Zefanaiya 1:13 - EBƆRƐ BE KAWƆL

¹³ Basa pɔtɛ beeŋ suge bumo be asɔ lela kikɛ nseŋ bure bumo be nwu. B maaŋ nya n chena nwu nɛ bumo gbagba pɔr to ŋko n nya bumo be ndibisɔrso be asɔrso nɛ baa tre greeps na be nsa n nuu.”

Zefanaiya 1:13 ပူးပေါင်းရင်းမြစ်များ

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 15:13

Meeŋ shin nɛ bedoŋ e ba sulɔ asɔ nɛ ma basa kɔ na kikɛ n yɔ nɛ k baa la kasogberge n sa bumo ŋkpal bumo be alubi nɛ b wora kasawule na so so.

Jɛremaya 4:20

Jemanɛ kikɛ nɛ anyi nɛ edoŋ na baa kɔ kena, mee wu fanɛ e bee kɔ a pɔɔ anyi so nna nsaa mur kusɔ kama ashi kasawule na so. Epul to nɛ e mur ŋ gbagba be laŋ.

Jɛremaya 4:7

Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Jɛremaya 5:17

Baaŋ ji menyi be adɔjibi m mur nseŋ mɔ menyi be mbia. Bumo alɛ beeŋ mur menyi be asɔbɔya nɛ ndibi sɔrso kikɛ. Bumo be benapo beeŋ bure menyi be ndeana nɛ men pɔr egbalana ŋ kulti a wɔ amo to nsaa fɛ fanɛ shɛŋ maaŋ tiŋ n wora menyi na kikɛ n lɛ.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Jɛremaya 9:19

Naniere, le nɛ anyi nɛ an wɔ Zayɔn na bee shu a kaŋɛ: “An mur nna na! An ji nyɔmɔ pasaa! Anyi be nwu kikɛ mur, nɛ a daga fanɛ an lar anyi gbagba be kasawule so.”

Nfabel 5:2

Anyi be kasawule laŋɛ basa pɔtɛ be enɔ to; nɛ befɔ sɔ anyi be nwu n chena to.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Ezikɛl 7:19

Baaŋ ta bumo be shuwa nɛ gbiti n lɛ agbembi so fanɛ asɔ jiga na, ŋkpal manɛ so, shuwa nɛ gbiti na maaŋ tiŋ m mɔlga bumo jemanɛ nɛ Enyɛnpe Ebɔrɛ na be agbo beeŋ ba bumo so na. B maaŋ naŋ tiŋ n ta amo n tɔ ajibi gba n ji. Ŋkpal manɛ so, shuwa nɛ gbiti na e shin nɛ b tɔr kulubi to.

Ezikɛl 7:21

Meeŋ shin nɛ befɔ e kɔ n suge bumo be asɔ tintiŋ so nɛ basa nɛ b kɔ kumu kpakpaso malɛ e ba jija bumo be asɔ nɛ a ka kikɛ.

Ezikɛl 7:24

Ma alɛ beeŋ shin nɛ efuliana nɛ b lubi a chɔ bekama na e ba sɔ bumo be nwu kikɛ. Kumo be kaman, nɛ n shin nɛ benapo lempo nɛ baa puchi so na e pɔ aba, ŋkpal efuliana ka beeŋ jija bumo be kabɔrɛshuŋ be mboŋ so.

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Maika 6:15

Menyi beeŋ dɔ n duu, ama menyi maaŋ nya shɛŋ n teŋi. Menyeeŋ ta ɔlif be bibi n wora ŋku, ama menyi alɛ maaŋ nya ŋku na n wora shɛŋ. Menyeeŋ ku eyabra ŋko n daŋɛ nsa, ama menyi maaŋ nya yabra ŋko nsa n nuu.

Zefanaiya 1:9

Meeŋ gberge bekama nɛ baa shuŋ nnyamase be agbir nɛ bekama nɛ baa yuri nsaa mɔ basa a sɔ asɔ a bɔlɔ bumo be agbir be ebuana na kusoe.

Ditɛronɔmi 28:30

Menyi to be eko beeŋ ji eche be kesha nsaa sha keta mo, ama pɔɛŋ nɛ b wora kejafɔ, esa pɔtɛ e naaŋ pur eche na n jija mo. Beko beeŋ pɔr nwu, ama bumo alɛ maaŋ nya n chena amo to. Beko beeŋ dɔ ndibi sɔrso be adɔ, bumo alɛ maaŋ nya amo be asɔrso juŋkparso gba n ji.

Ditɛronɔmi 28:39

Menyeeŋ dɔ ndibi sɔrso be adɔ nseŋ keni amo so nɛnɛ, ama menyi alɛ maaŋ nya amo be asɔrso n chuge ŋko n nya amo be yabra belbelso n nuu. Kumo be kaman nɛ ashushombi e ji ndibi na gbagba.

Ditɛronɔmi 28:51

Baaŋ suge menyi be asɔbɔya nɛ adɔjibi kikɛ nɛ akoŋ a mɔ menyi. B maaŋ yige ayu ŋko yabra belbelso ŋko ɔlifs be ŋku ŋko ana ŋko mbolpɔ kama n sa menyi.