Zakareya 6:12 - EBƆRƐ BE KAWƆL

¹² Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr.

Zakareya 6:12 ပူးပေါင်းရင်းမြစ်များ

Zakareya 3:8

Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.

Jɛremaya 33:15

Jemanɛ na kaŋ fo meeŋ lara ewura Deevid be kaman to ebi to be esa nɛ e bee wora asheŋ niŋiso m buu mo kuwura. E beeŋ baa wora kusɔ nɛ k niŋi nseŋ daga ashi kasawule na kikɛ so.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Aizaaya 11:1

Kananɛ keyimu bee purge afantaŋ popɔr nɛ a bee daŋ a ki kedibi na, aloŋ nɛ esa ko beeŋ shi ewura Deevid be kanaŋ to m ba ki ewura kachako so.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 53:2

Enyɛnpe Ebɔrɛ na gbagba be keparso nɛ mbe kenya daŋ ki fanɛ kusɔduuso nɛ k mur achin kasawule wɔlso so. E daa maŋ walɛ keyɛrbi ŋko a la esagboŋ ko nɛ basa nyi mbe asheŋ ŋko a keni mo a bɔlɔ kenishi. Mbe kapɔr be shɛŋ daa maa par basa, nɛ k shin nɛ basa e baa firgi a taga mo to.

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Hibruwebi 8:3

Bɔrɛmatapo nimuso kikɛ, baa lara mo nna nɛ e baa ta ŋkɛana a bar Ebɔrɛ nsaa lara esarga Ebɔrɛ be anishito. Amoso, k daŋ daga fanɛ anyi be bɔrɛmatapo nimuso na gba ka daŋ ta kusɔ ko n lara sarga.

Hibruwebi 7:24

Ama Yesu bre wɔtɔ nna mbaanaayɔ, amoso, esa kikɛ maŋ naa sɔ mo so ashi kabɔrɛmata be kushuŋ na to.

Hibruwebi 7:4

Nɛ fo keni to feeŋ pin fanɛ Mɛlkizedɛk daa la esagboŋ nna pasaa, ŋkpal manɛ so, an nananyɛn Eebraham gba daŋ sa mo mbe kena to be kanya kikɛ be kudukudusopo nna.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

Ashuŋ Shunso 13:38

Ŋ kurgepoana, men kikɛ e baa nyi geeŋ fanɛ Yesu nawule so nɛ b bɔ alubi be ketampaŋ be kubɔya na a sa menyi.

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Luuk 1:78

An be Ebɔrɛ la kuwɔrwupowura a du cheembi nna,

Maak 15:39

Benapo be enimu ko nɛ e daa yil Yesu be anishito na ka wu kananɛ Yesu fute mbe lalaloge be efute na nɛ e kaŋɛ: “Kashenteŋto kanyɛn ere daa la Ebɔrɛ Pibinyɛn nna.”

Maak 15:29

Basa nɛ b daa choŋ gba daa maŋ bumo be amu so nna a tege Yesu a kaŋɛ: “Aha, fo yɛ feeŋ bure bɔrɛlambu na nseŋ pɔr kumo nchɛ asa be kefɛato.

Maak 14:58

“An nu e ka kaŋɛ fanɛ: ‘Meeŋ bure bɔrɛlambu nɛ nyiŋgbasa pɔr ere n lɛ nɛ kumo be nchɛ asa to nɛ m pɔr kumo nɛ enyiŋgbasa kikɛ maaŋ tiŋ m pɔr.’ ”

Matiu 26:61

ŋ kaŋɛ le: “An nu e ka daŋ kaŋɛ fanɛ: ‘Meeŋ tiŋ m bure Ebɔrɛ be lambu na n lɛ nɛ kumo be nchɛ asa to nɛ m pɔr kumo.’ ”

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Zakareya 8:9

Kusɔ nɛ Enyɛnpetale Ebɔrɛ na naŋ kaŋɛ nde: “Mmalga nɛ ma anebiana na daŋ malga jemanɛ nɛ b daa tɔl ma bɔrɛlambu na be gbaltɔlase na nɛ menyee nu na, amoso men baa kɔ kenyɛn nsaa maa pɔ aba.

Maika 5:5

nɛ e bar kayurwushi m ba sa bumo. Asiriya be efuli so be basa kaŋ ba kɔ m bure n luri anyi be mboŋ lempoana to, anyeeŋ shuŋi anyi be bejuŋkparpo lempoana nɛ b ya kɔ bumo.

Ɛzra 3:10

Bepɔrpo na ka baŋ tɔl Enyɛnpe Ebɔrɛ be lambu na be gbaltɔlase na n loge, nɛ bɔrɛmatapoana ta bumo be epiŋi m buu nseŋ ta mbel nɛ Asaf be mbinyɛnso nɛ b la Livaiebi na malɛ ta edawuro, nɛ bekama yili bumo be eyilikpa nseŋ fara a boŋ nshɛ a kpaŋ Ebɔrɛ. Ŋkpal manɛ so, ketande nɛ ewura Deevid nase n sa bumo nna na.

Ɛzra 3:8

Kafɛ nɛ Israɛlebi na ba Enyɛnpe Ebɔrɛ na be lambu na ase ashi Jerusalɛm to na be kufɔl nyɔsopo to nɛ Shɛɛltiɛl pibinyɛn, Zerubabel nɛ Jozadak pibinyɛn, Joshuwa nɛ bumo kurgepoana, nɛ b la bɔrɛmatapoana nɛ Livaiebi nɛ bekama nɛ b bɛta m ba Jerusalɛm to na, fara bɔrɛlambu na be kepɔr. B daŋ lara Livaiebi nɛ b fo nfɛ adunyɔ m baŋ so na nna fanɛ b baa keni kushuŋ na so.

Hibruwebi 10:12

Ama mo Yesu ere, sarga koŋwule pati nɛ e lara ŋkpal alubi so nɛ k bee kukwe a sa saŋkikɛ. Kumo be kaman nɛ e chena Ebɔrɛ be jisoso, ebunyampo be kakpa na.

Baru lela nɛ Jɔn kute na 19:5

Yesu ka buu kuwurwuro na nɛ kusɔbuuso peper kunɔkunɔ na m ba lar nɛ Pailat kaŋɛ basa na le: “To, mo nde!”

Ezikɛl 37:25

Kasawule nɛ n ta n sa ma kayɛrbi Jeekɔb na so nɛ baaŋ chena, kakpa nɛ bumo nanaana daŋ chena na. Bumo nɛ bumo be mbia nɛ kaman to ebi kikɛ beeŋ chena kumo so hale mbaanaayɔ, nɛ ewura nɛ e du fanɛ ma kayɛrbi Deevid na e baa ji bumo so kuwura.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

2 Samuɛl 7:13

Mo e naŋ pɔr ma bɔrɛlambu n sa ma. Mo alɛ be kuwurji maaŋ loge kikɛ.

Ezikɛl 41:1

Ade kikɛ be kaman, nɛ kanyɛn na naŋ keta ma n luri bɔrɛlambu na be ebu nɛ baa tre kakpa cheembi to. Nseŋ karga kumo be kedɛdɛ na, nɛ kumo be mparto daa sa fanɛ ayadra kudu,