Zakareya 8:9 - EBƆRƐ BE KAWƆL

⁹ Kusɔ nɛ Enyɛnpetale Ebɔrɛ na naŋ kaŋɛ nde: “Mmalga nɛ ma anebiana na daŋ malga jemanɛ nɛ b daa tɔl ma bɔrɛlambu na be gbaltɔlase na nɛ menyee nu na, amoso men baa kɔ kenyɛn nsaa maa pɔ aba.

Zakareya 8:9 ပူးပေါင်းရင်းမြစ်များ

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

2 Kronikɛls 15:7

Ama menyi ere e baa kɔ eleŋ nsaa maa pɔ aba ŋkpal manɛ so menyi be kushuŋ nɛ menyee wora na beeŋ bar tɔnɔ.”

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Aizaaya 35:3

Kubɔya nɛ k wɔtɔ n sa bekama nɛ b maŋ kɔ eleŋ nsaa chicha na nde; bumo e la basa nɛ baa fɔŋ na: “Men nya kenyɛn nsaa maa ŋana kufu. Menyi be Ebɔrɛ bee ba nɛ e ba gberge men doŋana kusoe. Ebɔrɛ beeŋ sɔ menyi be kɔnɔ ŋ kɔ n m mɔlga menyi.”

Heegai 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl shesopo be kachɛ juŋkparso to, nɛ Enyɛnpe Ebɔrɛ bɔla anebi Heegai so m malga. Kubɔya na daa yɔ Juda be efuli so be gomena, Zerubabel nɛ e la Shealtiɛl pibinyɛn na nɛ bɔrɛmatapo nimuso Joshuwa, nɛ e la Jehozadak pibinyɛn na kutɔ nna.

Heegai 1:12

Ndoŋ nna nɛ Zerubabel nɛ Joshuwa nɛ basa nɛ b shi kenyaya to ashi Babilɔn be efuli so m bɛta m ba na kikɛ wora kubɔya nɛ Enyɛnpe bumo be Ebɔrɛ na ta m bɔla anebi Heegai so n sa bumo na kasonu ŋkpal b ka bee ŋana Enyɛnpe Ebɔrɛ na so.

Heegai 2:18

Kabre e la kufɔl kpanusopo na be nchɛ adunyɔ nɛ ana, kachɛ nɛ men tɔl bɔrɛlambu na be gbaltɔlase n loge. Yili kabre a yɔ, men baa dara kusɔ nɛ k beeŋ baa wora menyi to.

Heegai 2:21

e kaŋɛ Zerubabel nɛ e la Juda be efuli so be gomena na le: “Mee sha kegbuŋgbuŋ ebɔrɛso nɛ kasawule so kikɛ nna.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

Zakareya 8:18

Kumo be kaman nɛ Enyɛnpetale Ebɔrɛ na naŋ kaŋɛ ma fanɛ ŋ kaŋɛ le.

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.