Zakareya 9:6 - EBƆRƐ BE KAWƆL

⁶ Eyiri bubɔrɔ e naŋ ba sɔ Ashdɔd be kade na n chena, nɛ Enyɛnpe Ebɔrɛ na gbagba e shin nɛ Filistiebi na e ŋaba a maaŋ naa tiŋ m puchi kikɛ.

Zakareya 9:6 ပူးပေါင်းရင်းမြစ်များ

Kaŋinichiŋgeliŋ 6:2

Ebɔrɛ beeŋ tiŋ n sa esa ko kedamaya nɛ kemaŋkura nɛ asɔ nseŋ naŋ sa mo kusɔ kama gba nɛ e bee sha n ti so, ama mo alɛ maaŋ ji amo be ebel. Efɔ ko e naŋ ba ji amo be ebel. Kumo alɛ be loŋ la asheŋ fuloŋ nna a maŋ walɛ.

Aizaaya 23:9

Enyɛnpetale Ebɔrɛ na e daŋ kre kumo fanɛ e beeŋ shin nɛ bumo be mpuchi nɛ baa puchi ŋkpal kusɔ nɛ b tiŋ n wora so na e ba ekar nɛ e ŋaba bumo be bunyaŋwuraana.

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Jɛremaya 47:1

Pɔɛŋ nɛ Ijipt be ewura ya kɔ kade nɛ baa tre Gaaza na kena, Enyɛnpe Ebɔrɛ na daŋ kaŋɛ ma nna fanɛ ŋ kaŋɛ Filistiebi na le.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Eemɔs 1:8

Meeŋ mur Ashdɔd nɛ Ashkɛlɔn be nde to be bewuraana. Meeŋ jija Ekrɔn be kade cheche. Filisti be esa koŋwule gba maaŋ naaŋ ka a wɔtɔ.” Ma Enyɛnpetale na e malga na.

Zefanaiya 2:10

Kusɔ nɛ k beeŋ ba Mowab nɛ Ammɔn be basa so ŋkpal bumo be kamoowu nɛ kebaatege nsaa wora Enyɛnpetale Ebɔrɛ na be basa eyurto so nna na.

Zefanaiya 2:4

Shɛŋ maaŋ naŋ ka a wɔ Filistiebi be ndegboŋana ere to. Shɛŋ maaŋ ka Gaza to. Ekama beeŋ kaa ashi Ashkɛlɔn be kade to. Baaŋ ju Ashdɔd be basa malɛ n lar kapiidi nseŋ ta kena n ya purgi basa nɛ b wɔ Ekrɔn na, nɛ b shile n lar bumo be kade na to.

Zakareya 9:5

Filisti be efuli so be basa nɛ b wɔ kade nɛ baa tre Ashkɛlɔn na beeŋ wu kusɔ nɛ k wora na nɛ kufu e pɛ bumo nɛ ebesa damta e ji basa nɛ b wɔ Gaza be kadegboŋ to na. Aloŋ e naŋ wora Ekrɔn be kadegboŋ to ebi gba. Bumo be tama beeŋ loge, ŋkpal b ka nyi fanɛ bumo alɛ gba beeŋ kɔ n tɔr so. Gaza beeŋ paŋ kumo be ewura nɛ Ashkɛlɔn e ki kade bureso a dese fuloŋ.

Zakareya 9:7

Filistiebi na maaŋ naa we eblaŋ nɛ a kraa kɔ ŋklaŋ amo to ŋko a ji ajibi nɛ baa kishi. Bekama nɛ baaŋ ji efute na beeŋ ki ma basa a du fanɛ Juda be yiri to be kabuna ko be basa. Ekrɔnebi malɛ beeŋ ki ma basa fanɛ kananɛ Jebusiebi ki na.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.