Zefanaiya 1:10 - EBƆRƐ BE KAWƆL

¹⁰ Kede be kaman nɛ Enyɛnpe Ebɔrɛ na naŋ kaŋɛ: “Loŋ be kachɛ na, menyeeŋ nu kushu damta ashi Jerusalɛm be kabunagboŋ nɛ baa tre Kɔrɔtɔ na ase. Menyi kraa beeŋ nu b kaa bee boŋ to awɔrso ashi kadegboŋ na to be echenakpa popɔr na nseŋ nu awɔrgboŋ ko fanɛ asɔ ka tɔr m bure na ashi abee so.

Zefanaiya 1:10 ပူးပေါင်းရင်းမြစ်များ

2 Samuɛl 5:7

Ama bumo be kumɔlga be kakpa lempo nɛ b pɔr ashi Zayɔn na bre Deevid daŋ kɔ n sɔ kumo nna. Yili loŋ be saŋɛ na nɛ basa fara a tre kumo “Deevid be kade.”

2 Samuɛl 5:9

B ka sɔ kumɔlga be kakpa lempo na n loge, nɛ ewura Deevid chena ndoŋ nseŋ nase kumo “Deevid be kade.” Kumo be kaman nɛ e pɔr nwu m bɛ abar so n chambɔ kumo ashi kebee nɛ k wɔ ndoŋ be epeŋilarkpa be kaba so na.

2 Bewura 22:14

Hilkiya nɛ Ahikam nɛ Akbɔ nɛ Shafan nɛ Asaya e daŋ yɔ anebiche nɛ baa tre Hulda nɛ e wɔ Jerusalɛm be kelargato be esoso be kaba so na kutɔ. Hulda mo kul Shallum nɛ e la Tikva pibinyɛn nsaa la Hahas mo nanabi na e daa keni epiŋi so ashi bɔrɛlambu na to. B daŋ kaŋɛ anebi na kusɔ nɛ k wora kikɛ nna,

2 Kronikɛls 3:1

Ewura Deevid nɛ e la Sɔlɔmɔn mo tuto na daŋ lɔŋɛ bɔrɛlambu na be kakpa nna ashi Jerusalɛm be kebeegboŋ nɛ baa tre Moriya na so. Ndoŋ nɛ Enyɛnpe Ebɔrɛ daŋ lara mbe kumu ŋ ŋini mo ashi kugooro nɛ Aruna nɛ e la Jerusalɛm be esa na daa bri mbe ayu so na.

2 Kronikɛls 32:22

Kananɛ Enyɛnpe Ebɔrɛ na mɔlga ewura Hɛzekaya nɛ Jerusalɛm be basa ashi Asiriya be ewurgboŋ Sennakerɛb nɛ bumo doŋana nɛ b ka na be enɔ to nna na. Kumo be kaman nɛ e shin nɛ kayurwushi ba bumo nɛ efuliana nɛ b chena m mata bumo na kikɛ to.

2 Kronikɛls 33:14

Kede be kaman nɛ ewura Manase lɔŋɛ m pɔr ewura Deevid be kade be egbal nyɔsopo na n shin nɛ k dii n ti so. E daŋ fara kebuye nɛ k dese m mata Gihɔn be kaba so na nna m pɔr kumo n ya fo kelargato be esoso be kaba so be kabuna nɛ baa tre Kɔrɔtɔ be Kabuna na be kaba so a mata kade na be kaba nɛ baa tre Kebeegboŋ Ɔfɛl na. Mo alɛ daŋ naŋ shin nna nɛ benapo be benimu nɛ bumo be benapo chena Juda be nde nɛ b pɔr egbal ŋ kulti na be kekama to.

2 Kronikɛls 34:22

Ndoŋ nna nɛ Hilkiya nɛ basa nɛ ewura na shuŋi na yɔ anebiche nɛ baa tre Hulda nɛ e wɔ Jerusalɛm be kelargato be esoso be kaba so na kutɔ. Hulda mo kul Shallum nɛ e la Tikva pibinyɛn nsaa la Hahas mo nanabi na e daa keni bɔrɛlambu na be epiŋi so. B daŋ kaŋɛ anebi na kusɔ nɛ k wora kikɛ nna,

Nehemaya 12:39

An shi ndoŋ nna n ya baŋ Efrayim be Kabuna na nɛ Jeshana be Kabuna na nɛ Kɔrɔtɔ be Kabuna na nɛ Hananɛl be Ebu jeŋgreŋ na nɛ Kalfa be Ebu jeŋgreŋ na nɛ Mbolpɔ be Kabuna na so. Bekumpo be Kabuna nɛ k wɔ bɔrɛlambu na ase na nɛ an ya tar.

Nehemaya 3:3

Hassina be kaman to ebi e lɔŋɛ m pɔr kaba nɛ baa tre Kɔrɔtɔ be kabuna ekpa na. B daŋ ta mbunagboŋ na be ndibi nna n wɔtɔ nseŋ gbir akuloŋ na n wɔtɔ. Kumo be kaman nɛ b gbir abɛlso m mata akuloŋ na so nsaa ta ndibi gbɛgbɛso a kɔl amo to a ber so.

Aizaaya 59:11

Anyee munto nna fanɛ eshishiri nsaa shu fanɛ ali na. Anyi alɛ daa tama fanɛ Ebɔrɛ beeŋ mɔlga anyi ashi kanyaŋ nɛ alubi to, ama loŋ maŋ wora.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Ezikɛl 6:13

Jemanɛ nɛ bumo be basa beeŋ wu n dese abeebi nɛ abeegboŋ be awɔlto nɛ ndibi gboŋ be yiri nɛ a la bumo be agbirana be eshuŋkpaana nɛ baa chɔɔ duwu a sa bumo be agbirana kikɛ be afito na nɛ baaŋ pin fanɛ ma e la Enyɛnpetale Ebɔrɛ na.

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Zefanaiya 1:15

Kamɔnchɛ na beeŋ baa la agbo lubi nɛ etɔrɔ nɛ kayurnyaŋ damta nɛ ebesa nɛ kemur nɛ tentembiri mina nɛ awɔlpa be kebuuso be kachɛ nna.

Zefanaiya 1:7

Men wora shruum ashi Enyɛnpetale Ebɔrɛ na be anishito, ŋkpal manɛ so, mbe demujiachɛ na taga to. E bela ase nɛ e ta mbe basa n lara sarga nseŋ kela n tre bedoŋ fanɛ b ba kɔ Juda kena n suge bumo be asɔ eleŋ so.