Zefanaiya 3:18 - EBƆRƐ BE KAWƆL

¹⁸ Kumo be kaman nɛ Enyɛnpe Ebɔrɛ na naŋ kaŋɛ le: ‘Meeŋ lara kagbenejija nɛ k bee kaa ba men be kejigboŋana to na ashi menyi so, ŋkpal manɛ so, k la egbɛ nɛ ŋaba nna a deŋ menyi so.

Zefanaiya 3:18 ပူးပေါင်းရင်းမြစ်များ

Nshɛ 43:3

Shin nɛ fo kefulto nɛ k bee shin nɛ mee pin fo na, nɛ fo kashenteŋ na e baa ŋini ma fo ekpa na. Shin nɛ a baa juŋkpar ma a ba fo lambu nɛ fo wɔ kumo to ashi kebee cheembi nɛ baa tre Zayɔn nɛ k wɔ Jerusalɛm na to.

Nshɛ 79:4

Efuliana nɛ a kulti anyi na be basa bee mushe nsaa wora anyi eyurto nna.

Jɛremaya 23:3

Meeŋ naŋ gama ma basa nɛ b daŋ pesaŋ to n yɔ efuli pɔtɛana so na abar so nseŋ bɛta bumo m ba bumo gbagba be kasawule so. Baaŋ ba kurge mbia damta n wora keshi n ti so.

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Ezikɛl 34:13

Meeŋ lara bumo efuli pɔtɛana so m ba gama bumo abar so nseŋ shin nɛ b bɛta m ba bumo gbagba be kasawule so. Ma alɛ beeŋ baa la bumo be ekpapo nseŋ shin nɛ b nya n ji nɛnɛ ashi Israɛl be abee nɛ eboŋana ase.

Ezikɛl 36:24

Meeŋ lara menyi ashi efuli pɔtɛana kama to m ba epe menyi gbagba be kasawule so.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Hoziya 1:11

Israɛl be basa nɛ Juda be basa kraa beeŋ wora kɔnɔkoŋwule nseŋ lara ejuŋkparpo koŋwule nɛ e baa juŋkpar bumo. Loŋ be jemanɛ na so nɛ baaŋ fara a wu nɛfa bumo be kasawule so. Kachɛ nɛ baa tre Jizreel na beeŋ ba la kachɛgboŋ nna.

Hoziya 9:5

Enyɛnpe Ebɔrɛ malɛ be kachɛgboŋ nɛ menyee bunyaŋ mo na be saŋɛ kaŋ fo, nuso nɛ menyeeŋ wora?

Zefanaiya 3:20

Loŋ be jemanɛ na, meeŋ gama menyi be basa abar so m bar bumo epe. Ma alɛ beeŋ shin nɛ menyi be ketre e dii durnya kikɛ to, nseŋ shin nɛ men naŋ dii dama.’ ” Ma, Enyɛnpe Ebɔrɛ e kaŋɛ na!