Zefanaiya 3:17 - EBƆRƐ BE KAWƆL

¹⁷ Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Zefanaiya 3:17 ပူးပေါင်းရင်းမြစ်များ

Jɛnesis 1:31

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

Jɛnesis 2:2

Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Nshɛ 147:11

Basa nɛ baa bunyaŋ mo nɛ bumo nɛ bumo be yirda wɔ mbe kasha nɛ k maa chɛrga na so be asheŋ e naa par mo nsaa fuli mbe kagbene.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 78:65

Kumo be kaman nɛ Enyɛnpe Ebɔrɛ na kpa niŋi to fanɛ esa ka tiŋi edi to, ŋko enapo ka diewu ŋ koso na.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 18:4

Kumo be kaman nɛ Enyɛnpe Ebɔrɛ na kaŋɛ ma le: “Meeŋ baa wɔ ma pe ashi ebɔrɛso nsaa keni kaseto boeŋ fanɛ kapiidi be epeŋi ŋko awɔlpa nɛ a bee lar kasɔteŋi be jemanɛ ketarso na.

Aizaaya 63:1

Wanɛ e shi Edɔm be efuli so be kadegboŋ nɛ baa tre Bozra na ŋ kre to nɛnɛ m buu epiŋi peper a tia aya eleŋ so a ba ere? Enyɛnpe Ebɔrɛ nɛ e kɔ eleŋ ga nɛ e tiŋ m mɔlga basa na e naa ba nɛ e ba bɔ mbe kekɔmpɔɔso be kubɔya.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Aizaaya 65:19

Ŋ gbagba be kagbene beeŋ fuli ma ŋkpal Jerusalɛm nɛ kumo be basa so. Kushu nɛ kebɔltofinfin maaŋ naa wɔ ndoŋ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Jowɛl 2:21

Ŋkpal Enyɛnpe Ebɔrɛ ka wora asɔgboŋ n sa menyi so menyi be ndɔana gba nya nɛfa nɛ amo be ŋgbene fuli amo nɛ a bee ji eyur.

Zefanaiya 3:15

Ŋkpal manɛ so, Enyɛnpe Ebɔrɛ na shin nɛ menyi be kasogberge fo ekar. E shin nɛ men doŋana bɛta ashi menyi so. Mo alɛ e la Israɛl be Ebɔrɛ nɛ e wɔ menyi kutɔ na, men sa maŋ naa ŋana kufu kusɔ ko so.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Nɔmbɛs 14:8

Nɛ an wora Enyɛnpe Ebɔrɛ na kasonu, e beeŋ yɛra anyi kasawule nɛ k walɛ nsaa wora adɔjibi nɛnɛ ere so n ya ta kumo n sa anyi.

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 15:11

Ŋ kaŋɛ menyi kesheŋ ere nna nɛ kagbenefuli nɛ mee sa na e baa wɔ menyi to, saŋɛ na so, menyi be ŋgbene beeŋ fuli menyi m baŋ so.

Ditɛronɔmi 23:15

Nɛ fanɛ efuli ko so be anya shile m ba buu menyi a fin kekuŋ, men sa maŋ bɛta bumo a sa bumo nyɛnpeana.

Ditɛronɔmi 30:9

Kumo be kaman, Enyɛnpe menyi be Ebɔrɛ na beeŋ shin nɛ men nya mbia nɛ asɔbɔya damta nseŋ naŋ shin nɛ menyi be adɔjibi e wora ga. Kananɛ e daŋ fuli kagbene n shin nɛ asheŋ nite nɛnɛ n sa men nananyɛnana na, aloŋ nɛ e beeŋ fuli kagbene n shin nɛ asheŋ e nite nɛnɛ n sa menyi alɛ gba.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.