Zakareya 9:8 - EBƆRƐ BE KAWƆL

⁸ Ebɔrɛ yɛ: “Meeŋ baa kuŋ ma kasawule nɛ benapo nɛ baa kulti a mɔ basa na maaŋ nya kumo so m bɔla choŋ. M maaŋ sa kumukpakpasowuraana ekpa nɛ b naa kɔrfɛ ma basa. N wu awurfoŋ nɛ ma basa ji na kikɛ.”

Zakareya 9:8 ပူးပေါင်းရင်းမြစ်များ

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

2 Bewura 19:34

Meeŋ kuŋ kadegboŋ ere ŋkpal ŋ gbagba be kemaŋkura nɛ kɔnɔ naseso nɛ n nase n sa ma kayɛrbi Deevid na so.’ ”

2 Bewura 23:29

Ewura Josaya be kuwurji be jemanɛ so nɛ Ijipt be efuli so be ewura Neeko keta mbe benapo m bɔla kelargato be esoso be kaba so n yɔ Yufreetes be Lɔrgboŋ na ase nɛ e ya chɛ Asiriya be efuli to ŋ kɔ. Ndoŋ nna nɛ ewura Josaya keta mbe benapo n lar nɛ b ya kɔ ewura Neeko kena. B ka bee kɔ kena na ashi Majido nɛ b mɔ ewura Josaya ndoŋ.

2 Bewura 24:1

Jemanɛ nɛ Jehowakim bee ji Juda be kuwura na nɛ Babilɔn be ewura Nebukadneeza ba kɔ n sɔ Juda nseŋ tintiŋ Jehowakim nɛ e shuŋ mo nfɛ asa. Kumo be kaman nɛ Jehowakim kini fanɛ e maaŋ naŋ nu n sa Nebukadneeza.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Nshɛ 72:4

Shin nɛ ewura na e baa kɔ a sa betirpo, nsaa kɔ a suge betentaŋasepo nseŋ naa kɔ a pɔɔ bekama nɛ baa kɔrfɛ bumo na so.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 3:9

N nu ma basa Israɛlebi be kushu kashenteŋto, ma alɛ nseŋ naŋ wu kananɛ Ijiptebi bee tɔrɔ bumo.

Aŋasa 3:25

Ŋko a fɔŋ etɔrɔ purgiso nɛ a bee kaa ba basa lubi so fanɛ afugboŋ na so.

Aizaaya 26:1

Kachako bee ba nɛ basa e boŋ kashɛ ere ashi Juda be kasawule so: Anyi be kadegboŋ na kɔ eleŋ! Ebɔrɛ gbagba e naa kɔ a kuŋ kumo be egbalana!

Aizaaya 31:5

Kananɛ kabuibi bee firgi a kulti kumo be kesha a kuŋ kumo be bibi na nɛ ma Enyɛnpetale Ebɔrɛ na beeŋ kɔ ŋ kuŋ Jerusalɛm.”

Aizaaya 4:5

Kumo be kaman nɛ Enyɛnpe Ebɔrɛ na e shin nɛ kuwɔlpa e baa buu kebee nɛ baa tre Zayɔn na nɛ bekama nɛ b gama ndoŋ na so kapaso nseŋ shin nɛ edishi nɛ edɛ wuloŋwuloŋ nɛ kefulto e baa buu kumo so kanyɛso. Ebɔrɛ be kemaŋkura beeŋ baa buu kadegboŋ na kikɛ so a kuŋ kumo.

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 52:12

Ama men sa maŋ kuse n lar ndoŋ. Ŋkpal manɛ so, esa kama maa ju a buu menyi so. Enyɛnpe menyi be Ebɔrɛ na e naaŋ baa juŋkpar menyi, nsaa kuŋ menyi kaba kama so ashi men doŋana be enɔ to.

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Aizaaya 60:18

Esa maaŋ naŋ nu nlu kikɛ be asheŋ efuli na so. Menyi be efuli na malɛ maaŋ naŋ mur kikɛ. Meeŋ baa kuŋ menyi ekpa kama so fanɛ egbal na. Saŋɛ na so menyi be basa beeŋ baa kpaŋ ma ŋkpal ŋ ka mɔlga bumo so.

