Zakareya 8:6 - EBƆRƐ BE KAWƆL

⁶ Kumo be kaman nɛ Enyɛnpe Ebɔrɛ na naŋ kaŋɛ: Basa nɛ baaŋ ka efuli na so beeŋ baa fɛ fanɛ loŋ maaŋ tiŋ n wora, ama kumo be kewora maŋ du ma so kpakpa.

Zakareya 8:6 ပူးပေါင်းရင်းမြစ်များ

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

Nshɛ 118:23

Enyɛnpe Ebɔrɛ na e wora loŋ; anyi alɛ wu kumo fanɛ k la mamachi be kesheŋ nna.

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Jɛremaya 32:27

“Ma, e la Enyɛnpe Ebɔrɛ nɛ e bee ji durnya kikɛ so kuwura na. Shɛŋ shɛŋ maŋ du ma so kpakpa.

Matiu 19:26

Ndoŋ nna nɛ Yesu keni bumo nseŋ kaŋɛ le: “Nyiŋgbasa bre kutɔ loŋ maaŋ tiŋ n wora, ama shɛŋ shɛŋ maŋ du Ebɔrɛ so kpakpa.”

Luuk 1:20

Ama fo maŋ yirda kubɔya na, kumo alɛ be saŋɛ kaŋ fo, loŋ e naaŋ wora. Ŋkpal fo ka maŋ yirda ma kubɔya ere so, fo maaŋ naŋ tiŋ m malga. Feeŋ ki neemu yili kabre n ya fo kachɛ nɛ ma kamalga ere beeŋ bɔla ekpa.”

Luuk 1:37

Ŋkpal manɛ so, kusɔ kama maŋ wɔtɔ nɛ Ebɔrɛ maaŋ tiŋ n wora.”

Luuk 18:27

Nɛ Yesu kaŋɛ bumo le: “Kusɔ nɛ nyiŋgbasa maaŋ tiŋ n wora, Ebɔrɛ bre beeŋ tiŋ n wora kumo.”