Zakareya 8:2 - EBƆRƐ BE KAWƆL

² E yɛ: “Ŋ ka bee sha Jerusalɛm nɛ kumo to be basa alegaiso so, bumo doŋana be asheŋ bee nu ma agbo nna.

Zakareya 8:2 ပူးပေါင်းရင်းမြစ်များ

1 Kronikɛls 12:19

Manase be yiri to be benapo ko daŋ ya ti Deevid be benapo so nna saŋɛ nɛ e daŋ lar n ya tu Filistiebi na nɛ e kɔ ewura Sɔɔl kena na. E daa maŋ naŋ chɛ Filistiebi na to ŋkpal manɛ so b daa fɛ nna fanɛ e beeŋ debɔr bumo ŋ ŋini mo nyɛnpe dra Sɔɔl. Amoso b daŋ shin nna nɛ Deevid bɛta n yɔ Ziklag.

Aizaaya 59:17

E beeŋ ta keji asheŋ nɛ amo be ekpa so m buu fanɛ enapo be kebɛlso be kekpaŋkale nɛ kumɔlga malɛ gba m buu fanɛ enapo be kebɛlso be kekpaŋwuro. Mo alɛ beeŋ naŋ ta kewora asheŋ ekpa nɛ k daga so kenishipereso fanɛ kusɔbuuso m buu nseŋ sɔ basa nɛ baa ji awurfoŋ be kɔnɔ so ŋ ka kulubi kukɔ.

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Jowɛl 2:18

Enyɛnpe Ebɔrɛ be kasawule be asheŋ tir mo ga nna, nɛ e wu mbe basa kuwɔr nseŋ nu bumo be kabɔrɛkule

Nahum 1:2

Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Zakareya 8:1

Ade kikɛ be kaman nɛ Enyɛnpetale Ebɔrɛ na naŋ ta kubɔya ere n sa ma, Zakareya.