Zefanaiya 1:18 - EBƆRƐ BE KAWƆL

¹⁸ Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

Zefanaiya 1:18 ပူးပေါင်းရင်းမြစ်များ

Jɛnesis 6:7

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

1 Bewura 14:22

Judaebi na daŋ wora alubi nna ŋ gbiti Enyɛnpe Ebɔrɛ nseŋ wora asheŋ nɛ a nyaŋɛ mbe agbo to ga a chɔ kananɛ bumo nananyɛnana daŋ wora na.

Job be kawɔl 21:30

fanɛ Ebɔrɛ baŋ nya agbo, basa nɛ baa wora asheŋ lubi maa ji jɛrbi.

Job be kawɔl 3:15

Ndoŋ nɛ meeŋ ya dese a di fanɛ bewura nɛ b daŋ gbare eshuwa nɛ egbiti m bɔlɔ nwu,

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Nshɛ 79:5

O Enyɛnpe Ebɔrɛ, fo nya agbo n wɔtɔ anyi nna mbaanaayɔ a? Fo agbo kraa beeŋ baa suse fanɛ edɛ nna a?

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aŋasa 18:11

Damawuraana bee fɛ nna fanɛ bumo be amansherbi e naa kuŋ bumo fanɛ kananɛ baa pɔr egbal a kulti kade a kuŋ kumo na.

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Aizaaya 10:17

Ebɔrɛ cheembi nɛ e la Israɛl be kefulto na beeŋ kilgi fanɛ edɛ n shin nɛ fo suse so kachɛ koŋwule fanɛ kupuŋ wɔlso na.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Jɛremaya 7:34

Kasawule na beeŋ ki keshishɛrsawule. Meeŋ shin nɛ kagbenefuliso awɔr nɛ basa beeŋ baa wora na nɛ kejafɔ to be kayurji kikɛ e fo ekar ashi Juda be efuli so nɛ Jerusalɛm be agbembi so.”

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Ezikɛl 16:38

Kejimbri be kasogberge beeŋ ba fo so ŋkpal kubojuaji nɛ basa be kemɔ so. Meeŋ nya agbo ga nseŋ ta luwu ŋ gberge fo kusoe.

Ezikɛl 23:25

Ŋkpal ŋ ka nya agbo n wɔtɔ fo so, meeŋ shin nɛ benapo na e kaa kagbene n tɔrɔ fo ga. Benapo na beeŋ ku fo kamuna nɛ asoe nseŋ mɔ fo mbia. Kashenteŋto, baaŋ suge fo mbia n yɔ n ya chɔɔ bumo m mɔ.

Ezikɛl 7:11

Basa nɛ b ta akɔsɔ a kɔ a fin bumo be kepar tintinso na nya ekpa a wora bumo be kepar nseŋ shin nɛ kumu kpakpaso wora keshi n ti so. Ama bumo be ekama maaŋ ji efute; bumo be kedamaya nɛ b kɔ nsaa keni amo a bɔlɔ kenishi malɛ gba beeŋ mur.

Ezikɛl 7:19

Baaŋ ta bumo be shuwa nɛ gbiti n lɛ agbembi so fanɛ asɔ jiga na, ŋkpal manɛ so, shuwa nɛ gbiti na maaŋ tiŋ m mɔlga bumo jemanɛ nɛ Enyɛnpe Ebɔrɛ na be agbo beeŋ ba bumo so na. B maaŋ naŋ tiŋ n ta amo n tɔ ajibi gba n ji. Ŋkpal manɛ so, shuwa nɛ gbiti na e shin nɛ b tɔr kulubi to.

Ezikɛl 7:5

Le nɛ Enyɛnpetale Ebɔrɛ na bee kaŋɛ: “Aleblawu nɛ ekama maŋ naŋ nu kumo be asheŋ bee ba!

Zefanaiya 1:11

Menyi nɛ men wɔ kegbɛto be kebonfu so na e baa boŋ to a shu ga, ŋkpal manɛ so, menyi be eyawujipoana maŋ naa wɔtɔ. Bekama nɛ baa ta gbiti a ji yawu na beeŋ mur cheche.

Zefanaiya 1:15

Kamɔnchɛ na beeŋ baa la agbo lubi nɛ etɔrɔ nɛ kayurnyaŋ damta nɛ ebesa nɛ kemur nɛ tentembiri mina nɛ awɔlpa be kebuuso be kachɛ nna.

Zefanaiya 2:2

pɔɛŋ nɛ afu e foŋ menyi n ya lɛ fanɛ afɔfɔ ŋko pɔɛŋ nɛ Enyɛnpe Ebɔrɛ na be agbogboŋ na e kaa alegaiso m ba menyi so.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.