Zefanaiya 2:7 - EBƆRƐ BE KAWƆL

⁷ Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Zefanaiya 2:7 ပူးပေါင်းရင်းမြစ်များ

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Nshɛ 80:14

O Enyɛnpetale Ebɔrɛ, naŋ bɛta m ba anyi kutɔ! Shi ebɔrɛso n to kenishi ŋ keni anyi nseŋ ba mɔlga fo basa!

Nshɛ 85:1

O Enyɛnpe Ebɔrɛ, fo e nɛfa fo kasawule nseŋ shin nɛ kusɔ kama nite nɛnɛ n sa Israɛlebi nɛ b la Jeekɔb be kaman to ebi na.

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 11:16

Ekpagboŋ lela beeŋ dese n shi Asiriya be efuli so n sa mbe basa Israɛlebi nɛ b ji efute nseŋ ka a wɔ ndoŋ na nɛ b bɔla so, fanɛ kananɛ ekpa lela daa dese n sa bumo nanaana jemanɛ nɛ b daŋ lar Ijipt be efuli so na.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 32:14

Basa beeŋ shile n lar ewurkpa ŋ ka kumo fuloŋ nɛ basa be elaŋ nɛ ebu lempoana nɛ a daa kuŋ basa na kikɛ e ki alambure a dese hale mbaanaayɔ. Kumo be kaman nɛ ndoŋ e ki ekurma be epelkpa nɛ mbolpɔ be ejikpa.

Jɛremaya 23:3

Meeŋ naŋ gama ma basa nɛ b daŋ pesaŋ to n yɔ efuli pɔtɛana so na abar so nseŋ bɛta bumo m ba bumo gbagba be kasawule so. Baaŋ ba kurge mbia damta n wora keshi n ti so.

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Jɛremaya 29:14

Kashenteŋ nɛ mee kaŋɛ na fanɛ menyeeŋ fin ma nseŋ wu ma nɛ ma alɛ e bɛta menyi m ba menyi be kasawule so. Meeŋ chala menyi abar so ashi efuli kama nɛ kaplɛkama nɛ men pesaŋ to n yɔ na, nseŋ bɛta menyi m ba kasawule nɛ n daŋ shin nɛ b pɛ menyi anya kumo so n yɔ efuli pɔtɛ so na so. Ma, Enyɛnpe Ebɔrɛ e kaŋɛ na.”

Jɛremaya 3:18

Kumo be kaman nɛ Israɛl be basa e ti Juda be basa so nɛ b shi efuli nɛ k wɔ kelargato be esoso na m bɛta m ba kasawule nɛ n ta n sa bumo nananyɛnana mbaanaayɔ na so.

Jɛremaya 30:3

ŋkpal manɛ so, jemanɛ ko bee ba nɛ n naaŋ shin nɛ ma basa nɛ b shi Juda nɛ Israɛl be kuwurgboŋ nɛ k wɔ kelargato be esoso be kaba so na so kikɛ e bɛta m ba kasawule nɛ n ta n sa bumo nanaana na so, n naŋ ba sɔ kumo ŋ ki bumo peya. Ma, Enyɛnpe Ebɔrɛ e kaŋɛ na.”

Jɛremaya 31:7

Kede be kaman, nɛ Enyɛnpe Ebɔrɛ na naŋ kaŋɛ le: “Men boŋ kagbenefuli be nshɛ n sa Israɛl be efuli, nɛ k la efuligboŋ ashi efuliana na kikɛ to na. Men boŋ nshɛ ŋ kpaŋ ma ŋ kaŋɛ le: ‘Enyɛnpe Ebɔrɛ na mɔlga mbe basa; mo e kɔ n sɔ bekama nɛ b ka na.’

Jɛremaya 32:44

Basa beeŋ naŋ tɔ nsawule nseŋ wora amo be nwɔl n shin nɛ eshɛdajipoana nɛ bumo gbagba e yisi enɔ nwɔl na to a ŋini fanɛ b tɔ nsawule na nna. Mboŋ nɛ le beeŋ wora e la Bɛnjamin be yiri be kebonfu to nɛ ndekarso nɛ a kulti Jerusalɛm be kadegboŋ na nɛ Juda be efuli so be nde to nɛ nde nɛ a wɔ abee so nɛ amo nɛ a wɔ abeemase nɛ Juda be kelargato be kaseto be kaba so kikɛ na. Meeŋ naŋ bɛta basa na m ba chena bumo be kasawule so. Ma, Enyɛnpe Ebɔrɛ e kaŋɛ na.”

Jɛremaya 33:12

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Mbolpɔkpapoana beeŋ naŋ nya asɔbɔya be ejikpa lela a kpa bumo be mbolpɔ a yɔ keji to ashi kasawule nɛ k du fanɛ keshishɛrsawule nɛ edimɛdi ŋko asɔbɔya maŋ wɔ kumo so ere so.

