Zefanaiya 2:10 - EBƆRƐ BE KAWƆL

¹⁰ Kusɔ nɛ k beeŋ ba Mowab nɛ Ammɔn be basa so ŋkpal bumo be kamoowu nɛ kebaatege nsaa wora Enyɛnpetale Ebɔrɛ na be basa eyurto so nna na.

Zefanaiya 2:10 ပူးပေါင်းရင်းမြစ်များ

1 Kronikɛls 16:21

Ama Ebɔrɛ daa maŋ shuli nɛ ekama mɛaŋ bumo. E daŋ kpele ndoŋ be bewura kusoe nna saŋɛ na so b maaŋ wora bumo shɛŋ,

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Ɛksodɔs 9:17

Ŋkeshin nɛ fo alɛ kraa wɔtɔ nna a ŋini ma basa fo eleŋ nsaa kini keshin nɛ b yɔ.

Aizaaya 16:6

Ndoŋ nna nɛ Juda be basa na kaŋɛ: “An nu fanɛ Mowab be basa bee wu bumo be amu nna. An nyi fanɛ b la basa nɛ b kpeŋ nsaa keni basa jiga nna, ama mpuchi fuloŋ nɛ b kɔ.”

Jɛremaya 12:14

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Ŋ kɔ kusɔ ko nɛ ŋ kaŋɛ a laŋɛ Israɛl be bechenashapo lubi nɛ b mur kasawule nɛ n ta n sa ma basa Israɛlebi na be kaplɛa so. Meeŋ lara basa lubi ere bumo be efuliana so fanɛ kananɛ baa tia kusɔduuso na. Meeŋ kɔ n suge Juda be basa bumo be enɔ to.

Jɛremaya 48:14

Mowab be benyɛn bee kaŋɛ nna fanɛ bumo ere la benapo lempo nɛ b kɔ kenyɛn nna.

Jɛremaya 48:29

N nyi kananɛ Mowab be basa bee wu bumo be amu nseŋ kpeŋ nsaa ŋini to fanɛ bumo ere e baa la basa a chɔ bekama.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Ezikɛl 25:6

Kusɔ nɛ ma, Enyɛnpetale Ebɔrɛ na bee kaŋɛ e la fanɛ men daŋ kpla enɔ nseŋ daŋ tɛto kagbenefuliso a ŋini kekishi nɛ men kɔ n sa Israɛl be basa nna.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Obadaya 1:11

Kachɛ nɛ bedoŋ nɛ b la befɔ daŋ ba bɔla Jeekɔb be kanaŋ to ebi be mbuna to n luri Jerusalɛm to m muu bumo be asɔ kikɛ nseŋ to beri m barga amo to n sa abar na men daa yil jiga a keni bumo. Amoso menyi alɛ gba daa du fanɛ bedoŋ na nna na.

Obadaya 1:3

Fo, Edɔm be kamoowu e naa fule fo na. Fo Edɔm nɛ fo tase kebee so nɛ fo kowu wɔ kaboŋ jeŋgreŋ na, e naa puchi a kaŋɛ fo kumu fanɛ wanɛ e naaŋ tiŋ m pɔɔ fo so na, ŋko?

Zefanaiya 2:8

Kumo be kaman nɛ Enyɛnpetale Ebɔrɛ na kaŋɛ le: “N nu Mowab nɛ Ammɔn be basa ka bee tege nsaa wora ma basa eyurto a ji njɔŋ fanɛ baaŋ sɔ bumo be kasawule.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.