Zefanaiya 3:13 - EBƆRƐ BE KAWƆL

¹³ Israɛl be basa nɛ b ka na bre maaŋ wora kulubi, bumo alɛ maaŋ ku efɛ ŋko a na a fule basa. Asheŋ beeŋ baa nite nɛnɛ a sa bumo nɛ shɛŋ maaŋ naa fɔŋ bumo. Esa kikɛ maaŋ naŋ tiŋ n ta kufu n da bumo.

Zefanaiya 3:13 ပူးပေါင်းရင်းမြစ်များ

2 Kronikɛls 20:30

Amoso Jehoshafat daŋ ji mbe kuwura kagbenewushiso nna nɛ Ebɔrɛ daŋ kuŋ mo ekpa kama so.

Job be kawɔl 11:19

Fo maaŋ naa ŋana fo doŋana. Basa damta malɛ beeŋ baa fin kechɛto fo kutɔ.

Nshɛ 119:3

B maa wora asheŋ lubi, baa wora asheŋ nɛ a bɛ Enyɛnpe Ebɔrɛ be ekpa so nna.

Nshɛ 120:2

O Enyɛnpe Ebɔrɛ, mɔlga ma ashi befɛpo nɛ kafulewuraana be enɔ to.

Nshɛ 120:3

Menyi befɛpo ere, manɛ nɛ Ebɔrɛ beeŋ wora menyi? Nuso be kasogberge nɛ e beeŋ sa menyi?

Nshɛ 23:2

Kakpa nɛ afitiri bumbuŋ lela wɔ nɛ e bee yɛr ma nɛ mee ya ka ji nsaa dese a wushi. Mo e naa juŋkpar ma a yɔ eboŋ be kakpa nɛ nchu maa shile eleŋso.

Aizaaya 17:2

Siriya be efuli so be ndegboŋ beeŋ ki nde nɛ ekama shile ka amo nɛ a dese fuloŋ. A beeŋ ki mbolpɔ nɛ ana be ejikpa nɛ esa kikɛ maaŋ baa ju amo a lar ndoŋ.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Aizaaya 65:10

Kumo be kaman nɛ b baa shuŋ ma, Enyɛnpe Ebɔrɛ na ashi ndoŋ nsaa kpa bumo be mbolpɔ nɛ ana a yɔ Sharɔn be keplasawule nɛ k wɔ kasawule na be epeŋitɔrkpa be kaba so nɛ b ya ji afitiri lela nɛ Akɔ be Ketaŋɛ nɛ kumo alɛ wɔ epeŋilarkpa be kaba so na so.

Jɛremaya 23:4

Ma alɛ beeŋ lara bejuŋkparpo nɛ baŋ keni bumo so kananɛ k daga nɛ kufu maaŋ naa kɔ bumo nɛ b baa chicha kufuso. M maaŋ naŋ gberge bumo kusoe kikɛ. Bumo be ekoŋwule gba maaŋ foe bumo to. Ma, Enyɛnpe Ebɔrɛ e kaŋɛ na.”

Jɛremaya 30:10

Ma basa, men sa maa lɔ kufu; Israɛl be basa, men sa maa chicha kufuso. Meeŋ kɔ n suge menyi ashi efuli wɔfɔ be basa be enɔ to, nɛ kasawule nɛ men la anya kumo so be basa be enɔ to na. Menyi beeŋ bɛta m ba epe m baa kaa wɔ kayurwushi to; nɛ shɛŋ shɛŋ maaŋ naa tɔrɔ menyi; esa kikɛ malɛ maŋ naa ta kufu a da menyi.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Ezikɛl 39:26

B kaŋ ba chena bumo gbagba be kasawule so kayurwushi so nɛ esa kikɛ maŋ naa funti bumo na, baaŋ teŋ bumo be anishinyɔr nɛ b daŋ ji ŋkpal b ka daŋ debɔr ma na so.

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Levitikɔs 26:6

Meeŋ sa menyi kayurwushi menyi be kasawule so, nɛ men baa dese a di nsaa maa lɔ kufu ŋkpal esa kikɛ so. Meeŋ mur asɔbɔya lubi kikɛ kasawule na so, nseŋ shin nɛ kena maaŋ naa wɔ ndoŋ.

Maika 4:4

Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Zefanaiya 2:7

Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Zakareya 8:12

Meeŋ shin nɛ men dɔ n duu menyi be asɔduuso kayurwushiso. Menyi be afeelebi nɛ e bee sɔr asɔrso nɛ baa tre greeps na beeŋ sɔr nɛnɛ, nɛ bɔrɛ e ba ga nɛ men be kasawule e wora adɔjibi nɛnɛ. Ma efuli so be basa nɛ baaŋ ji efute na nɛ meeŋ nɛfa le be ekpa so.

Zakareya 8:16

Asɔ nɛ a daga fanɛ men baa wora e la kebaaji abar kashenteŋ nsaa ji asheŋ nɛ amo be ekpa so ashi menyi be demujikpaana saŋɛ na so kayurwushi beeŋ baa wɔ menyi to.

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Baru lela nɛ Jɔn kute na 1:47

Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

Kɔlɔsiebi 3:9

Men sa maa fule abar, ŋkpal manɛ so, men lar men be kebaawɔtɔ dra nɛ k daa shin nɛ menyee wora alubi na to

1 Pita 3:14

Hale nɛ men wora kelela nɛ b kpal loŋ so n tɔrɔ menyi gba, nɛfa la menyeya nna. Men sa maa ŋana bumo be kafunti, menyi alɛ e sa maŋ naa shin nɛ men be ŋgbene e baa ku.

1 Jɔn 5:18

An baa nyi fanɛ Ebɔrɛ pibi kama maa shir a wɔ alubi to a wora amo, ŋkpal manɛ so, Ebɔrɛ Pibinyɛn e naa kuŋ mo nɛ alubipo na e sa maŋ tiŋ n doro mo.

Kelaraŋŋini 14:5

Efɛsheŋ kama daa maŋ shi bumo be nnɔ to n lar kikɛ, kulubisheŋ kama daa maŋ do bumo be ekama so.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”