Zefanaiya 2:11 - EBƆRƐ BE KAWƆL

¹¹ Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Zefanaiya 2:11 ပူးပေါင်းရင်းမြစ်များ

Jɛnesis 10:5

Basa nɛ b daŋ n chena n chena teku be kɔnɔ na daŋ shi le be basa ere to nna. Bumo be ekama malɛ nɛ mbe kanaŋ e daa la nɛ bumo be ŋgbarana kɔr abar to.

Nshɛ 138:4

Enyɛnpe Ebɔrɛ, nɛ durnya to be bewuraana kikɛ nu fo nnɔ naseso, baaŋ kpaŋ fo.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Aizaaya 2:18

Agbirana maaŋ naa wɔtɔ kuraa.

Aizaaya 2:20

Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Aizaaya 42:10

Men boŋ kashɛ popɔr n sa Enyɛnpe Ebɔrɛ na; nɛ durnya to be basa kikɛ e boŋ kashɛ ŋ kpaŋ mo! Menyi nɛ menyee nite teku so, e kpaŋ Enyɛnpe Ebɔrɛ na; nɛ asɔ keniso kikɛ nɛ a wɔ teku to e, kpaŋ mo! Menyi nɛ men wɔ mplasawule nɛ a wɔ kufɔ kufɔ na so, e kpaŋ Enyɛnpe Ebɔrɛ na.

Aizaaya 42:4

E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”

Aizaaya 49:1

Ekama e nu nfe! Menyi nɛ men wɔ efuli pɔtɛana nɛ a wɔ teku be kaba ndoŋ na gba, e nu nfe. Enyɛnpe Ebɔrɛ na e lara ma nɛ m baa la mbe kenya, nseŋ nase ma ketre pɔɛŋ nɛ b kurge ma.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 46:25

Kumo be kaman, nɛ Enyɛnpetale, Israɛl be Ebɔrɛ na naŋ kaŋɛ le: “Meeŋ gberge Tebes be kegbir nɛ baa tre Ammɔn na nɛ Ijipt be agbirana nɛ kumo be basa nɛ bewuraana nɛ bekama nɛ b ta bumo be yirda n deŋi Ijipt be eleŋgboŋ so na kusoe.

Danɛl 11:18

Ade kikɛ be kaman, e beeŋ kɔ efuliana nɛ a chena teku ase na kena m pɔɔ amo be adamta so. Ama benapo be enimu ko beeŋ ba kɔ m pɔɔ mo so nɛ mbe ŋkpensheŋ na kikɛ e ba ekar. Kashenteŋto e beeŋ shin nɛ ewura na be ŋkpensheŋ e laŋɛ n ji mo.

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Zefanaiya 1:4

Meeŋ gberge Jerusalɛm to nɛ Juda be efuli so be basa kikɛ kusoe. Meeŋ mur kegbir nɛ baa tre Baal na be kushuŋ kikɛ ashi ndoŋ nɛ ekama maaŋ naaŋ nyiŋi kegbirwura nɛ e daa keni kumo so na gba kuraa.

Zefanaiya 3:9

Kumo be kaman nɛ n chɛrga basa nɛ b wɔ efuliana na so be ŋgbene nɛ b naa bunyaŋ ma, Enyɛnpe Ebɔrɛ na nawule.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Zakareya 8:20

Kede be kaman nɛ Enyɛnpetale Ebɔrɛ na naŋ kaŋɛ: “Jemanɛ ko bee ba nɛ basa damta e shi efuli pɔtɛana so be ndegboŋ damta to m ba Jerusalɛm to.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Ditɛronɔmi 32:38

Men daŋ ta menyi be esarga be nfɔ nɛ eyabra nna n sa amo. Naniere men shin nɛ agbirana na a ba chɛ menyi to, nseŋ shile m ba kɔ n sɔ menyi n yige.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”