Zakareya 9:12 - EBƆRƐ BE KAWƆL

¹² Men bɛta m ba menyi be kumɔlga be kakpa lempo na nseŋ nya tama. Ŋkpal manɛ so, kabre meeŋ laŋɛ asɔ nɛ men daa kɔ na be ntuŋ anyɔso n sa menyi.

Zakareya 9:12 ပူးပေါင်းရင်းမြစ်များ

Job be kawɔl 42:10

Job ka kule Ebɔrɛ n sa mo nekpaana na be kaman, nɛ Enyɛnpe Ebɔrɛ na naŋ shin nɛ e naŋ nya asɔ nɛ e daa kɔ nseŋ paŋ amo na be kekama be ntuŋ anyɔso nseŋ naŋ dii kedama ga n ti so.

Aizaaya 24:22

Ebɔrɛ beeŋ gbargbar bewuraana n wɔtɔ kemaŋ gboŋ koŋwule to fanɛ basa nɛ b wɔ kabuti to na. E beeŋ ti bumo so loŋ hale nɛ bumo be kasogberge be saŋɛ e ya fo ekar.

Aizaaya 38:18

Esa kama nɛ e wɔ bubuni to maaŋ naŋ tiŋ ŋ kpaŋ fo; bubuni maaŋ naŋ tiŋ n yirda fo kashenteŋji.

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 49:9

Kumo be kaman nɛ ŋ kaŋɛ basa nɛ b wɔ kabuti to le: “Men lar kabuti to!” Ma alɛ beeŋ kaŋɛ bumo nɛ b wɔ tentembiri to le: “Men lar tentembiri na to m ba kefulto to!” Baaŋ baa du fanɛ mbolpɔ nɛ a bee ji abeemase nna.

Aizaaya 52:2

Jerusalɛm to ebi, men lar menyi be asheŋ lubi to! Men lar men be asheŋ lubi nɛ a du fanɛ efɔl ŋkre menyi be ebɔ to na to.

Aizaaya 61:7

Bumo be anishinyɔr nɛ ŋaba beeŋ fo ekar. Baaŋ chena bumo gbagba be kasawule so nɛ bumo be kanya nɛ kedama e daŋɛ so ntuŋ anyɔ so. Bumo be kagbenewushi beeŋ baa wɔtɔ mbaanaayɔ.

Jɛremaya 14:8

Fo e la Israɛl be basa tama kikɛ. Fo e naŋ tiŋ m mɔlga anyi ashi etɔrɔgboŋ to. Manɛ nna nɛ fee wora fanɛ efɔ ashi anyi be kasawule so, ŋko fanɛ esa nɛ e wɔ enite to nseŋ ba ji kanyɛ koŋwule?

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Jɛremaya 31:17

Tama kraa wɔtɔ n sa fo echefoso. Fo mbia beeŋ bɛta m ba epe.’ Ma, Enyɛnpe Ebɔrɛ na e kaŋɛ.

Jɛremaya 31:6

Kashenteŋto, jemanɛ ko bee ba nɛ basa nɛ b yil Efrayim be apreŋ so a keni ma ekpa na e boŋ to ŋ kaŋɛ le: ‘Men shin nɛ an dii n yɔ Enyɛnpe anyi be Ebɔrɛ na kutɔ ashi Zayɔn be kebee na so n ya bunyaŋ mo.’ ”

Jɛremaya 50:28

Basa nɛ b nya n shile Babilɔn be kena na to na ba Jerusalɛm to m baa kaa kaŋɛ kusɔ nɛ Enyɛnpe Ebɔrɛ na wora ŋ ka Babilɔnebi kukɔ ŋkpal kusɔ nɛ b daŋ wora mbe bɔrɛlambu ashi Jerusalɛm so.

Jɛremaya 51:10

Ndoŋ nna nɛ Israɛl be basa na malɛ kaŋɛ le: “Enyɛnpe Ebɔrɛ na sɔ anyi be kɔnɔ so ŋ ka Babilɔnebi na kukɔ a ŋini fanɛ an ji n lar ashi kusɔ nɛ Babilɔn wora anyi na to. Amoso men shin nɛ an ya kaŋɛ basa nɛ b wɔ Jerusalɛm to na kusɔ nɛ Enyɛnpe, anyi be Ebɔrɛ na wora.”

Ezikɛl 37:11

Ade kikɛ be kaman, nɛ Enyɛnpe Ebɔrɛ na naŋ kaŋɛ ma: “Dimɛdi pibi, Israɛl be basa du fanɛ awibi kɔŋkɔŋ ere nna. Baa fubel nna a kaŋɛ fanɛ b wɔlso nna nsaa maa kɔ echefoso be tama kikɛ kebaawɔtɔ to.

Hoziya 2:15

Meeŋ naŋ bɛta menyi be asɔrso nɛ baa tre greep na be adɔbi na n sa menyi nseŋ shin nɛ ketaŋɛ nɛ baa tre ‘Akɔɔ’ nɛ kumo be kifito la tɔrɔ na e ki Tama be kaboŋ. Ndoŋ nɛ menyee nu n sa ma fanɛ kananɛ men daŋ nu n sa ma saŋɛ nɛ men la mbifɔlbi nɛ n lara menyi ashi Ijipt be kasawule so na.

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Maika 4:8

Kumo be kaman nɛ Jerusalɛm nɛ k la kakpa nɛ Ebɔrɛ wɔ nsaa keni mbe basa so fanɛ mbolpɔkpapo na e naŋ ki efuli na so be kadegboŋ.

Nahum 1:7

Enyɛnpe Ebɔrɛ na walɛ; mo e naa kuŋ mbe basa tɔrɔ to, nsaa keni bekama nɛ b yirda mo so.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Hibruwebi 6:19

Le be tama ere e shin nɛ anyi be yirda nɛ k wɔ anyi be ŋgbene to na bee wora eleŋ nɛnɛ a yili fanɛ kananɛ baa chɛ ekuloŋ a muni na a jo saŋɛ nɛ anyeeŋ nya n luri acheembiana to be kakpa cheembi to na.