Zakareya 6:1 - EBƆRƐ BE KAWƆL

¹ Kede be kaman nɛ n naŋ ku bɔrɛdare ko gba n wu egbaŋɛturko ana ko ka shi danyaŋ be abee anyɔ ko be kefɛato a ba.

Zakareya 6:1 ပူးပေါင်းရင်းမြစ်များ

2 Bewura 6:17

Kumo be kaman nɛ Elaisha kule ŋ kaŋɛ: “O Enyɛnpe Ebɔrɛ bugi mbe anishi nɛ e wu kusɔ nɛ k wɔtɔ.” Nɛ Enyɛnpe Ebɔrɛ nu Elaisha be kekule nseŋ bugi mbe kayɛrbi be anishi nɛ e maŋ kumu so ŋ keni nɛ egbaŋɛ nɛ egbaŋɛturko nɛ e bee suse edɛ kulti Elaisha n wɔtɔ kebee na so kikɛ.

Job be kawɔl 34:29

Nɛ Ebɔrɛ baŋ maŋ wora shɛŋ gba, esa ko ŋko efuli ko beeŋ tiŋ n wu mo kulubi a?

Nshɛ 33:11

Kusɔ nɛ Enyɛnpe na kre bre wɔtɔ nna mbaanaayɔ. Kusɔ nɛ e yili maa chɛrga kikɛ.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 43:13

Ma e la Ebɔrɛ nɛ e wɔtɔ mbaanaayɔ na. Esa kikɛ maaŋ tiŋ ŋ gberge menyi n suge ma enɔ to; ŋko ŋ kuŋ ma ekpa nɛ m maaŋ tiŋ n wora kusɔ nɛ mee sha.”

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Danɛl 4:15

Ama men yige kumo be keyimu, nɛ b ta kebɛlso nɛ danyaŋ be ŋgbɛlɛbi ŋ kre na, nɛ kumo be nliŋi kasawule to ashi kupuŋ to. Kedibi ere du fanɛ dimɛdi nna. Amoso shin nɛ bunyaŋ e shi esoso m ba tɔr mo so, nseŋ shin nɛ mo nɛ asɔbɔya e baa wɔ kupuŋ to.

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Danɛl 8:22

Alambɛ ana nɛ a ba tal kumo nɛ k bu na to na malɛ yili nna a sa fanɛ efuli na so be kuwurji beeŋ ba barga to ana, ama amo alɛ be kekama be eleŋ maaŋ fo sososo peya na so.

Zakareya 5:1

Kede be kaman nɛ n naŋ to kenishi ŋ keni n wu kawɔl sibɛso ko ka bee firgi afu to.

Zakareya 6:5

Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Ɛfesesebi 3:11

Ebɔrɛ wora loŋ nna ŋkpal mbe kesheŋ naseso nɛ e bɔla an Nyɛnpe Kristo Yesu so n wora dra dra na kikɛ so.

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.