Zakareya 9:4 - EBƆRƐ BE KAWƆL

⁴ Ama Enyɛnpe Ebɔrɛ na beeŋ suge asɔ kama nɛ Tayɛ ebi na kɔ na. E beeŋ shin nɛ bumo be asɔ lela nɛ b kɔ na e mur teku to nɛ edɛ e ji kade na m mur cheche.

Zakareya 9:4 ပူးပေါင်းရင်းမြစ်များ

Aŋasa 10:2

Kapuni be kedamaya maa lar tɔnɔ a sa esa ama kashenteŋji bre bee mɔlga esa be ŋkpa nna.

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aizaaya 23:11

Enyɛnpe Ebɔrɛ na teŋi mbe enɔ to m baŋ teku so n ya shin nɛ kufugboŋ tɔr efuliana na so. Mo alɛ yili kumo nna fanɛ Fenisha be efuli so be ndegboŋ nɛ b pɔr egbal lempoana ŋ kulti na kikɛ beeŋ mur.

Ezikɛl 26:17

Saŋɛ na so nɛ b boŋ keeli be kashɛ ere n laŋɛ menyi kaplɛa so. Kadegboŋ nɛ k nya ketre ga na mur! Kumo be nchu so be ekuloŋgboŋ kikɛ mur teku so. Kumo to be basa e daa ji eteku so kuwura nseŋ daa ta kufu a wɔtɔ basa nɛ b chena teku ase na.

Ezikɛl 28:16

Fo daŋ pere kenishi nna n wɔtɔ yawu be keji to nɛ k shin nɛ fo luri keŋkenshi nɛ alubi be kebaawɔtɔ to. Amoso nɛ n tintiŋ fo nɛ fo lar ma kebee cheembi na so nɛ malaika nɛ e daa kuŋ fo na ju fo ashi ajembu nyɛkpɛso na so na.

Ezikɛl 28:18

Fo alɛ daŋ wora alubi nna ga ashi fo yawu be keji to hale nɛ fo kabɔrɛshuŋakpa ki asheŋ lubi be mboŋ. Amoso nɛ n shin nɛ edɛ chɔɔ fo kadegboŋ na m mur na. Naniere nsunɔ nawule nɛ ekama bee wu kakpa nɛ fo kadegboŋ na daa wɔ na.

Ezikɛl 28:2

Dimɛdi pibi, Ezikɛl, kaŋɛ Tayɛ be ewura kusɔ nɛ ma, Enyɛnpetale Ebɔrɛ na bee kaŋɛ mo. Kamoowu shin nɛ fee fɛ fanɛ fo la kegbir nna nsaa kaŋɛ fanɛ fo ka la kegbir so nɛ fo chena kuwurputi so nɛ eteku kulti fo n wɔtɔ. Feeŋ tiŋ n ta fo kumu fanɛ kegbir e la fo, ama dimɛdi e la fo, mannɛ kegbir.

Ezikɛl 28:8

Bumo alɛ beeŋ mɔ fo nseŋ ta fo n lɛ teku to nɛ k ki fo nchaŋ.

Jowɛl 3:8

Meeŋ shin nɛ b fa menyi alɛ gba be mbinyɛnsobi nɛ mbichesobi n sa Juda be efuli so ebi. Baaŋ fa bumo n sa Sabiaebi nɛ b wɔ kufɔ kufɔ na. Ma, Enyɛnpetale Ebɔrɛ na e kaŋɛ na.”

Eemɔs 1:10

Amoso meeŋ shin nɛ edɛ e ba chɔɔ Tayɛ be kumɔlga be mboŋ nɛ a wɔ kumo be egbal nɛ b pɔr ŋ kulti kumo na so kikɛ cheche.”

Zakareya 9:5

Filisti be efuli so be basa nɛ b wɔ kade nɛ baa tre Ashkɛlɔn na beeŋ wu kusɔ nɛ k wora na nɛ kufu e pɛ bumo nɛ ebesa damta e ji basa nɛ b wɔ Gaza be kadegboŋ to na. Aloŋ e naŋ wora Ekrɔn be kadegboŋ to ebi gba. Bumo be tama beeŋ loge, ŋkpal b ka nyi fanɛ bumo alɛ gba beeŋ kɔ n tɔr so. Gaza beeŋ paŋ kumo be ewura nɛ Ashkɛlɔn e ki kade bureso a dese fuloŋ.