Zefanaiya 1:16 - EBƆRƐ BE KAWƆL

¹⁶ Kumo alɛ beeŋ naa la kachɛ nɛ kena to be mbel be kushu beeŋ sɔ kaplɛkama nɛ basa e baa boŋ to a cha awɔr ashi ndegboŋ nɛ b pɔr egbalana ŋ kulti nɛ a kɔ mboŋ lempo jeŋgreŋ na kikɛ to.

Zefanaiya 1:16 ပူးပေါင်းရင်းမြစ်များ

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Aizaaya 32:14

Basa beeŋ shile n lar ewurkpa ŋ ka kumo fuloŋ nɛ basa be elaŋ nɛ ebu lempoana nɛ a daa kuŋ basa na kikɛ e ki alambure a dese hale mbaanaayɔ. Kumo be kaman nɛ ndoŋ e ki ekurma be epelkpa nɛ mbolpɔ be ejikpa.

Aizaaya 59:10

nɛ anyee la a fin ekpa fanɛ etanpo. Kapiidi gba anyi maa wu ekpa to nsaa fiti fanɛ kanyɛso ŋko fanɛ an ka wɔ nchaŋ to na.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Ezikɛl 7:7

Menyi nɛ men wɔ Israɛl be kasawule so na beeŋ mur. Saŋɛ na fo, demujiachɛ na taga to. Keyeŋiyeŋi beeŋ tɔr menyi so nɛ men maaŋ naŋ tiŋ n ji eyur kagbenefuliso ashi abee so be kakpa nɛ menyee shuŋ agbirana na.

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Ditɛronɔmi 28:52

Bumo alɛ beeŋ kre kena m ba kulti kade kama nɛ k wɔ kasawule nɛ Enyɛnpe, menyi be Ebɔrɛ na ta a sa menyi ere n wɔtɔ. Baaŋ bure egbal lempo jeŋgreŋana nɛ menyeeŋ pɔr ŋ kulti men be ndeana n ta men be yirda n deŋi amo so na.

Joshuwa 6:20

Ndoŋ nna nɛ bɔrɛmatapoana na foŋ bumo be mbel na nɛ basa nu nseŋ cha awɔr nɛ egbal na kikɛ tɔr. Epul na to nɛ benapo na luri kade na to n sɔ kumo to kikɛ,