Zakareya 4:10 - EBƆRƐ BE KAWƆL

¹⁰ Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Zakareya 4:10 ပူးပေါင်းရင်းမြစ်များ

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Job be kawɔl 8:7

E beeŋ shin nɛ fo echefoso be kebaawɔtɔ e baa bɔ fo kebaawɔtɔ dra na ga.

Nshɛ 33:14

E wɔ kakpa nɛ e bee ji kuwura na nna nsaa keni kaseto a wu basa nɛ b wɔ durnya to kikɛ.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 66:11

Ŋkpal manɛ so, kumo be kemaŋkura nɛ kedamaya kikɛ beeŋ suse menyi alɛ gba fanɛ kananɛ kebibi bee nya a nyipo mo nio be anyipo na.

Aizaaya 66:14

Men kaŋ wu le ka bee wora, menyi be ŋgbene beeŋ fuli menyi nɛ men nya eleŋ nɛ alenfia. Aloŋ nɛ menyeeŋ pin fanɛ ma, Enyɛnpe Ebɔrɛ na bee chɛ basa nɛ baa wora ma kasonu na to nna; ma alɛ nsaa shin nɛ ma agbo bee ba n doŋana so.”

Jɛremaya 16:17

Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Ezikɛl 1:14

Bumo alɛ daa yɔ anishito nsaa bɛta kaman manaŋ manaŋ nna fanɛ bɔrɛ ka bee nyɛkpɛ na.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Eemɔs 7:2

Elotɔr na ka ji kasawule ere so be adɔjibi kikɛ n loge na nɛ ŋ kaŋɛ le: “Enyɛnpetale, ta fo basa Israɛlebi be alubi m paŋ bumo! Nuso nɛ baaŋ wora n ji efute? B maŋ shibi bumo alɛ maŋ naa kɔ eleŋ.”

Eemɔs 7:5

Ndoŋ nna nɛ ŋ kaŋɛ le: “Enyɛnpetale, jande sa maŋ wora loŋ. Nuso nɛ fo basa beeŋ wora n ji efute? B maŋ shibi, bumo alɛ maŋ naa kɔ eleŋ!”

Heegai 2:3

“Menyi to be eko beeŋ tiŋ n nyiŋi kananɛ bɔrɛlambu na be kela daa du a? Nuso nɛ k naa du n sa menyi naniere? K maŋ naa la shɛŋ n sa menyi, ŋko?

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Zakareya 9:1

Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Kelaraŋŋini 5:6

Ndoŋ nna nɛ n wu Kpakpafɔlbi ka yil kuwurputi na akpa be nferinto nɛ asɔbɔya keniso ana na nɛ bejuŋkparpo na kulti kumo. Kpakpafɔlbi na daa du fanɛ b ka mɔ mo nna. E daa kɔ alambɛ ashunu nɛ anishi ashunu nɛ a la Ebɔrɛ be ayoyu ashunu nɛ e shuŋi amo m ba kasawule ere so na nna.

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.