Zefanaiya 3:15 - EBƆRƐ BE KAWƆL

¹⁵ Ŋkpal manɛ so, Enyɛnpe Ebɔrɛ na shin nɛ menyi be kasogberge fo ekar. E shin nɛ men doŋana bɛta ashi menyi so. Mo alɛ e la Israɛl be Ebɔrɛ nɛ e wɔ menyi kutɔ na, men sa maŋ naa ŋana kufu kusɔ ko so.

Zefanaiya 3:15 ပူးပေါင်းရင်းမြစ်များ

Jɛnesis 30:23

nɛ e di kedampo ŋ kurge ebinyɛn nseŋ kaŋɛ: “Naniere bre, Ebɔrɛ lara ma anishinyɔr to.”

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 19:9

Kabɔrɛŋana walɛ nna, nsaa beeŋ baa wɔtɔ mbaanaayɔ. Enyɛnpe be mbra na la kashenteŋ nna. Amo alɛ maa wora a foe ekpa.

Nshɛ 85:3

Fo daŋ kaa kagbene nna, n nya agbo n wɔtɔ bumo.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Aizaaya 52:9

Menyi Jerusalɛmebi nɛ menyi be kade daŋ bure a dese na, e baa wora awɔr kagbenefuliso! Enyɛnpe Ebɔrɛ na beeŋ kɔ m mɔlga mbe kadegboŋ nseŋ lolo mbe basa.

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Aizaaya 60:18

Esa maaŋ naŋ nu nlu kikɛ be asheŋ efuli na so. Menyi be efuli na malɛ maaŋ naŋ mur kikɛ. Meeŋ baa kuŋ menyi ekpa kama so fanɛ egbal na. Saŋɛ na so menyi be basa beeŋ baa kpaŋ ma ŋkpal ŋ ka mɔlga bumo so.

Aizaaya 65:19

Ŋ gbagba be kagbene beeŋ fuli ma ŋkpal Jerusalɛm nɛ kumo be basa so. Kushu nɛ kebɔltofinfin maaŋ naa wɔ ndoŋ.

Jɛremaya 8:19

Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Ezikɛl 35:10

Hale ma Enyɛnpe Ebɔrɛ na ka daa la Juda nɛ Israɛl be Ebɔrɛ na gba, men daŋ kaŋɛ nna fanɛ bumo be efuliana be nsawule kikɛ la menyeya nna nseŋ daa sha keta amo ŋ ki menyeya.

Ezikɛl 36:15

Kumo be kaman, menyi maaŋ naŋ bugi asoe a nu mmalga jiga nɛ efuliana na bee malga a gbiti menyi. Meni alɛ maaŋ naŋ keni n wu basa ka bee wora menyi eyurto. Kasawule na maaŋ naŋ shin nɛ men paŋ menyi be mbia. Ma, Enyɛnpetale Ebɔrɛ na, e kaŋɛ na.”

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Eemɔs 9:15

Meeŋ naŋ bɛta ma basa m ba kasawule nɛ n ta n sa bumo na so, nɛ bumo doŋana maaŋ naŋ tiŋ m pɔɔ bumo so kikɛ.” Ma Enyɛnpe Ebɔrɛ na e malga na.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Habakuk 2:17

Men ku Lebanɔn be kupo to be ndibi n lɛ, naniere baaŋ ku menyi alɛ gba n lɛ. Men mɔ kumo to be asɔbɔya kikɛ nɛ naniere asɔbɔya bee funti menyi. Ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so nɛ asheŋ ere beeŋ ba menyi so.

Habakuk 2:8

Men ta eleŋsheŋ n suge efuli damtaana be basa be asɔ nseŋ m mɔ bumo be basa. Ama naniere bumo be basa nɛ b ji efute gba beeŋ ta eleŋsheŋ n suge menyi be asɔ ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Zakareya 14:11

Basa na beeŋ chena Jerusalɛm to ashi kayurwushi so nɛ k maaŋ naaŋ mur kikɛ.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 12:15

“O Zayɔn, sa maa lɔ kufu, keni fo Ewura e dii kurmafɔlbi a ba na.”

Baru lela nɛ Jɔn kute na 19:19

Ndoŋ nna nɛ Pailat shin nɛ b sibɛ kasibɛ ŋ gbir m mata mbe kedibi largato na so a kaŋɛ le: “NAZARƐT BE YESU NƐ E LA JUWEBI BE EWURA NA NDE.”

Baru lela nɛ Jɔn kute na 5:30

Ma alɛ gbagba maaŋ tiŋ n wora shɛŋ ma kumu so. Kusɔ nɛ Ebɔrɛ bee kaŋɛ ma be demu nɛ mee ji, amoso, ma demu be keji kɔ kashenteŋ nna, ŋkpal manɛ so, mannɛ ŋ gbagba be aparsheŋ nɛ mee wora, esa nɛ e shuŋi ma na be aparsheŋ nɛ mee wora.

Kelaraŋŋini 12:10

Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”

Kelaraŋŋini 7:15

Amoso, b baa wɔ Ebɔrɛ be kuwurputi be anishito a shuŋ mo kapa nɛ kanyɛ ashi mbe bɔrɛlambu to nna nɛ mo koŋwule nɛ e tase mbe kuwurputi so na malɛ bee ta mbe kebaawɔtɔ a kuŋ bumo.