Jɛremaya 33:7

Meeŋ naŋ ta kasawule ere n sa Juda nɛ Israɛl be kuwurgboŋ nɛ k wɔ kelargato be esoso be kaba so na nseŋ shin nɛ b naŋ nya eleŋ nɛ b daa kɔ na.

Jɛremaya 47:5

Kebɔltofinfin damta tɔr basa nɛ b wɔ Gaaza na so, nɛ kɔnɔ mɔ basa nɛ b wɔ Ashkɛlɔn na, nɛ b wora shruum. Nchɛ afanɛ nɛ basa nɛ b wɔ Filisti be mboŋ nɛ a ka na beeŋ chena a wora fanɛ b ka bee shu keeli na?

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Hoziya 6:11

Ama ŋ kɔ kachɛ nɛ meeŋ gberge menyi Juda be basa bre kusoe, ŋkpal kusɔ nɛ menyee wora na so.”

Obadaya 1:19

Keshishɛrsawule so ebi na beeŋ ba sɔ menyi lsɔɔ be kanaŋ to ebi be abeesawule a wɔtɔ, nɛ basa nɛ b wɔ abee be kaseto na malɛ e ba Filistiebi be nsawule ŋ ki bumo peya. Israɛlebi beeŋ ba sɔ Efreimebi nɛ Samɛriaebi be nsawule, nɛ Bɛnjaminebi malɛ e ta Gilead.

Maika 2:12

Ma, Enyɛnpe Ebɔrɛ na e naa nase kɔnɔ, fanɛ meeŋ naŋ bar ma basa Israɛlebi, nɛ baaŋ ji efute na abar so. Meeŋ gama bumo abar so fanɛ mbolpɔ ka wɔ kuluu to, saŋɛ na so basa beeŋ wora keshi n sɔ kasawule na so kikɛ.

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”

Zefanaiya 3:13

Israɛl be basa nɛ b ka na bre maaŋ wora kulubi, bumo alɛ maaŋ ku efɛ ŋko a na a fule basa. Asheŋ beeŋ baa nite nɛnɛ a sa bumo nɛ shɛŋ maaŋ naa fɔŋ bumo. Esa kikɛ maaŋ naŋ tiŋ n ta kufu n da bumo.

Zefanaiya 3:20

Loŋ be jemanɛ na, meeŋ gama menyi be basa abar so m bar bumo epe. Ma alɛ beeŋ shin nɛ menyi be ketre e dii durnya kikɛ to, nseŋ shin nɛ men naŋ dii dama.’ ” Ma, Enyɛnpe Ebɔrɛ e kaŋɛ na!

Heegai 1:12

Ndoŋ nna nɛ Zerubabel nɛ Joshuwa nɛ basa nɛ b shi kenyaya to ashi Babilɔn be efuli so m bɛta m ba na kikɛ wora kubɔya nɛ Enyɛnpe bumo be Ebɔrɛ na ta m bɔla anebi Heegai so n sa bumo na kasonu ŋkpal b ka bee ŋana Enyɛnpe Ebɔrɛ na so.

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

Luuk 7:16

Kufu daŋ pɛ ekama ga nɛ bumo kikɛ di Ebɔrɛ epaŋ ŋ kaŋɛ: “Esa nɛ e chɔ Anebi gboŋ ba anyi to,” nseŋ naŋ kaŋɛ: “Ebɔrɛ ba nɛ e ba mɔlga mbe basa.”

Ashuŋ Shunso 8:26

Nɛ Enyɛnpe be malaika ko kaŋɛ Filip: “Ta a ba kapaso, bela ase ŋ koso n yɔ ekpa nɛ k shi Jerusalɛm a yɔ Gaaza na.” Basa maŋ naa nite ekpa na so ga.

Ashuŋ Shunso 8:40

Azotas nɛ Filip daŋ wu fanɛ Kiyoyu na yɛr mo nɛ e yɔ nde na kikɛ to n ya kaa bɔ baru lela na n ya fo Sizariya.

Romebi 11:5

Naniere be jemanɛ ere gba, loŋ koŋwule nna fanɛ mo ere Ebɔrɛ lara basa gbrɛbi ko nna n sa mbe kumu ŋkpal mbe kuwɔr be kakɛ so.

Ruf be kawɔl 1:6

E wɔ Mowab nna nseŋ nu fanɛ Enyɛnpe Ebɔrɛ na wora mo ere Enyɛnpe Ebɔrɛ na be basa kechɛto n sa bumo ajibi. Nawomi ka nu loŋ na nɛ mo nɛ mo shacheana na bela ase nɛ b kaa Mowab m bɛta n yɔ Nawomi be efuli so.