Jɛremaya 31:12

Ma basa beeŋ ba Zayɔn be kebee na so m ba boŋ nshɛ kagbenefuliso, nɛ bumo be ŋgbene e fuli ŋkpal ŋ ka nɛfa bumo so. Meeŋ sa bumo ayu be yiri yiri nɛ yabra nɛ ŋku nɛ mbolpɔ nɛ ana. Israɛl beeŋ baa du fanɛ kudɔbi nɛ k nya nchu nɛnɛ nna, kumo be basa na beeŋ nya kusɔ kama nɛ ketir bumo.

Jɛremaya 46:13

Jemanɛ nɛ Babilɔn be ewura Nebukadneeza nɛ e ba kɔ Ijipt be efuli so kena na nɛ Enyɛnpe Ebɔrɛ na malga ma kutɔ.

Jɛremaya 46:2

Ijipt be asheŋ nɛ e daŋ juŋkpar m malga. Kusɔ nɛ e daŋ kaŋɛ a laŋɛ Ijipt be ewura Niko nɛ Babilɔn be ewura Nebukadneeza daŋ kɔ m pɔɔ so ashi kadegboŋ nɛ baa tre nɛ k mata Lɔrgboŋ nɛ baa tre Yufreetes na be benapo be kaplɛa so. Ewura Jehowakim ka ji Juda be kuwura be kafɛ nasopo to na nɛ loŋ wora. Kusɔ nɛ Enyɛnpe Ebɔrɛ na daŋ kaŋɛ ma nde:

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”

Eemɔs 9:15

Meeŋ naŋ bɛta ma basa m ba kasawule nɛ n ta n sa bumo na so, nɛ bumo doŋana maaŋ naŋ tiŋ m pɔɔ bumo so kikɛ.” Ma Enyɛnpe Ebɔrɛ na e malga na.

Zakareya 12:4

Loŋ be kachɛ na meeŋ shin nɛ kufugboŋ ko e tɔr gbaŋɛ kikɛ so nɛ eboŋ e tɔr amo be bediipoana so. Ma e naaŋ baa keni Juda be basa so. Meeŋ shin nɛ bumo doŋana be egbaŋɛ e tan.

Zakareya 12:8

Loŋ be jemanɛ na, ma Enyɛnpe Ebɔrɛ na e naaŋ baa kuŋ bekama nɛ b wɔ Jerusalɛm to, nseŋ shin nɛ bumo to be bepɔshipo gba e baa kɔ eleŋ fanɛ ewura Deevid. Ewura Deevid be kamanebi beeŋ baa juŋkpar bumo fanɛ Ebɔrɛ be malaika gbagba na.

Zakareya 14:11

Basa na beeŋ chena Jerusalɛm to ashi kayurwushi so nɛ k maaŋ naaŋ mur kikɛ.

Zakareya 9:7

Filistiebi na maaŋ naa we eblaŋ nɛ a kraa kɔ ŋklaŋ amo to ŋko a ji ajibi nɛ baa kishi. Bekama nɛ baaŋ ji efute na beeŋ ki ma basa a du fanɛ Juda be yiri to be kabuna ko be basa. Ekrɔnebi malɛ beeŋ ki ma basa fanɛ kananɛ Jebusiebi ki na.

Ashuŋ Shunso 7:34

N wu kekɔrfɛ nɛ tɔrɔ damta nɛ ma basa wɔ Ijipt be efuli so a nya. N nu bumo be kushu m ba nɛ m ba mɔlga bumo. Nu nfe, meeŋ shuŋi fo Ijipt.’

Kelaraŋŋini 20:9

Nɛ b yili kasawule be mparto be kaba ko n nite m ba choŋ kaba ko ŋ kulti Ebɔrɛ be basa laraso n wɔtɔ bumo be kakpa, kumo e la kadegboŋ shaso na. Ama edɛ daŋ shi esoso nna m ba mur basa nɛ b daŋ kulti Ebɔrɛ be basa n wɔtɔ na.