Zakareya 6:8 - EBƆRƐ BE KAWƆL

⁸ Kumo be kaman nɛ malaika na boŋ to ŋ kaŋɛ ma “Egbaŋɛ nɛ a yɔ Babilɔn be efuli so nɛ k wɔ kelargato be esoso be kaba so na e shin nɛ Enyɛnpe Ebɔrɛ na be agbo wushi.”

Zakareya 6:8 ပူးပေါင်းရင်းမြစ်များ

Kaŋinichiŋgeliŋ 10:4

Hale ewurjipo nya agbo n wɔtɔ fo gba, sa maŋ kaŋ kini kushuŋ nɛ fee shuŋ a sa mo na. Fo kewushi kagbene m bar fo kumu kaseto beeŋ tiŋ n shin nɛ e ta fo kewora n jija na m paŋ fo.

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Aizaaya 48:14

Men kikɛ e gama abar so nseŋ nu nfe! Agbirana na be kekama maaŋ tiŋ n wu ŋ kaŋɛ fanɛ esa nɛ n lara na e naaŋ kɔ Babilɔn be efuli kena, ŋko n wu ŋ kaŋɛ fanɛ e beeŋ wora kusɔ nɛ ŋ kaŋɛ fanɛ e wora na.

Ezikɛl 16:42

Aloŋ nɛ ma agbo beeŋ wushi nɛ ma kagbene e dese ma nɛ m maaŋ naŋ nya agbo ŋko ŋ kɔ kukɔrkɔ.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Ezikɛl 5:13

Menyeeŋ ji awurfoŋ ga pɔɛŋ nɛ ma agbo e wushi. Ndoŋ nɛ menyeeŋ pin fanɛ kenishipereso nɛ ma, Enyɛnpe Ebɔrɛ na, daa malga menyi be asheŋ lubi be asheŋ na.

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.

Demujipoana 15:7

Ndoŋ nna nɛ Samsɔn kaŋɛ bumo: “Kusɔ nɛ men wora ere so, m maa ba nɛ n yige menyi kikɛ, ama m baŋ ka menyi kumo be kukɔ nna.”

Demujipoana 8:3

Ŋkpal manɛ so, Ebɔrɛ be eleŋ so nɛ men tiŋ m mɔ Orɛb nɛ Ziib, nɛ b la Midianebi na be bewura anyɔ na. Manɛ nɛ ma alɛ wora nɛ k fo kumo so?” E ka malga le nɛ bumo be ŋgbene wushi bumo.