Zakareya 8:8 - EBƆRƐ BE KAWƆL

⁸ nseŋ bɛta bumo m ba chena Jerusalɛm to. Baaŋ ba kaa la ma basa nɛ ma alɛ e baa la bumo be Ebɔrɛ nsaa ji kuwura bumo so kashenteŋ nɛ kumo be ekpa so.”

Zakareya 8:8 ပူးပေါင်းရင်းမြစ်များ

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Jɛremaya 23:8

Ama baaŋ baa ta Enyɛnpe Ebɔrɛ nɛ e bee sa ŋkpa nseŋ lara Israɛl be basa ashi kasawule nɛ k wɔ kelargato be esoso be kaba so nɛ efuli pɔtɛana nɛ b pesaŋ to n yɔ na so na be ketre nna a bɔ ntaŋ. Kumo be kaman nɛ b chena bumo gbagba be kasawule so.”

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 31:1

Enyɛnpe Ebɔrɛ na yɛ: “Jemanɛ ko bee ba nɛ m baa la Israɛl be eyiriana na kikɛ be Ebɔrɛ, nɛ bumo alɛ e baa la ma basa.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Ezikɛl 11:20

Ndoŋ nɛ baaŋ bɛ ma mbraana so nsaa wora asɔ nɛ mee ŋini bumo na. Baaŋ baa la ma basa nɛ ma alɛ e baa la bumo be Ebɔrɛ.

Ezikɛl 36:28

Saŋɛ na so nɛ men chena kasawule nɛ n ta n sa men nananyɛnana na so nsaa la ma basa nɛ ma alɛ e baa la menyi be Ebɔrɛ.

Ezikɛl 36:33

Nɛ Enyɛnpetale Ebɔrɛ na naŋ kaŋɛ le: “Kachɛ nɛ meeŋ kpra menyi be alubi ashi menyi so na nɛ meeŋ naŋ shin nɛ men chena menyi be ndegboŋana to nseŋ lɔŋɛ alambure na m pɔr.

Ezikɛl 37:25

Kasawule nɛ n ta n sa ma kayɛrbi Jeekɔb na so nɛ baaŋ chena, kakpa nɛ bumo nanaana daŋ chena na. Bumo nɛ bumo be mbia nɛ kaman to ebi kikɛ beeŋ chena kumo so hale mbaanaayɔ, nɛ ewura nɛ e du fanɛ ma kayɛrbi Deevid na e baa ji bumo so kuwura.

Ezikɛl 37:27

Ma nɛ bumo e naa baa wɔ ndoŋ, nɛ m baa la bumo be Ebɔrɛ nɛ bumo alɛ e baa la ma basa.

Hoziya 11:11

Baaŋ shi Ijipt be efuli so m mel abar so m ba fanɛ mbuibi na. Nseŋ shi Asiriya be efuli so m ba fanɛ elɔpo na. Loŋ be saŋɛ na nɛ meeŋ bɛta bumo m ba chena bumo peana. Ma Enyɛnpe Ebɔrɛ na e kaŋɛ na.”

Jowɛl 3:20

Meeŋ bishi bumo be bekama nɛ b mɔ na kikɛ be kuwule. M maaŋ kplaŋ bekama malɛ nɛ b wora alubi na so. Ama basa beeŋ baa wɔ Juda nɛ Jerusalɛm bre to saŋkikɛ mbaanaayɔ, nɛ ma, Enyɛnpe Ebɔrɛ na e baa wɔ Zayɔn be kebeegboŋ na so.”

Levitikɔs 26:12

Meeŋ baa wɔ menyi to nsaa la men be Ebɔrɛ, nɛ menyi alɛ e baa la ma basa.

Zakareya 10:10

Meeŋ ya keta bumo n shi Ijipt nɛ Asiriya be efuliana so m ba epe, nɛ b ba chena bumo gbagba be kasawule so. Meeŋ shin nɛ b chena Giliad nɛ Lebanɔn be nsawule gba so, n sɔ amo kikɛ so.

Zakareya 10:6

Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.