Zefanaiya 1:17 - EBƆRƐ BE KAWƆL

¹⁷ Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Zefanaiya 1:17 ပူးပေါင်းရင်းမြစ်များ

Nshɛ 83:10

Kakpa nɛ baa tre Ɛndɔ na nɛ fo daŋ mur bumo; bumo be kebuni daŋ dese kasawule so nna m bɛ.

Aizaaya 29:10

Enyɛnpe Ebɔrɛ na e shin nɛ menyi be anishi bee biri menyi nɛ edi bee la menyi na. Menyi anebiana na e daga fanɛ b baa wu asheŋ a kaŋɛ basa na, ama Ebɔrɛ buu menyi be anishi so nna nɛ men maŋ naa wu asheŋ a pin to.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Jɛremaya 10:18

Enyɛnpe Ebɔrɛ na bee sha kelara menyi kasawule ere so nna na. E beeŋ shin nɛ men doŋana e ta kenishi m pere menyi nseŋ tintiŋ menyi n lar men be kasawule so. Enyɛnpe Ebɔrɛ e kaŋɛ na.”

Jɛremaya 15:3

Ma, Enyɛnpe Ebɔrɛ na teŋ yili kumo nna fanɛ asheŋ lubi ana ko e naŋ wora bumo. Baaŋ wu kena to nɛ njɔnɔ e baa gbeye bumo be eyurana a kulti nɛ mbuibi e ji bumo be beko nɛ kupuŋ to be asɔbɔya malɛ e we bumo nɛ baŋ ka na.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 3:25

Amoso men shin nɛ an ta anishinyɔr n dese nɛ anyi be ŋaba e baa buu anyi so. Anyi nɛ an nananyɛnana kikɛ wora alubi ŋ gbiti Enyɛnpe anyi be Ebɔrɛ na. Anyi alɛ maŋ bɛ mbe mmalga naseso so.”

Jɛremaya 4:18

Menyi Juda be basa be kebaawɔtɔ nɛ men wɔ kumo to na e bar le menyi so na. Menyi be asheŋ lubi e shin nɛ menyee ji awurfoŋ na nɛ k wora fanɛ b ka ta kasaŋɛ n da menyi be ŋgbene to na.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Nfabel 1:14

Kewora fanɛ Enyɛnpe Ebɔrɛ na gama anyi be alubi kikɛ n chɛ n shiga anyi be abɔ so nna nɛ amo be egbɛ shin nɛ anyi be eleŋ kikɛ lar anyi to. E ta anyi m bɔɔ an doŋana nɛ b chɔ anyi eleŋ ga enɔ nna, nɛ anyi maŋ kɔ shɛŋ nɛ an wora bumo be anishito.

Nfabel 1:18

Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Nfabel 1:8

Jerusalɛm to be asheŋ lubi so, k ki kadegboŋ nɛ ekama bee keni jiga nna. Basa kama nɛ b daa sha kumo nsaa keni kumo a bɔlɔ kenishi, kikɛ kishi kumo be asheŋ naniere nna. Jerusalɛm be basa gbagba be asheŋ woraso shin nɛ k wora eyurpi daŋkare be ekpa so nna.

Nfabel 2:21

Mbifɔlbi nɛ basakpar kikɛ e wu a dese agbembi so na, bedoŋ malɛ ta etokobi m mɔ mbrantiɛ nɛ besuŋgurbi. Kachɛ nɛ fo nya agbo na nɛ fo shin nɛ bedoŋ mɔ bumo nsaa maŋ wu bumo kuwɔr kikɛ.

Ezikɛl 16:38

Kejimbri be kasogberge beeŋ ba fo so ŋkpal kubojuaji nɛ basa be kemɔ so. Meeŋ nya agbo ga nseŋ ta luwu ŋ gberge fo kusoe.

Ezikɛl 24:7

Jerusalɛm to be basa mɔ basa nɛ b maŋ wora shɛŋ ashi kadegboŋ na to, ama b maŋ wora ania nɛ b wora eshishɛr m buu bumo be ŋklaŋ nɛ a wurge kefalta so gba.

Ezikɛl 24:8

Ndoŋ nna nɛ ma alɛ gba yige ŋklaŋ na kefalta na so, kakpa nɛ a maaŋ tiŋ ŋ ŋana. Nɛ amo alɛ bee fin fanɛ ŋ kɔ n sa amo.”

Eemɔs 4:10

Kulɔ lubi nɛ k bee mɔ nɛ n daŋ shin nɛ k ba Ijipt be efuli so ebi so dra dra na gbagba nɛ n shin nɛ k ba menyi alɛ gba so. Ma e mɔ men be mbifɔlbi kena to n shin nɛ b pɛ bumo be egbaŋɛ n choŋ, nɛ bubuni be efɛa sɔ menyi be echenakpa a dufɛ pumpuŋ a mɔ menyi. Ama amo nɛ amo kikɛ, men kraŋ kini kebɛ ma so.

Maika 7:13

Ama efuli pɔtɛana bre be nsawule beeŋ ki keshishɛrsawule ŋkpal bumo be basa be amukpakpaso so.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 11:7

To, naniere manɛ e naa wɔtɔ? Kusɔ nɛ k wɔtɔ e la fanɛ kusɔ nɛ Israɛlebi daŋ pere kenishi a fin na, b fin kumo ŋ gben, ama Ebɔrɛ be basa laraso na bre nya kumo nɛ basa nɛ b ka malɛ nya amu kpakpaso.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Pita 1:9

Esa kama nɛ e maŋ kɔ loŋ be asɔ na tan nna na, mo alɛ maa wu a yɔ kufɔ, mo alɛ nseŋ naŋ teŋ so fanɛ Ebɔrɛ kpra mbe alubi nɛ a daa wɔ mo so na kikɛ ashi mo so.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.

Kelaraŋŋini 3:17

Men yɛ: An dii dama n nya kusɔ kama nyam nɛ anyee sha, anyi maŋ naa sha shɛŋ. Ama menyi alɛ maŋ nyi fanɛ men la awurfoŋwuraana nɛ basa nɛ bumo be asheŋ kɔ kuwɔr nɛ betirpo nɛ betanpo nɛ basa delgeso nna.