Zakareya 6:5 - EBƆRƐ BE KAWƆL

⁵ Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Zakareya 6:5 ပူးပေါင်းရင်းမြစ်များ

1 Bewura 19:11

Nɛ Enyɛnpe Ebɔrɛ kaŋɛ mo le: “Lar n ya yili kebee na be esoso a jo ma, meeŋ ba choŋ.” Ndoŋ nna nɛ Enyɛnpe Ebɔrɛ shin nɛ afu lempo ko ba ber kebee na nseŋ bu kumo n lɛ m bure afalta nɛ a wɔ ndoŋ na to, ama Enyɛnpe na daa maŋ wɔ afu na to. Afu na ka yige nɛ kasawule be kegbuŋgbuŋ malɛ bɛ so ama Enyɛnpe na daa maŋ wɔ kumo alɛ gba to.

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

Job be kawɔl 1:6

Kachako nɛ Ebɔrɛ be emalaika ba shɛr Enyɛnpe Ebɔrɛ na kutɔ ashi ebɔrɛso nɛ Setani gba ba ti bumo so ndoŋ.

Nshɛ 148:8

Bɔrɛ be kenyɛkpɛ nɛ abɔrɛjembubi nɛ kunyɔlɔ nɛ awɔlpaana nɛ bɔrɛfugboŋana nɛ amo kikɛ bee nu a sa mo na e baa kpaŋ mo.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Aizaaya 54:5

Ŋkpal manɛ so menyi be etopo na beeŋ baa la fanɛ ekul n sa menyi. Mo e la Enyɛnpetale, Israɛl be Ebɔrɛ cheembi na. E beeŋ mɔlga menyi. Mo e naa ji kuwura durnya kikɛ so na.

Jɛremaya 49:36

Bedoŋ beeŋ shi kaba kama so m ba kɔ Elam be basa nseŋ pɛ bumo tintiŋso n yɔ durnya to be efuli kama so.

Ezikɛl 11:22

Kumo be kaman nɛ asɔbɔya keniso na fara a firgi, nɛ aya kulkulso na wɔ bumo be akel to, nɛ Israɛl be Ebɔrɛ na be kemaŋkura buu bumo so.

Ezikɛl 37:9

Ndoŋ nna nɛ Ebɔrɛ naŋ kaŋɛ ma: “Dimɛdi pibi, malga n sa afu. Kaŋɛ afu na fanɛ Enyɛnpetale Ebɔrɛ na yɛ k shi kaba kama so m ba luri eyurana nɛ a la bubuni a dese ere to nɛ e nya ŋkpa.”

Danɛl 11:4

Ama k maaŋ chɛr nɛ mbe efuli na e bure m barga to n yɔ durnya ere be abonfu ana ere kikɛ to. Nɛ efuli popɔrana nɛ amo be bewura maŋ shi ewura lempo na be kanaŋ to e bɔla amo to n lar. Bewuraana na malɛ maaŋ baa kɔ eleŋ fanɛ mo.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Danɛl 7:2

Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Zakareya 4:14

Ndoŋ nna nɛ e kaŋɛ: “A yili nna n sa basa anyɔ na nɛ Enyɛnpe Ebɔrɛ na shin nɛ b duga ŋku n do bumo be amu so nseŋ lara bumo n yili fanɛ b baa shuŋ mo ere Ebɔrɛ nɛ e la durnya kikɛ be Enyɛnpe na.”

Zakareya 6:1

Kede be kaman nɛ n naŋ ku bɔrɛdare ko gba n wu egbaŋɛturko ana ko ka shi danyaŋ be abee anyɔ ko be kefɛato a ba.

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 1:7

Le nɛ mo alɛ naŋ malga mbe emalaika koŋwule na be asheŋ ŋ kaŋɛ: “Ma, Ebɔrɛ bee shin nɛ ma emalaika bee wora fanɛ afu nna nɛ ma anya malɛ bee wora fanɛ edɛ a chɔɔ wuloŋwuloŋ.”

Joshuwa 3:11

Enyɛnpe nɛ e la durnya kikɛ be Ebɔrɛ na be ŋkre be deka na beeŋ juŋkpar menyi n yuu Jɔɔdan be lɔr na to.

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.