Zakareya 9:1 - EBƆRƐ BE KAWƆL

¹ Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.

Zakareya 9:1 ပူးပေါင်းရင်းမြစ်များ

Jɛnesis 14:15

Ndoŋ nɛ e ya barga mbe benapo to ntuŋ ntuŋ so nɛ b kɔ bumo doŋana na kena kanyɛso m pɔɔ bumo so cheche nseŋ ju m bɛ bumo so loŋ n ya fo Hobab nɛ k daa wɔ Damaskɔs be kelargato be esoso be kaba so na.

2 Kronikɛls 20:12

Fo e la anyi be Ebɔrɛ! Gberge bumo kusoe ŋkpal manɛ so anyi ere maŋ kɔ eleŋ nɛ an kɔ benapo damta nɛ baa ba nɛ b ba kɔ anyi kena ere. Anyi maŋ nyi kananɛ anyeeŋ wora ama anyee kule fo nna nɛ fo chɛ anyi to.”

Nshɛ 145:15

Asɔ futeso kikɛ bee keni fo anishito nna nɛ fo sa amo ajibi jemanɛ nɛ k daga.

Nshɛ 25:15

Ma anishi yuu Enyɛnpe na so nna; ŋkpal manɛ so, mo e naa mɔlga ma ashi ajigbelɛ to.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Eemɔs 1:9

Enyɛnpe Ebɔrɛ yɛ: “Tayɛ be basa wora alubi n ya baŋ so, amoso a ba naa wora shɛŋ, meeŋ gberge bumo kusoe. M maaŋ yige bumo kikɛ. B kplaŋ bumo be keteri be kɔnɔkoŋwule nɛ b nase n sa abar na be ŋkre so, nseŋ pɛ efuli lelemu be basa n yɔ Edɔm be kasawule so n ya fa.

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Nahum 1:1

Kubɔya ere la bɔrɛdare nɛ Enyɛnpe Ebɔrɛ na shin nɛ Nahum, nɛ e shi kade nɛ baa tre Ɛlkɔsh na, ku a laŋɛ kadegboŋ nɛ baa tre Ninɛve na be kaplɛa so nna.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Zakareya 5:4

Enyɛnpetale Ebɔrɛ na yɛ e beeŋ shin nɛ kɔnɔsho ere e luri eyu nɛ ekama nɛ e bee bɔ ntaŋ a ku efɛ kikɛ be elaŋana to nseŋ shir elaŋ na so hale nɛ a ya mur cheche.”

Malakai 1:1

Kubɔya nɛ Enyɛnpe Ebɔrɛ ta n sa kanyɛn ko nɛ baa tre Malakai fanɛ e sa Israɛl be basa nde.