Zakareya 8:12 - EBƆRƐ BE KAWƆL

¹² Meeŋ shin nɛ men dɔ n duu menyi be asɔduuso kayurwushiso. Menyi be afeelebi nɛ e bee sɔr asɔrso nɛ baa tre greeps na beeŋ sɔr nɛnɛ, nɛ bɔrɛ e ba ga nɛ men be kasawule e wora adɔjibi nɛnɛ. Ma efuli so be basa nɛ baaŋ ji efute na nɛ meeŋ nɛfa le be ekpa so.

Zakareya 8:12 ပူးပေါင်းရင်းမြစ်များ

Jɛnesis 26:12

Aizek ka dɔ n duu asɔ kasawule na so nɛ e nya adɔjibi ga loŋ be kafɛ na ŋkpal Enyɛnpe Ebɔrɛ na ka nɛfa mo so so.

Jɛnesis 27:28

Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

Nshɛ 72:3

Shin nɛ kayurwushi nɛ keji asheŋ nɛ amo be ekpa so e baa wɔ basa nɛ b tase abeegboŋ nɛ abeebi kikɛ so.

Nshɛ 85:12

Enyɛnpe Ebɔrɛ na beeŋ nɛfa anyi nɛ anyi be kasawule e wora adɔjibi nɛnɛ.

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aizaaya 30:23

Ade be kaman, jemanɛ kikɛ nɛ men duu asɔ, Enyɛnpe Ebɔrɛ na beeŋ shin nɛ bɔrɛchu e ba nɛ a kɔr n daŋ nseŋ wora nɛnɛ nɛ men teŋi. Men be asɔbɔya malɛ gba beeŋ nya ejikpa damta a ji.

Aizaaya 61:7

Bumo be anishinyɔr nɛ ŋaba beeŋ fo ekar. Baaŋ chena bumo gbagba be kasawule so nɛ bumo be kanya nɛ kedama e daŋɛ so ntuŋ anyɔ so. Bumo be kagbenewushi beeŋ baa wɔtɔ mbaanaayɔ.

Jɛremaya 31:12

Ma basa beeŋ ba Zayɔn be kebee na so m ba boŋ nshɛ kagbenefuliso, nɛ bumo be ŋgbene e fuli ŋkpal ŋ ka nɛfa bumo so. Meeŋ sa bumo ayu be yiri yiri nɛ yabra nɛ ŋku nɛ mbolpɔ nɛ ana. Israɛl beeŋ baa du fanɛ kudɔbi nɛ k nya nchu nɛnɛ nna, kumo be basa na beeŋ nya kusɔ kama nɛ ketir bumo.

Ezikɛl 34:28

Loŋ be jemanɛ so, efuli pɔtɛana maaŋ naŋ tiŋ m ba kɔ n suge bumo be asɔbɔya, nɛ kupuŋ to be asɔ lubi gba maaŋ naŋ pɛ bumo n ji. Baaŋ chena kayurwushi so nna nɛ esa kama maa naa funti bumo.

Ezikɛl 36:12

Ade kikɛ be kaman nɛ n shin nɛ ma basa Israɛlebi na e naŋ bɛta m ba chena bumo be nsawule so. Nsawule na beeŋ baa la bumo gbagba peya nɛ akoŋ malɛ maaŋ naŋ mɔ bumo be mbia.

Ezikɛl 36:30

Ma alɛ beeŋ naŋ shin nɛ menyi be ndibi sɔrso nɛ adɔjibi e foo, saŋɛ na so menyi maaŋ naŋ ji anishinyɔr ashi efuliana na so ŋkpal akoŋ so.

Ezikɛl 36:9

N nyi menyi Israɛlebi be asheŋ nɛ men be asheŋ tir n sa ma. Ma alɛ beeŋ shin nɛ men naaŋ dɔ menyi be adɔsawule so n duu adɔjibi.

