ na.”

Jɛremaya 30:3

ŋkpal manɛ so, jemanɛ ko bee ba nɛ n naaŋ shin nɛ ma basa nɛ b shi Juda nɛ Israɛl be kuwurgboŋ nɛ k wɔ kelargato be esoso be kaba so na so kikɛ e bɛta m ba kasawule nɛ n ta n sa bumo nanaana na so, n naŋ ba sɔ kumo ŋ ki bumo peya. Ma, Enyɛnpe Ebɔrɛ e kaŋɛ na.”

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Ezikɛl 16:53

Kumo be kaman nɛ Enyɛnpe Ebɔrɛ naŋ kaŋɛ Jerusalɛm to be basa le: “Meeŋ naŋ nɛfa Sodɔm nɛ Samɛria nɛ amo be nde kresoana kikɛ to be basa. Ma alɛ beeŋ nɛfa fo alɛ gba be basa ashi Jerusalɛm to,

Ezikɛl 28:25

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Meeŋ bɛta Israɛl be basa na n shi efuliana nɛ n daŋ pesaŋ bumo to n yɔ na m ba nɛ efuliana na kikɛ e pin fanɛ n du cheembi nna. Israɛl be basa na beeŋ naŋ ba chena bumo gbagba be kasawule so, kumo nɛ n ta n sa ma kayɛrbi Jeekɔb dra dra na.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 37:12

Amoso kaŋɛ bumo fanɛ ma, Enyɛnpetale Ebɔrɛ na bee sha kebugi bumo be nchaŋana nna nɛ b lar m bɛta m ba Israɛl be kasawule so.

Ezikɛl 37:21

Ndoŋ nna nɛ fo kaŋɛ bumo fanɛ ma, Enyɛnpetale Ebɔrɛ na bee sha kelara ma basa kikɛ ashi efuliana nɛ b pesaŋ to n yɔ to na n shin nɛ b ba abar so ashi bumo gbagba be kasawule so.

Ezikɛl 39:13

Ekama nɛ e wɔ kasawule na so beeŋ chɛ to m puli bumo, nɛ kumo be loŋ e shin nɛ b nya kemaŋkura kachɛ nɛ meeŋ kɔ m pɔɔ so na. Ma, Enyɛnpetale Ebɔrɛ na e kaŋɛ na.

Ezikɛl 39:28

Saŋɛ na so nɛ ma basa e pin fanɛ ma, Enyɛnpe Ebɔrɛ na e la bumo be Ebɔrɛ, ŋkpal manɛ so, n daŋ yɛr bumo kenyaya to nna nseŋ naŋ gama bumo abar so m ba bumo gbagba be kasawule so, hale bumo be ekoŋwule gba maŋ shir ndoŋ.

Jowɛl 3:1

Enyɛnpe Ebɔrɛ na yɛ: “Loŋ be jemanɛ na, meeŋ nɛfa Jerusalɛmebi ashi Juda be efuli so kikɛ, n shin nɛ asheŋ e naŋ nyalɛ n sa bumo.

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.

Maika 2:12

Ma, Enyɛnpe Ebɔrɛ na e naa nase kɔnɔ, fanɛ meeŋ naŋ bar ma basa Israɛlebi, nɛ baaŋ ji efute na abar so. Meeŋ gama bumo abar so fanɛ mbolpɔ ka wɔ kuluu to, saŋɛ na so basa beeŋ wora keshi n sɔ kasawule na so kikɛ.

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Zefanaiya 2:7

Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Zefanaiya 3:19

Jemanɛ na kaŋ fo, meeŋ gberge bekama nɛ b kɔrfɛ menyi na kusoe. Ma alɛ beeŋ mɔlga ebobi nseŋ gama basa nɛ b pesaŋ to na abar so. Meeŋ shin nɛ bumo be nyɔmɔ e ki bunyaŋ n sa bumo, nɛ durnya kikɛ e baa kpaŋ bumo.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

Zakareya 8:8

nseŋ bɛta bumo m ba chena Jerusalɛm to. Baaŋ ba kaa la ma basa nɛ ma alɛ e baa la bumo be Ebɔrɛ nsaa ji kuwura bumo so kashenteŋ nɛ kumo be ekpa so.”

Malakai 3:12

Nɛ efuli kama so ebi e malga kananɛ n nɛfa menyi be asheŋ ŋkpal men be kasawule ka beeŋ baa la kakpa nɛ k daga kechena so.

Ditɛronɔmi 26:18

Ŋkpal loŋ so, Enyɛnpe Ebɔrɛ na gba sɔ menyi fanɛ mo gbagba be basa nɛ e bee sha ga kabre, fanɛ kananɛ e nase kɔnɔ na. Mo alɛ bee kaŋɛ menyi nna fanɛ men baa wora mbe mbraana kikɛ kasonu.

Ditɛronɔmi 26:19

Enyɛnpe Ebɔrɛ na e to efuliana na kikɛ, ama e beeŋ shin nɛ men nya ketre, nɛ b kpaŋ nseŋ maŋkura menyi a chɔ amo kikɛ. Menyi alɛ beeŋ baa la Enyɛnpe menyi be Ebɔrɛ na be basa gbagba nna, fanɛ kananɛ e nase kɔnɔ na.”