Zakareya 9:2 - EBƆRƐ BE KAWƆL

² Kumo be kaman mbe demuji beeŋ ba Hamaf be kade nɛ k mata Hadrak na gba so. Nde nɛ baa tre Tayɛ nɛ Sidɔn nɛ amo to be basa nyi kasheŋ wora ga na gba maaŋ lar demuji na to.

Zakareya 9:2 ပူးပေါင်းရင်းမြစ်များ

1 Bewura 17:9

“Yɔ kade nɛ baa tre Zarefaat nɛ k mata Sidɔn be kade na n ya ka wɔ ndoŋ ŋkpal manɛ so ŋ kaŋɛ ekulpoche ko nɛ e wɔ ndoŋ fanɛ e baa sa fo ajibi.”

2 Bewura 23:33

Ijipt be efuli so be ewura Neeko daŋ pɛ Jehowahaz nna n ya ti ebu ashi Ribla nɛ k mata Hamaf na nseŋ tintiŋ Judaebi nɛ b ka gbiti kilo ŋgboŋ asa nɛ alfa ana nɛ shuwa kilo adesa nɛ ana n sa mo.

2 Bewura 25:21

nɛ k mata Hamaf na, nɛ ewura Nebukadneeza shin nɛ b bri bumo nseŋ mɔ bumo ndoŋ. Juda be basa daŋ maŋ naa wɔ bumo gbagba be efuli so ŋkpal b ka pɛ bumo n yɔ kenyaya to ashi efuli wɔfɔ so.

Jɛremaya 47:4

Filistiebi be kemur be saŋɛ fo, saŋɛ fo nɛ bumo be ndegboŋ nɛ baa tre Tayɛ nɛ Sidɔn na e mur nɛ b maaŋ naŋ nya kechɛto. Ma, Enyɛnpe Ebɔrɛ na e naaŋ mur Filistiebi nɛ b shi keplasawule nɛ baa tre Kriit na m ba na.

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Ezikɛl 27:1

Nɛ Enyɛnpe Ebɔrɛ na kaŋɛ ma le:

Ezikɛl 28:1

Nɛ Enyɛnpe Ebɔrɛ na kaŋɛ ma le:

Ezikɛl 28:12

“Dimɛdi pibi, boŋ awɔba n sa Tayɛ be ewura, nseŋ kaŋɛ mo kusɔ nɛ ma, Enyɛnpetale Ebɔrɛ na bee kaŋɛ na fanɛ, jemanɛ ko fo kusɔ kama daa bɛ abar so dede nna nsaa la tɔɔnɛ. Fo alɛ daa nyi asheŋ ga nseŋ daa walɛ keyɛrbi nna.

Ezikɛl 47:16

Kumo alɛ beeŋ naŋ keta loŋ n ya fo ndegboŋ nɛ baa tre Bɛrota nɛ Sibreem nɛ a dese nwursawule anyɔ nɛ baa tre Damaskɔs nɛ Hamaf be nferinto na, hale n ya fo kadegboŋ nɛ baa tre Tikɔn nɛ k dese kebonfu nɛ baa tre Hawuran na be gbaŋ ase na.

Eemɔs 1:3

Enyɛnpe Ebɔrɛ na yɛ: “Damaskɔs be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka kɔrfɛ Giliad be basa fanɛ kananɛ gbaŋɛ bee gberge ŋgbuliŋ nyɛrɛnyɛrɛ a bri ayu na so.

Eemɔs 6:14

Le nɛ Enyɛnpetale na gbagba bee kaŋɛ: “Meeŋ shin nɛ efuli pɔtɛ ko so ebi e ba kɔ menyi Israɛlebi nseŋ sɔ menyi be efuli kikɛ n chena so. Baaŋ yili Hamaf nɛ k wɔ kebeemase ashi kelargato be esoso be kaba so ŋ kɔ sɔ n ya fo kepa nɛ baa tre Araba na be kelargato be kaseto be kaba so kikɛ.”

Obadaya 1:20

Israɛl be benapo nɛ b pɛ n yɔ Keenan na beeŋ bɛta m ba kɔ n sɔ nsawule loŋ hale n ya fo Zarefat. Jerusalɛm be benapo nɛ b wɔ Sefarad naniere malɛ beeŋ ba kɔ n sɔ keshishɛrsawule be ndeana.

Nɔmbɛs 13:21

Ndoŋ nna nɛ basa na ya yili Zin be keshishɛrsawule nɛ k wɔ kelargato be kaseto be kaba so na n dara kasawule na n ya fo kade nɛ baa tre Rehɔb nɛ k wɔ Lɛbo Hamaf be kepla so na.