Hoziya 13:3

Amoso bumo kikɛ beeŋ foe fanɛ kachipurso be kenyɔlɔ na ŋko kananɛ bunyaŋ bee tɔr nsaa kpata to kachipurdidi na. Baaŋ baa du fanɛ b ka bee chela asɔ kugooro so nɛ afu ta amo be amimi a yɔ ŋko kananɛ edishi bee bɔla tokuro to a lar kowu na nna.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Jowɛl 2:19

ŋ kaŋɛ bumo le: “Naniere bre meeŋ sa menyi adɔjibi nɛ asɔ nuuso nɛ ɔlif be asɔrso be ŋku nɛ men ji m moɛ. Loŋ na efuli pɔtɛana so ebi maaŋ naŋ fɛl menyi nseŋ wora menyi eyurto.

Jowɛl 2:22

Kupuŋ to be asɔbɔya, e sa maŋ naa lɔ kufu naniere ŋkpal kusɔ nɛ menyeeŋ ji so. Afitiri nɛ afantaŋ kikɛ purge nna jiliim n sɔ kaplɛkama. Naniere ndibi bee sɔr asɔrso nna nɛ figi nɛ greep be asɔrso kikɛ chase.

Levitikɔs 26:3

Nɛ menyee bɛ ma mbraana so nsaa wora kusɔ nɛ ŋ kaŋɛ kasonu,

Zefanaiya 3:13

Israɛl be basa nɛ b ka na bre maaŋ wora kulubi, bumo alɛ maaŋ ku efɛ ŋko a na a fule basa. Asheŋ beeŋ baa nite nɛnɛ a sa bumo nɛ shɛŋ maaŋ naa fɔŋ bumo. Esa kikɛ maaŋ naŋ tiŋ n ta kufu n da bumo.

Heegai 1:10

Amoso nɛ bɔrɛ maa ba nɛ shɛŋ maŋ tiŋ ŋ kɔr na.

Heegai 2:18

Kabre e la kufɔl kpanusopo na be nchɛ adunyɔ nɛ ana, kachɛ nɛ men tɔl bɔrɛlambu na be gbaltɔlase n loge. Yili kabre a yɔ, men baa dara kusɔ nɛ k beeŋ baa wora menyi to.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Zakareya 8:6

Kumo be kaman nɛ Enyɛnpe Ebɔrɛ na naŋ kaŋɛ: Basa nɛ baaŋ ka efuli na so beeŋ baa fɛ fanɛ loŋ maaŋ tiŋ n wora, ama kumo be kewora maŋ du ma so kpakpa.

Malakai 3:11

M maaŋ shin nɛ asɔfirgisobi e jija menyi be adɔjibi saŋɛ na so menyi be afeelebi nɛ a bee sɔr asɔrso nɛ baa tre greep na beeŋ sɔr nɛnɛ.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

1 Kɔrintebi 3:21

Amoso, ekama e sa maa puchi edimɛdi so, ŋkpal manɛ so, kusɔ kikɛ nyam la menyeya nna.

Ditɛronɔmi 32:2

Ma keŋini beeŋ ba fanɛ bɔrɛchu nɛ kasawule e pɔ fanɛ bunyaŋ ka tɔr. Ma mmalga beeŋ tɔr to fanɛ bɔrɛ ka bee ba asɔduuso popɔrbi so ŋko fanɛ bɔrɛ ka bee furi afitiri wurbi so.

Ditɛronɔmi 33:13

Le nɛ Mosis kaŋɛ a laŋɛ Efreim nɛ Manase be eyiriana na be kaplɛa so: “Enyɛnpe Ebɔrɛ na e nɛfa bumo be nsawule n sa bumo bɔrɛchu lela, n shin nɛ kasawule na e baa kɔ kayul.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.

Jeems 3:18

Bumo nɛ b kɔ kagbenewushi e naa bar kagbenewushi basa to nɛ kumo alɛ be lalaloge la alelasheŋ be kewora.