Zakareya 7:6 - EBƆRƐ BE KAWƆL

⁶ B ka daa ji a nuu na bre ma so nɛ b daa wora loŋ a?”

Zakareya 7:6 ပူးပေါင်းရင်းမြစ်များ

1 Kronikɛls 29:22

Kumo be kamɔnchɛ ekama be kagbene daŋ fuli mo ga nɛ b ji nseŋ nuu ashi Enyɛnpe Ebɔrɛ be anishito. Ndoŋ nɛ b lara Sɔlɔmɔn kelɛ nyɔsopo fanɛ ewura nseŋ yili Enyɛnpe Ebɔrɛ be ketre to n ta ŋku n do mo so n lara mo ŋ ki bumo be ewura nseŋ ta ŋku n do Zadɔk malɛ so n lara mo ŋ ki bumo be bɔrɛmatapo.

Aizaaya 43:23

Menyi maŋ ta mbolpɔ n lara esarga chɔɔso n sa ma, ŋko n ta menyi be esarga m bunyaŋ ma. Ma alɛ maŋ yili menyi so a fin ayu be esarga ŋko efɛa belbelso be eduwu be esarga n shin nɛ ebɔl e lar menyi.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Hoziya 9:4

Men maaŋ naŋ nya nsa belbelso n lara sarga n sa Enyɛnpe Ebɔrɛ na. Men be esarga kikɛ maaŋ bɔlɔ mo kenishi. Ŋkpal manɛ so a beeŋ baa du nna fanɛ keelibuna be ajibi na. Akoŋ so nɛ menyeeŋ kpal n ji amo, ama men maaŋ ta ajibi na be kekama n ya lara sarga ashi Enyɛnpe Ebɔrɛ be lambu to.

Zakareya 7:5

E yɛ: “Kaŋɛ efuli na so ebi nɛ bɔrɛmatapoana na fanɛ mannɛ ma ere be kemaŋkura so nɛ b daa kishi nsaa shu nli kufɔl nusopo nɛ keshunusopo na to nfɛ adushunu nɛ a choŋ na.

Zakareya 7:7

Kubɔya koŋwule ere nɛ Enyɛnpe Ebɔrɛ na daŋ bɔla anebi juŋkparsoana na so m bɔ n sa basa nɛ b daa wɔ Jerusalɛm nɛ nde nɛ a kulti kumo na to saŋɛ nɛ b daŋ dii dama nsaa wɔ kayurwushi to na. Loŋ be jemanɛ na, basa damta daŋ chena kelargato be kaseto be keshishɛrsawule na nɛ abeesawule nɛ a wɔ epeŋitɔrkpa be kaba so na so nna.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 14:26

Menyi nɛ menyi be laŋ to ebi kaŋ fo ndoŋ nɛ men ta amansherbi na n tɔ ajibi nɛ menyee sha nɛ ana nɛ mbolpɔ nɛ mboe nɛ yabra belbelso nɛ nsa n wora kejigboŋ n ji menyi be amu ashi Enyɛnpe menyi be Ebɔrɛ na be anishito.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”